– అలిపిరి పేలుడు నాటి లక్ష్యాలకు నేటి రెక్కీకి లింకు?
– మాద్వి హిడ్మా ఎన్కౌంటర్ తర్వాత ఏపీలో సంచలనం
– 5 జిల్లాల్లో 50 మందికి పైగా అరెస్టులు
తెలుగు రాష్ట్రాల భద్రతా వ్యవస్థను పెను సవాల్ విసిరే పరిణామం ఆంధ్రప్రదేశ్లో చోటు చేసుకుంది. గతంలో ఎన్నడూ లేని విధంగా, విజయవాడ వంటి కీలక పట్టణ కేంద్రంలో ఏకంగా 27 మంది మావోయిస్టులు ఆయుధాలతో పట్టుబడటం రాష్ట్రంలో హై అలర్ట్కు దారితీసింది. పట్టుబడిన మావోయిస్టులు రాష్ట్రంలో కీలక లక్ష్యాలపై రెక్కీ నిర్వహించినట్లు, వారి వ్యూహంలో భాగంగానే అడవులను వదిలి నగరాల్లోకి మకాం మార్చినట్లు భద్రతా బలగాలు నిర్ధారించాయి. ఈ అరెస్టుల వెనుక ఛత్తీస్గఢ్ సరిహద్దుల్లో జరిగిన కీలక ఎన్కౌంటర్ ఉంది. అత్యంత ప్రమాదకర మావోయిస్టు కమాండర్ మాద్వి హిడ్మా అల్లూరి సీతారామరాజు జిల్లాలోని మారేడుమిల్లి అడవుల్లో నవంబర్ 18, 2025న జరిగిన ఎన్కౌంటర్లో హతమైన తర్వాత… అతని నుంచి స్వాధీనం చేసుకున్న కీలక డైరీ ఇచ్చిన సమాచారంతో రాష్ట్రవ్యాప్తంగా దాడులు నిర్వహించారు.
పాత కక్షలు: ఆలిపిరి పేలుడుకు నేటి కుట్రకు లింకు!
ప్రస్తుతం పట్టణాల్లో మావోయిస్టుల చొరబాటు ఉద్రిక్తతను పెంచుతోంది. ఈ నేపథ్యంలో, గతంలో నక్సల్స్ రాజకీయ నాయకులను లక్ష్యంగా చేసుకున్న ఘటన గుర్తుకొస్తోంది.
* 2003 అక్టోబర్ 1: నాటి ముఖ్యమంత్రి, టీడీపీ అధినేత చంద్రబాబు నాయుడు తిరుపతిలోని ఆలిపిరి ఘాట్ రోడ్డు వద్ద నక్సల్స్ అమర్చిన శక్తిమంతమైన క్లేమోర్ మైన్ల పేలుడు నుంచి తృటిలో తప్పించుకున్నారు. ఆ దాడిలో ఆయన బుల్లెట్ ప్రూఫ్ కారు ధ్వంసమైంది, ఆయన స్వల్ప గాయాలతో ప్రాణాపాయం నుంచి బయటపడ్డారు.
* చంద్రబాబు నాయుడు కఠినమైన నక్సల్ అణిచివేత విధానాలకు నిరసనగా మావోయిస్టులు ఈ పక్కా ప్లాన్తో కూడిన దాడికి పాల్పడ్డారు.
* తాజాగా, విజయవాడలో పట్టుబడిన మావోయిస్టులు రెక్కీ నిర్వహించారనే విషయం, గతంలోని ఈ రాజకీయ లక్ష్యాల చరిత్రను దృష్టిలో ఉంచుకుంటే, ఏపీలో కీలక నాయకుల భద్రతపై ఆందోళన పెరుగుతోంది.
విజయవాడ: వలస కార్మికులుగా మారువేషంలో.. 27 మంది అరెస్ట్
మాద్వి హిడ్మా మృతి తర్వాత, అతని దళంలోని కీలక సభ్యులు ఏపీలోని పట్టణ ప్రాంతాలకు పారిపోయినట్లు ఇంటెలిజెన్స్ వర్గాల ద్వారా బయటపడింది.
* లొకేషన్: విజయవాడ శివారులోని కానూరు న్యూ ఆటోనగర్ ప్రాంతంలో ఓ బహుళ అంతస్తుల భవనాన్ని మావోయిస్టులు షెల్టర్ జోన్గా మార్చుకున్నారు.
