సరిహద్దులు దాటిన ‘నారా లోకేష్’ క్రేజ్

ప్రాజెక్టుల వేటగాడి పర్యటనలో తమిళ గడ్డపై భక్తుల సందడి!

రాజకీయ వ్యూహాలు, పారిశ్రామిక పోటీలు ఎప్పుడూ డెస్క్‌లకే పరిమితం… ప్రజల గుండెల్లో ఉండే అభిమానం ఎల్లప్పుడూ సరిహద్దులు దాటి ప్రవహిస్తుంది అనడానికి తాజా ఉదాహరణే – ఆంధ్రప్రదేశ్ ఐటీ, విద్యాశాఖ మంత్రి నారా లోకేష్ తమిళనాడు పర్యటన.

భారత రక్షణ రంగ చరిత్రలోనే అత్యంత ప్రతిష్టాత్మకమైన తమ హోసూరుకు రావాల్సిన ‘అడ్వాన్స్‌డ్ మీడియం కాంబాట్ ఎయిర్‌క్రాఫ్ట్’ (AMCA) తయారీ డిఫెన్స్ ప్రాజెక్టుతో పాటు, తమ మదరాసు రాయల్ ఎన్‌ఫీల్డ్ లాంటి మెగా ఇండస్ట్రీలను ఏపీకి తిప్పేసి, తమిళనాడు పారిశ్రామిక వర్గాల్లో తీవ్ర సంచలనం సృష్టించారు లోకేష్. అయితే, పారిశ్రామికంగా తమ రాష్ట్రానికి గట్టి పోటీ ఇచ్చిన ఒక పొరుగు రాష్ట్ర యువ నాయకుడిని, తమిళ భక్తులు తమ సొంత రాష్ట్రంలో చూసి ఫోటోలు దిగుతూ సందడి చెయ్యడం ఇప్పుడు హాట్ టాపిక్‌గా మారింది.

షోలింగర్ కొండపై భక్తుల కోలాహలం

రాణిపేట జిల్లాలోని ప్రసిద్ధ షోలింగర్ అమృతవల్లి తాయారు యోగ నరసింహస్వామి వారిని దర్శనం చేసుకోవడానికి మంత్రి లోకేష్ విచ్చేశారు. రోప్‌వే మార్గంలో కొండపైకి చేరుకుని స్వామివారికి ప్రత్యేక పూజలు నిర్వహించారు.
అనంతరం, పక్కనే ఉన్న మరో కొండపై కొలువై ఉన్న శ్రీ యోగ ఆంజనేయ స్వామి వారిని దర్శించుకునేందుకు ఏకంగా 420 మెట్లను కాలినడకన ఎక్కారు.

ఆ సమయంలో కొండపై ఉన్న వందలాది మంది తమిళ భక్తులు లోకేష్‌ను గుర్తుపట్టి ఒక్కసారిగా ఆశ్చర్యానికి లోనయ్యారు. ‘AMCA డిఫెన్స్ ప్రాజెక్టు’ను కొల్లగొట్టిన ఏపీ డైనమిక్ మినిస్టర్ ఇతనే కదా అంటూ భక్తులు ఆయన్ను చూడటానికి పోటీ పడ్డారు.

లోకేష్ కొండపై నడుచుకుంటూ వెళ్తుంటే స్థానిక తమిళ భక్తులు, మహిళలు ఎంతో ఆప్యాయంగా చేతులెత్తి నమస్కరిస్తూ ఆయనకు స్వాగతం పలికారు. రాజకీయాలు, రాష్ట్రాల సరిహద్దుల కంటే లోకేష్ విజనరీ, ఆయన ఫిట్‌నెస్ మరియు డౌన్-టు-ఎర్త్ స్వభావం వారిని విపరీతంగా ఆకట్టుకున్నాయి.

ఆత్మీయ పలకరింపులు: లోకేష్ కూడా ఏమాత్రం హడావుడి లేకుండా, ప్రతి ఒక్కరినీ ఆప్యాయంగా పలకరిస్తూ, చిన్న పిల్లలను ముద్దాడుతూ ముందుకు సాగారు.

ఫోటోల సందడి: తమిళనాడుకు చెందిన భక్తులు, ముఖ్యంగా మహిళలు లోకేష్‌తో గ్రూప్ ఫోటోలు, సెల్ఫీలు దిగడానికి ఎగబడ్డారు. లోకేష్ కూడా చిరునవ్వుతో వారందరికీ సమయం ఇచ్చి ఫోటోలు దిగారు.

ఒకవైపు అంతర్జాతీయ స్థాయి AMCA డిఫెన్స్ ప్రాజెక్టులను సాధిస్తూ పారిశ్రామిక వేటగాడిగా దూసుకుపోతున్న లోకేష్, మరోవైపు శత్రురాష్ట్రాల ప్రజల మనస్సులను కూడా తన ఆత్మీయతతో గెలుచుకుంటున్నారు. రాజకీయాలు ఎలా ఉన్నా, లోకేష్ లీడర్‌షిప్‌కు సౌత్ ఇండియాలోనే ఒక ప్రత్యేకమైన క్రేజ్ ఏర్పడుతోందని చెప్పడానికి ఈ ‘షోలింగర్’ దృశ్యాలే సజీవ సాక్ష్యం!