-రేవంత్ దాటిన రేఖలు, తారలు, వాణి ల గురించి మాట్లాడగలం
-మేము నోరు విప్పితే రేవంత్‌కు ఇంట్లో అన్నం పెట్టరు
-సాగర్ సొసైటీ, మైహోం భుజా వ్యవహారాల గురించి మాట్లాడగలం
-ఎక్కువ మాట్లాడితే ఫోటోలు కూడా బయట పెడతాము
-రేవంత్ సెల్ప్ డ్రైవింగ్ కథలు, ప్రయివేట్ కార్లపైన వివరాలు చెప్తాం
– రేవంత్ కు ఈ రోజు కుటుంబం గుర్తుకు వచ్చిందా?
– రేవంత్ ముఠా టిడిఅర్ స్కాం చేయబోతున్నది
– నేరాన్ని అంగీకరించి రేవంత్ అప్రూవర్ గా మారారు
– రేవంత్ రెడ్డికి గాసిప్స్ మీద తప్ప గవర్నెన్స్ మీద దృష్టి లేదు
– అందాల పోటీలతో ఊరూరికీ బ్యూటీ పార్లర్ పెడతావా?
– అసెంబ్లీలో బిఅర్ఎస్ వర్కింగ్ ప్రెసిడెంట్ కెటిఅర్ మీడియా చిట్ చాట్
హైదరాబాద్ : 70 వేల కోట్ల ఆదాయం తగ్గిందని సీఎం ఒప్పుకున్నారు
తెలంగాణ రైజింగ్ అంటూనే ఈ తగ్గింపు ఏమిటి? ఇది ముమ్మాటికి తెలంగాణ ఫాలింగ్. ఇంతకంటే రాష్ట్రానికి ఘోరమైన అవమానం ఇంకోటి ఉండదు.
బడ్జెట్ లో 71 వేల కోట్ల రూపాయల తగ్గింపు దారుణం.తెలంగాణలో వ్యవసాయం, పెట్టుబడులు, పరిశ్రమలు పెరుగుతున్నాయని ప్రభుత్వం గొప్పగా చెప్తుంటే మరి అదాయం ఏట్లా తగ్గింది? బంగారం లాంటి రాష్ట్రాన్ని అప్పజెప్పితే, కాన్సర్ అంటూ మాట్లాడి రేవంత్ సర్వనాశనం చేశాడు.
ఏఏ రంగాల్లో వృద్ధి పెరిగిందో బడ్జెట్ లో చెప్పాలి… దానితో వచ్చే అదాయం పెరిగిన తీరు చెప్పాలి. బడ్జెట్ కంటే ముందే నేరాన్ని అంగీకరించి అప్రూవర్ గా రేవంత్ మారారు. ప్రభుత్వం పూర్తి అట్టర్ ప్లాఫ్ అని సీఎం స్వయంగా ఒప్పుకున్నారు.
ఎవరైనా ముఖ్యమంత్రి ఇండ్లు కడతారు… కానీ, కూలగొడతారా? ఆదాయం పెంచే తెలివి ఈ ప్రభుత్వానికి అస్సలు లేదు గాల్లో మెడలు కట్టడం లేదని, వాస్తవిక బడ్జెట్ పెడ్తున్నామని భట్టి విక్రమార్క గొప్పగా చెప్పారు. ఇన్నాళ్లు మేము చెప్పిందే నిజమైందని ఒప్పుకున్నారు.
రాష్ట్ర ఆర్థిక వ్యవస్థ చిన్నాభిన్నం కావడానికి సీఎం విధానాలే కారణం
కేసీఆర్ పై ద్వేషంతో కాళేశ్వరం బంద్ పెట్టి వ్యవసాయం నాశనం చేశారు.రాష్ట్రం అన్ని రంగాల్లో విఫలమైనది అని చెప్పినప్పుడు వినలేదు. బడ్జెట్ కోతతోనే అదే నిజమైంది.