* వ్యూహం: పట్టుబడిన 27 మంది మావోయిస్టులు ఛత్తీస్గఢ్, దండకారణ్యం ప్రాంతాలకు చెందినవారు. వీరు సాధారణ వలస కార్మికులుగా నటిస్తూ, స్థానిక కర్మాగారాలు, కలప డిపోల్లో ఉపాధి పొందుతున్నట్లు మారువేషంలో ఉన్నారు. దీని ద్వారా స్థానిక నిఘా వ్యవస్థను తప్పించుకోవాలని చూశారు.
* బలగాల మోహరింపు: విశ్వసనీయ సమాచారం మేరకు, ఆక్టోపస్ , గ్రేహౌండ్స్ వంటి రాష్ట్ర ప్రత్యేక బలగాలు, స్థానిక పోలీసులతో కలిసి ఆటోనగర్ ప్రాంతాన్ని చుట్టుముట్టాయి.
* ఆయుధ డంప్లు: భవనంలో ఆయుధాలను డంప్ చేసినట్లు గుర్తించిన పోలీసులు, వాటిని స్వాధీనం చేసుకునేందుకు విస్తృతంగా గాలింపు చేపట్టారు. అరెస్ట్ అయిన వారిలో కీలక హోదాల్లో ఉన్న మహిళా మావోయిస్టులు కూడా ఉన్నారు.
5 జిల్లాల్లో ఆపరేషన్: కేవలం విజయవాడలోనే కాకుండా, హిడ్మా డైరీలోని సమాచారం ఆధారంగా కృష్ణా (ఎన్టీఆర్), కాకినాడ, ఏలూరు, అల్లూరి సీతారామరాజు జిల్లాల్లోనూ ఏకకాలంలో దాడులు జరిగాయి. ఏలూరులో 15 మంది మావోయిస్టులు సహా, రాష్ట్రవ్యాప్తంగా మొత్తం 50 మందికి పైగా మావోయిస్టులను అదుపులోకి తీసుకున్నారు. ఇందులో మావోయిస్టు అగ్రనేత దేవుజికి చెందిన వ్యక్తిగత భద్రతా సిబ్బంది కూడా ఉండటం భద్రతా దళాల విజయంగా చెబుతున్నారు.
ఛత్తీస్గఢ్లో ‘ఆపరేషన్ కగర్’ ఒత్తిడిని తట్టుకోలేకనే మావోయిస్టులు తమ అడవుల స్థావరాలను వదిలి, ఏపీ పట్టణాల్లోని వలస కార్మికుల మధ్య షెల్టర్ తీసుకోవడం కొత్త వ్యూహంగా కనిపిస్తోంది. ప్రస్తుత దాడులతో మావోయిస్టుల రీ-ఆర్గనైజేషన్ ప్రయత్నాలు తాత్కాలికంగా దెబ్బతిన్నప్పటికీ, పట్టణ కేంద్రాలపై భవిష్యత్తులో నిఘాను, ఇంటర్-స్టేట్ కోఆర్డినేషన్ను పెంచాల్సిన అవసరం ఉందని భద్రతా నిపుణులు హెచ్చరిస్తున్నారు. నాడు ఎర్రచందనం స్మగ్లర్, తిరుపతి కడప రాజకీయ నాయకులు ఆశ్రయం ఇవ్వడంతో నాటి నేషనల్ ఫ్రంట్ భాగస్వామి అయిన చంద్రబాబు మీద నక్సల్స్ దాడి చేశారు.
నాడు ఆ ఘటనకు వ్యూహాలు పన్నిన వారి నుండి సాయం చేసిన వారి వరకు ఇటీవలి ఆపరేషన్ కగార్ ఎన్కౌంటర్లలో చనిపోవడం, కొందరు లోగిపోవడం జరిగింది. సదరు తిరుపతి నేతలు ఒకప్పుడు రాడికల్స్, విరసం, నక్సల్స్ గా వ్యవహరించడం తరువాత రాజకీయ నాయకులు అవ్వడం, తిరుమల వెంకటేశ్వరస్వామి సన్నిధిలో తీసుకొన్న వివాదాస్పద నిర్ణయాల మీద, లిక్కర్ స్కాంలో విచారణలు జరుగుతున్న సమయంలో.. సీఐఐ సదస్సుకు భారీస్పందన లభించి, పెద్ద ఎత్తున పెట్టుబడులు వస్తున్న సమయంలో.. అమరావతి నిర్మాణం ఊపందుకునే సమయంలో.. నేటి ఎన్డీఏ కీలక భాగస్వామి అయిన చంద్రబాబు ఉన్న నివాసానికి పదుల కిలోమీటర్లలో.. ఈ నక్సల్స్ పెద్ద మొత్తంలో అరెస్ట్ అవ్వడంతో రాష్ట్రం ఉలిక్కిపడింది.
About the Author
