– మీ హనీమూన్ ముగిసింది
– మంత్రులకు బాబు దిశానిర్దేశం
అమరావతి: అధికారులను పూర్తిగా గుడ్డిగా నమ్మవద్దని ముఖ్యమంత్రి చంద్రబాబునాయుడు మంత్రులను ఆదేశించారు. మంత్రివర్గ సమావేశం తర్వాత రాజకీయ అంశాలు ప్రస్తావనకు వచ్చిన సందర్భంలో, సీఎం చంద్రబాబు ఈ సూచనలు చేశారు. మీ హనీమూన్ ముగిసింది. ఇక శాఖలపై పట్టుపెంచుకోండి అని వ్యాఖ్యానించిన చంద్రబాబు.. అధికారులను గుడ్డిగా నమ్మవద్దని, ఆయా అంశాలు పూర్తిగా తెలుసుకోవాలన్నారు. ‘వారు చెప్పేవి వినండి. కానీ వాటినే గుడ్డిగా నమ్మకండి. మీరూ వాస్తవాలు తెలుసుకోండి. వాస్తవాలు ఏమిటన్నది తెప్పించుకోండి. అందుకే శాఖాపరంగా పట్టుసాధించండి’ అన్నారు. రేషన్ అక్రమాలపై పిడి యాక్టు తరహా చట్టం తేవాలని మంత్రులు సూచించారు. స్పోర్ట్స్ పాలిసీలో స్థానిక క్రీడాకారుల ప్రతిభకు పట్టం కట్టాలని, విభిన్న ప్రతిభావంతులను ప్రోత్సహించాలని ఉప ముఖ్యమంత్రి పవన్, మంత్రి లోకేష్ సూచించారు.