రేవంత్ ఏడాది కాలంగా చేసిందంతా నెగటివ్ పాలిటిక్స్, అక్రమ నిర్భందాలు, తెలంగాణను కాన్సర్ అంటూ రాష్ట్ర పరువు తగ్గించడం వంటి అడ్డమైన మాటల వల్లనే తెలంగాణ తీవ్రంగా నష్టపోయింది.
రేవంత్ పాలనపై..
రేవంత్ వంటి పిచ్చోడి చేతిలో తెలంగాణ రాయి అయిపోయింది. ముఖ్యమంత్రి అయిన మొదటి ఏడాదిలోనే రేవంత్ రెడ్డి ఫెయిల్ అయిండు అనదానికి ఇదే నిదర్శనం. మొదటి సంవత్సరం పరీక్షలో ముఖ్యమంత్రి దారుణంగా విఫలమయ్యాడు. ప్రభుత్వం పూర్తిస్థాయిలో విఫలమైంది. ఎలాంటి ఆర్ధిక మాంద్యం లేకుండానే, కోవిడ్ వంటి సంక్షోభం లేకుండానే ఆర్థిక పరిస్థితి దిగజారింది.
కేంద్రంతో మంచిగా ఉన్నానని చెప్తున్న రేవంత్ రెడ్డి రాష్ట్రానికి అదనంగా తెచ్చింది ఏమిటి? రేవంత్ రెడ్డి డీల్లీ పర్యటనల వలన కేంద్రం నుంచి తీసుకొచ్చి నిధులు, చేసిన లాభం ఏమిటి? ముఖ్యమంత్రి ఫెయిల్ అయినట్లు నేరుగా చెప్పాడు. బడ్జెట్‌లో కోత అంటే ఇన్ని రోజులు మేము చేసిన విమర్శలు అన్నీ నిజమే.
కేసీఆర్ మీద ఉన్న కోపంతో, పంటలు ఎండబెట్టడంతో ఆర్థిక వ్యవస్థకు వ్యవసాయ రంగం నుంచి కాంట్రిబ్యూషన్ తగ్గింది. గ్రామీణ ఆర్థిక వ్యవస్థ పూర్తిగా దెబ్బతినడంతో ఆర్థిక వ్యవస్థ మరింతగా దిగజారింది. రాష్ట్ర ఆర్థిక వ్యవస్థ పట్టణాలు, గ్రామాల్లో దిగజారడానికి కారణం పూర్తిగా రేవంత్ రెడ్డి మాత్రమే
రేవంత్ డీల్లీ పర్యటనపై..
ఢిల్లీకి 40 సార్లు కాకపోతే 400 సార్లు పోయి ప్రధానమంత్రి మోడీ, రాహుల్ గాంధీ కాళ్లు పట్టుకో, మాకేం సమస్య లేదు, కానీ తెలంగాణకి ఎన్ని నిధులు తెచ్చినావో చెప్పు? కేంద్రంతో సఖ్యతతో ఉండి సాధిస్తామని అన్నారు… ఏం సాధించారు? తెలంగాణ ప్రజలు విచక్షణతో ఆలోచించి రెండుసార్లు మాకు అవకాశం ఇచ్చినారు, కాబట్టి తెలంగాణ బలంగా నిలబడింది. రేవంత్ రెడ్డి లాంటి ముఖ్యమంత్రి తో సమైక్యాంధ్ర పాలకులు అన్న మాటలు నిజమవుతున్నాయి.
తెలంగాణకి నాయకత్వ లక్షణాలు లేవు, చేతకాదు, పరిపాలన చేయడం రాదన్న ఆరోపణల్ని తన పాలనతో రేవంత్ రెడ్డి నిజమే అని నిరూపిస్తున్నట్టు కనిపిస్తుంది. రేవంత్ రెడ్డి 2014లో గనుక ఉండుంటే తెలంగాణ విఫలరాష్ట్రంగా మిగిలిపోయేది. మా నాయకుడు రాష్ట్ర ప్రభుత్వం యొక్క బట్టలు విప్పి అసెంబ్లీలో నిలబెట్టాడు.
