సిలికాన్ యుద్ధంలో ఏపీ వ్యూహాత్మక పునరాగమనం!

– గ్లోబల్ సెమీకండక్టర్ సప్లై చైన్ మరియు ఆంధ్రప్రదేశ్ పారిశ్రామిక రీ-ఇంజనీరింగ్!

నేటి ప్రపంచ ఆర్థిక వ్యవస్థకైనా, ఆయిల్ వెనుక జరిగిన యుద్ధాలకైనా వెన్నెముక వంటిది ‘సిలికాన్’ చిప్. ఆర్టిఫిషియల్ ఇంటెలిజెన్స్, 5G టెక్నాలజీ, హోమ్ ఆటోమేషన్, మరియు ఎలక్ట్రిక్ వాహనాల విప్లవం కారణంగా సెమీకండక్టర్ చిప్స్ ఇప్పుడు ఒక దేశ సార్వభౌమాధికారానికి చిహ్నంగా మారాయి. ఈ అంతర్జాతీయ రేసులో భారతదేశం ఒక కీలక శక్తిగా ఎదుగుతున్న తరుణంలో, ఆంధ్రప్రదేశ్ తన ‘వ్యూహాత్మక ఎత్తుగడల’తో ఒక శక్తివంతమైన *‘డార్క్ హార్స్’*గా అవతరిస్తోంది.

కోల్పోయిన కాలం – నేర్చుకున్న పాఠం (2019-2024)!

భారతదేశం 2022లో ‘ఇండియా సెమీకండక్టర్ మిషన్’ (ISM)ను ప్రారంభించినప్పుడు, గుజరాత్ మరియు ఉత్తరప్రదేశ్ వంటి రాష్ట్రాలు తక్షణమే స్పందించి ‘ఫస్ట్ మూవర్’ ప్రయోజనాలను పొందాయి. దురదృష్టవశాత్తు, ఆంధ్రప్రదేశ్ గత ఐదేళ్లలో విధానపరమైన స్పష్టత లేకపోవడం వల్ల ఒక సువర్ణావకాశాన్ని చేజార్చుకుంది. గుజరాత్ ఇప్పటికే మైక్రాన్ (Micron) మరియు టాటా-PSMC వంటి దిగ్గజాలతో లక్ష కోట్ల రూపాయలకు పైగా పెట్టుబడులను ఆకర్షించి ఉత్పత్తి దశకు చేరుకోగా, ఏపీ ఆ సమయంలో గ్లోబల్ ఇన్వెస్టర్ల రాడార్ నుండి తప్పిపోయింది.

సరికొత్త వ్యూహం: ‘స్పీడ్’ మరియు ‘స్పెషలైజేషన్’!

2024లో బాధ్యతలు చేపట్టిన ప్రస్తుత ప్రభుత్వం, కేవలం ఇతరులను అనుకరించకుండా, ఒక విభిన్నమైన ‘నిచ్ మార్కెట్’ వ్యూహాన్ని ఎంచుకుంది:

దేశంలోనే అత్యుత్తమ సబ్సిడీ: ఇతర రాష్ట్రాలు 40-50% రాయితీలు ఇస్తుంటే, ఏపీ ప్రభుత్వం తన నూతన సెమీకండక్టర్ పాలసీ ద్వారా అత్యంత ఆకర్షణీయమైన సబ్సిడీలను ప్రకటించి ఇన్వెస్టర్లకు *”Most Attractive Deal”*ను ఆఫర్ చేస్తోంది.

విశాఖపట్నం – OSAT పవర్ హౌస్: విశాఖలో రూ. 2,387 కోట్ల పెట్టుబడితో ఏఎస్ఐపీ (ASIP) ప్రాజెక్టును పట్టాలెక్కించడం ఒక చారిత్రాత్మక మలుపు. దక్షిణ కొరియాకు చెందిన APACT Co. Ltd తో ఉన్న సాంకేతిక భాగస్వామ్యం ద్వారా రాష్ట్రానికి అధునాతన ఓశాట్ (OSAT – Outsourced Semiconductor Assembly and Test) టెక్నాలజీ అందుబాటులోకి వస్తోంది. ఇది ఏటా 9.6 కోట్ల చిప్స్ ప్యాకేజింగ్ సామర్థ్యంతో అంతర్జాతీయ అవసరాలను తీర్చనుంది.

