-పేదలతో కలిసి భోజనం
నందిగామలో తెలుగుదేశం పార్టీ రాష్ట్ర ప్రధాన కార్యదర్శి, మాజీ మంత్రి దేవినేని ఉమామహేశ్వరరావు అన్న క్యాంటీన్ ప్రారంభించారు. ఈ కార్యక్రమంలో స్థానిక ప్రజాప్రతినిధులు, అధికారులు, పార్టీ నాయకులు పాల్గొన్నారు. ఉమామహేశ్వరరావు స్వయంగా భోజనాన్ని వడ్డించి, అనంతరం పేదలతో కలిసి భోజనం చేశారు.
ఈ సందర్భంగా ఉమామహేశ్వరరావు మాట్లాడుతూ… చంద్రబాబు నేతృత్వంలో పేద, మధ్య తరగతి ప్రజల ఆకలి తీర్చడమే లక్ష్యంగా ఈ అన్న క్యాంటీన్లు పునరుద్ధరించబడినట్లు తెలిపారు. కేవలం ఐదు రూపాయలకే నాణ్యమైన, రుచికరమైన, శుభ్రమైన ఆహారం అందిస్తున్నామని, ఇది పేద ప్రజల ఆకలి తీర్చడంలో ఎంతో కీలకమని పేర్కొన్నారు. వైసీపీ ప్రభుత్వం ప్రజలకు మేలు చేయడం మానేసి, అవినీతి పాలనతో రాష్ట్రాన్ని పాతాళానికి దించిందని విమర్శించారు.
- చంద్రబాబు ఎన్టీఆర్ సంకల్పంతో గత ప్రభుత్వ హయాంలో రాష్ట్రవ్యాప్తంగా అన్న క్యాంటీన్లను ప్రారంభించారని, ఆ క్యాంటీన్లు 153 కేంద్రాల్లో 4 కోట్ల 53 లక్షల మందికి భోజనం అందించాయని తెలిపారు.
- వైసీపీ ప్రభుత్వం గత ఐదేళ్లలో నందిగామ అన్న క్యాంటీన్‌కు తాళాలు వేసిందని, మంగళగిరిలో విధ్వంసం సృష్టించిందని ఉమా ఆరోపించారు. జగన్ ప్రభుత్వం క్యాంటీన్లు మూసివేసి మందు షాపులకు, అసాంఘిక కార్యకలాపాలకు మార్గం సుగమం చేసిందని మండిపడ్డారు.
- గాంధీ సెంటర్లో అన్నం వడ్డించడాన్ని అడ్డుకోవడానికి వైసీపీ నేతలు కుట్రలు పన్నారు, అంతేగాక, అన్నదానం కోసం హైకోర్టుకు వెళ్లాల్సిన పరిస్థితి తెచ్చారన్నారు.
- తెలుగుదేశం పార్టీ రాష్ట్రవ్యాప్తంగా 100 అన్న క్యాంటీన్లను పునఃప్రారంభించిందని, నందిగామ ప్రజలకు ఇది ఎంతో ఉపయుక్తమని చెప్పారు.
- ఐదు రూపాయలకే భోజనం అందించడం ప్రజల్లో విశేష స్పందనను రాబడుతుందని, వ్యయప్రయాసలకోర్చి కూటమి ప్రభుత్వం ఈ కార్యక్రమాన్ని చేపట్టిందని తెలిపారు.