ఓవర్సీస్ స్కాలర్ షిప్పులకు సంబంధించిన ప్రభుత్వం చేసిన అన్యాయాన్ని అసెంబ్లీలో ఎండగట్టాడు. ఏడువేల మందికి పైగా విద్యార్థులు, తెలంగాణ బిడ్డలు విదేశాలకు చదవుకోవడానికి వెళ్లి బాగా ఇబ్బంది పడుతున్నారు. రేవంత్ రెడ్డికి గాసిప్స్ మీద తప్ప గవర్నెన్స్ మీద దృష్టి లేదు.
రేవంత్ ముఠా టిడిఅర్ స్కాం చేయబోతున్నది. రేవంత్ టిడిఅర్ పైన మాట్లాడాలి. భూములు అమ్మకూడదని హైదరాబాద్ సెంట్రల్ యూనివర్సిటీ విద్యార్థులు ధర్నాలు చేస్తున్నారు. రాహుల్ గాంధీ ఇప్పుడెందుకు వస్తలేడు..గతంలో అక్కడికి వచ్చి ఫోజులు కోట్టి పోయిండు కదా? రాహుల్ ఎందుకు స్పందించడం లేదు. రాహుల్ స్పందించాలి
రేవంత్ నీతిసూత్రాలపై కేటీఆర్ ఎద్దేవా
నామీద 15 కేసులు పెట్టిన రేవంత్ రెడ్డికు ప్రజాసామ్య విలువలు ఈ రోజు గుర్తుకు వచ్చాయా? రేవంత్ కు ఈ రోజు కుటుంబం గుర్తుకు వచ్చిందా?
మాపై దారుణమైన, అసహ్యకరమైన అరోపణలు, మాటలు మాట్లాడినప్పుడు మాకు కుటుంబాలు, ఫ్యామిలీలు లేవా? మాకు సంబంధాలు అంటగట్టినప్పుడు, మా పిల్లల్ని రాజకీయాల్లోకి లాగిన రోజు మీకు విలువలు లేవా? ఈ రోజు ముఖ్యమంత్రి తన పిల్లలు, భార్య గురించి మాట్లాడుతున్నారు, మరి ఆ రోజు మాకు కూడా కుటుంబాలు ఉండేవి కదా?
ఇదేనా జర్నలిస్టులకు రేవంత్ రెడ్డి ఇచ్చే గౌరవం?
నీతో కలిసి వచ్చినప్పుడు నీ మాటలు చెప్పినప్పుడు యూట్యూబర్లంతా జర్నలిస్టులుగా కనిపించారు. ఇవాళ నిన్ను విమర్శిస్తే జర్నలిస్టులు కారా? ఒకప్పుడు జర్నలిస్టుగా పనిచేసిన వాళ్లు ఇప్పుడు ప్రభుత్వ వైఫల్యాలను యూట్యూబ్‌లో ఎండగడుతుంటే వాళ్లని జర్నలిస్టులు కాదంటున్నాడు. జర్నలిస్టులను జర్నలిస్టులు కాదంటూ రేవంత్ రెడ్డి అడ్డగోలుగా మాట్లాడుతున్నాడు.
జర్నలిస్టుల బట్టలు విప్పిస్తా అని రేవంత్ రెడ్డి అన్నప్పుడు ఎవరూ మాట్లాడటం లేదు. ఇదేనా జర్నలిస్టులకు రేవంత్ రెడ్డి ఇచ్చే గౌరవం? విలువలని అసెంబ్లీలో చిలకపలుకులు మాట్లాడి, స్టేషన్ ఘన్‌పూర్‌లో బజారు భాష మాట్లాడాడు. రాజకీయాల్లో హద్దు దాటకూడదని ఇన్నాళ్ళు సంయమనంతో వ్యవహరించాము.
