– మల్టిప్లైయర్ ఎకనామిక్స్ ఎఫెక్ట్ అంటే ఏమిటి?
కాగ్నిజెంట్ వంటి ఒక పెద్ద ఐటీ సంస్థ విశాఖపట్నంలో తన కార్యకలాపాలను ప్రారంభిస్తే, అది కేవలం ఆ సంస్థలోని ఉద్యోగులకే కాకుండా, స్థానిక ఆర్థిక వ్యవస్థకు కూడా పెద్ద లాభాన్ని చేకూరుస్తుంది. దీనినే మల్టిప్లైయర్ ఎఫెక్ట్ (గుణకార ప్రభావం) అంటారు.
కాగ్నిజెంట్ సంస్థ దాదాపు రూ. 1,600 కోట్లు పెట్టుబడి పెడుతోంది మరియు 25,000 మందికి ప్రత్యక్షంగా ఉద్యోగాలు ఇవ్వాలనేది టార్గెట్.
ఖర్చు మరియు ఆదాయ వలయం (The Cycle of Spending and Income):
ఈ 25,000 మంది ఉద్యోగులు తమ జీతాలలో ఎక్కువ భాగాన్ని ఖర్చు చేస్తారు.
వీరు విశాఖపట్నంలో ఇళ్లు కొనుగోలు చేస్తారు లేదా అద్దెకు తీసుకుంటారు. దీనివల్ల రియల్ ఎస్టేట్ రంగం, నిర్మాణ రంగం అభివృద్ధి చెందుతుంది. కిరాణా దుకాణాలు, రెస్టారెంట్లు, బట్టల షాపులు, రవాణా, ఇతర సేవలు (సెలూన్లు, లాండ్రీ) వంటి స్థానిక వ్యాపారాలపై ఈ డబ్బు ఖర్చు అవుతుంది. పాఠశాలలు, కోచింగ్ సెంటర్లు, పిల్లల సంరక్షణ కేంద్రాలు (Daycare) వంటి సేవలకు డిమాండ్ పెరుగుతుంది.
మల్టిప్లైయర్ ఎఫెక్ట్ :
ప్రసంగించిన కాగ్నిజెంట్ సీఈవో చెప్పినట్లుగా, ఒక ఐటీ ఉద్యోగికి ప్రత్యక్ష ఉద్యోగం కల్పిస్తే, దాని ద్వారా 4 నుండి 5 అదనపు పరోక్ష ఉద్యోగాలు సృష్టించబడతాయి. ఉదాహరణకు ఆ ఉద్యోగి టీ కొనే టీ స్టాల్ యజమాని, ఆఫీస్ క్యాంటీన్ కార్మికులు, క్యాబ్ డ్రైవర్, ఆఫీస్ సెక్యూరిటీ గార్డు, వారి పిల్లల స్కూల్ టీచర్ – వీరందరూ పరోక్షంగా ఈ ఐటీ కంపెనీ రావడం వల్ల లబ్ధి పొందుతారు.
దీని ప్రకారం, 25,000 ఉద్యోగాలు సుమారుగా 1,00,000 (లక్ష) పరోక్ష ఉద్యోగాలను సృష్టించి, లక్ష కుటుంబాలకు జీవనోపాధి కల్పిస్తాయి. ఈ విధంగా, ఒక సంస్థ పెట్టే ప్రారంభ పెట్టుబడి మరియు ప్రత్యక్షంగా కల్పించిన ఉద్యోగాలు అనేక రెట్లు పెరిగి, ఆ ప్రాంతం యొక్క ఆర్థిక పరిస్థితి పెరగడానికి దోహదపడతాయి.
కేవలం ఐటీ ఉద్యోగాలే కాదు ఆ ప్రాంతంలో ఫాస్ట్ పుడ్ నుండి ఇళ్లలో పనిచేసే వారి వరకు ఉపాధి లభిస్తుంది.
తరచూ చంద్రబాబు నాయుడు మనకు చెప్పేది ఇదే. సీఈఓ కూడా అదే చెబుతున్నారు.
About the Author
