– ఫ్యూయల్ అండ్ పవర్ పర్చేజ్ కాస్ట్ అడ్జస్ట్మెంట్ (FPPCA) ద్వారా ఆదా చేసిన ₹895.12 కోట్లను వినియోగదారులకు తిరిగి చెల్లింపు
– ఆదా అయిన మొత్తాన్ని తిరిగి చెల్లించడం దేశంలో ఏ రాష్ట్రంలోనూ జరగలేదు
– ఏపీ నిర్ణయం వల్ల ప్రతి యూనిట్పై సుమారు 13 పైసలు ఆదా
ఆంధ్రప్రదేశ్ విద్యుత్ వినియోగదారుల కోసం ఒక చారిత్రక నిర్ణయం తీసుకుంది. దేశంలోనే తొలిసారిగా, ఆంధ్రప్రదేశ్ ఎలక్ట్రిసిటీ రెగ్యులేటరీ కమిషన్ (APERC) ఫ్యూయల్ అండ్ పవర్ పర్చేజ్ కాస్ట్ అడ్జస్ట్మెంట్ (FPPCA) ద్వారా ఆదా చేసిన ₹895.12 కోట్లను వినియోగదారులకు తిరిగి చెల్లించాలని ఆదేశించింది. ఇది 1999లో విద్యుత్ రంగ సంస్కరణలు ప్రారంభమైన తర్వాత ఇలాంటి చరిత్రాత్మక సంఘటన మొట్టమొదటిది.
సాధారణంగా విద్యుత్ ఛార్జీలు పెరిగినప్పుడు మాత్రమే FPPCA అడ్జస్ట్మెంట్ ద్వారా వినియోగదారుల నుంచి డబ్బు వసూలు చేస్తారు. కానీ ఆదా అయిన మొత్తాన్ని తిరిగి చెల్లించడం దేశంలో ఏ రాష్ట్రంలోనూ జరగలేదు. ఆంధ్రప్రదేశ్ తీసుకున్న ఈ నిర్ణయం ఇతర రాష్ట్రాలకు భిన్నంగా ఉంది.
ఇతర రాష్ట్రాల విధానాలు:
గుజరాత్: ఇంధన సర్ఛార్జీలను తగ్గించింది కానీ, ఇది కేవలం భవిష్యత్తు రేట్లలో తగ్గింపు మాత్రమే. గతంలో వసూలు చేసిన మొత్తాలను తిరిగి ఇవ్వలేదు.
ఉత్తరప్రదేశ్, మహారాష్ట్ర, తమిళనాడు, రాజస్థాన్: ఈ రాష్ట్రాల్లో వినియోగదారులకు రీఫండ్లు ఉన్నప్పటికీ, అవి బిల్లింగ్ లోపాలు లేదా ఇతర వివాదాలకు సంబంధించినవి. కానీ, ఆంధ్రప్రదేశ్లో మాదిరిగా పెద్ద మొత్తంలో FPPCA ఆదాను పద్ధతి ప్రకారం తిరిగి చెల్లించడం జరగలేదు.
ఏపీ నిర్ణయం వల్ల ప్రతి యూనిట్పై సుమారు 13 పైసలు ఆదా అవుతుంది. ఈ మొత్తం నవంబర్ నుంచి ప్రారంభమయ్యే బిల్లులలో నెలవారీ వాయిదాలలో ఆటోమేటిక్గా సర్దుబాటు అవుతుంది. ఏప్రిల్ 2024 నుంచి మార్చి 2025 వరకు వినియోగించిన విద్యుత్కు ఈ మొత్తం వర్తిస్తుంది. ఈ నిర్ణయం విద్యుత్ నియంత్రణలో పారదర్శకత, వినియోగదారుల రక్షణకు ఒక కొత్త ఒరవడిని సృష్టిస్తుంది.
దేశానికే విద్యుత్ సంస్కరణలు నేర్పిన ఆంధ్రా.. తన దార్శనికుడు నాయుడి నిర్ణయం ద్వారా మరోసారి దేశాన్ని ఆశ్చర్యపరుస్తోంది.
About the Author