మేం కూడా రేవంత్ లెక్కనే మాట్లాడితే బయటతిరగలేడు. మేము కూడా రేవంత్ బట్టలు విప్పగలం. రేవంత్ దాటిన రేఖలు, తారలు, వాణి ల గురించి మాట్లాడగలం. మేము నోరు విప్పితే రేవంత్‌కు ఇంట్లో అన్నం పెట్టరు. మేము కూడా సాగర్ సొసైటీ, మైహోం భుజా వ్యవహారాల గురించి మాట్లాడగలం. ఎక్కువ మాట్లాడితే ఫోటోలు కూడా బయట పెడతాము రేవంత్ సెల్ప్ డ్రైవింగ్ కథలు, ప్రయివేట్ కార్లపైన వివరాలు చెప్తాం
రేవంత్ అప్పుల లెక్కలు తప్పు
కాగ్, అర్బిఐ లెక్కలు కాకుండా రేవంత్ కాకి లెక్కలు చెప్తుండు. రేవంత్ చెప్తున్న లెక్కల్లో రాహుల్ గాందీ, ప్రియాంకా గాందీ, కెసి వెణుగోపాల్ తో పాటు కాంగ్రెస్ అధిష్టానానికి ఆయన పంపిన మూటల లెక్కలు కూడా ఉన్నట్టున్నాయి. బిజెపి సినియర్ నేతలతో సిఏం రహస్య మీటింగ్ పెట్టుకుంటుడు. కనీసం సిఏం నుంచి ఖండన కూడా లేదు.
అందాల పోటీలపై..
అందాల పోటీలు పెట్టి రేవంత్ ఏం సాధించాలనుకుంటున్నారు? రాష్ట్రం అప్పులపాలైందని చెప్పి, అందాల పోటీలు పెడతారా? మింగ మెతుకు లేదు. మీసాలకు సంపెంగ నూనె అన్నట్టుంది అందాల పోటీ కథ. 46 కోట్లతో ఫార్ములా ఈ రేసు పెట్టి రాష్ట్రానికిి ఏం తెస్తామో చెప్పినా వినకుండా అడ్డగోలుగా మాట్లాడిన రేవంత్ ఇవాళ 250 కోట్లతో అందాల పోటీలు ఎందుకు నిర్వహిస్తున్నారు?
ఆత్మహత్యలతో తల్లడిల్లుతున్న రాష్ట్రంలో అందాల పోటీలు సిగ్గుచేటు. రేవంత్ జవాబు చెప్పాలి, కాంగ్రెస్ సమాధానం చెప్పాలి. అందాల పోటీలతో ఊరూరికీ బ్యూటీ పార్లర్ పెడతావా? ఇప్పుడు అందాల పోటీలకు అంత ప్రాధాన్యత లేదు. కరెంట్ కోతలు, తీవ్ర వ్యవసాయ సంక్షోభంలో రాష్ట్రం చిక్కుకుంటే, ప్రభుత్వం ఫోకస్ మొత్తం అందాల పోటీల మీద ఉంది.
ఇచ్చిన ఒక్క హామీ కూడా అమలు కావడం లేదు. అడబిడ్డలను కోటీశ్వరులను చేస్తామని మోసం చేశారు? ఫార్ములా ఈ వల్ల వచ్చిన లాభం నేను చెప్పిన. ఫార్ములా ఈ తో ఏకపక్షంగా ఒప్పందం రద్దు చేసుకుని 46 కోట్లు పోవడానికి రేవంత్ కారణం అయ్యాడు. ఒప్పందం రద్దు చేసుకుంటే డబ్బులు పోతాయని తెలిసినా, రేవంత్ కావాలనే రద్దు చేశాడు. ప్రజల డబ్బులు పోయేలా చేశాడు. ఈ ఒప్పందం రద్దు చేయడంతో జరిగిన ప్రజల సొమ్ము నష్టంపై ప్రభుత్వంలోకి రాగానే విచారణ జరుపుతాం.
మన జాతిపిత గాంధీని చంపింది గాడ్సె
తెలంగాణ జాతిపిత లాంటి కేసీఆర్ పై చిల్లర మల్లర మాటలు. మాట్లాడుతున్నది అభినవ గాడ్సె రేవంత్ రెడ్డి. రేవంత్ వి గాడ్సె మూలాలే.