కుప్పం & ఓర్వకల్లు – తైవాన్ ‘బ్యాకప్’ వ్యూహం: తైవాన్ దేశంలోని భౌగోళిక రాజకీయ ఉద్రిక్తతల వల్ల ఆ దేశ సంస్థలు సురక్షిత ప్రాంతాల కోసం వెతుకుతున్నాయి. కుప్పంలో 470 ఎకరాల్లో ఇండో-తైవాన్ ఇండస్ట్రియల్ పార్క్ (రూ. 400 కోట్లు) మరియు ఓర్వకల్లులో పారిశ్రామిక క్లస్టర్ల ఏర్పాటు ద్వారా ఏపీ ఒక వ్యూహాత్మక ‘బ్యాకప్ హబ్’గా మారుతోంది. ఇది బెంగళూరు డిజైన్ సెంటర్లకు మరియు చెన్నై, ఆంధ్రా ఓడరేవులకు వ్యూహాత్మక వారధిగా నిలుస్తుంది.

పాలసీలతో పాటు, స్పీడ్, దానితో పాటు మానవవనరుల ఏకోసిస్టం వ్యూహం!

ఫ్యాక్టరీల నిర్మాణంతో పాటు, వాటిని నడిపేందుకు కావాల్సిన మానవ వనరుల తయారీలో ఏపీ వినూత్నంగా అడుగులు వేస్తోంది:
దేశంలోనే మొట్టమొదటిసారిగా ‘స్కిల్ సెన్సెస్’ మొదలెట్టి, రాష్ట్రంలోని ప్రతి నిపుణుడి డేటాను సేకరించి, ఇన్వెస్టర్లకు “మీకు కావాల్సిన మేధస్సు మా వద్ద సిద్ధంగా ఉంది” అనే భరోసాను ప్రభుత్వం ఇస్తోంది.

పునాది స్థాయి నుండి శిక్షణ: పాఠశాల స్థాయి నుండే వొకేషనల్ మాడ్యూల్స్ ప్రవేశపెట్టడం ద్వారా, డిగ్రీలు లేని వారి నుండి ఇంజనీరింగ్ విద్యార్థుల వరకు అందరికీ ‘కౌశలం’ వంటి ఎకోసిస్టమ్ ద్వారా ఆన్-డిమాండ్ (On-demand) శిక్షణ ఇస్తోంది. పరిశ్రమల అవసరాలకు తగ్గట్టుగా మానవ వనరులను అందించడానికి రాష్ట్రం సిద్ధమని ప్రపంచానికి చాటుతోంది.

గుజరాత్ ఇప్పటికే తయారీలో (Fabrication) ముందంజలో ఉన్నా, ఉత్తరప్రదేశ్ తన మార్కెట్ వాటాను కోరుకుంటున్నా.. ఆంధ్రప్రదేశ్ మాత్రం కొరియా-తైవాన్ సాంకేతికత, వ్యూహాత్మక భౌగోళిక స్థానం మరియు నైపుణ్యం కలిగిన మానవ వనరులను మేళవించి అద్భుతమైన రీ-ఎంట్రీ ఇచ్చింది.
కోల్పోయిన ఐదేళ్లను భర్తీ చేస్తూ, గూగుల్ పెట్టుబడులు ఆకర్షించి దేశాన్ని, ప్రపంచాన్ని ఆశ్చర్యపరిచి, రాబోయే దశాబ్ద కాలంలో ఆంధ్రప్రదేశ్ కూడా సెమీకండక్టర్ ఎకోసిస్టమ్‌గా ఎదగడం కోసం దూసుకుపోతోంది.