తన సైకిల్ పోయిందని బెజ్జంకి పోలీసులకు బాలుడి పిర్యాదు.. బాలుని చూసి ఆశ్చర్యపోయిన పోలీసులు
సెలవులకు అమ్మమ్మ వాళ్ళ ఊరికి వెళ్లి వచ్చాడో కుర్రాడు. ఇంటికి వచ్చేసరికి అతని సైకిల్ పోయింది. దీంతో తన సైకిల్ వెతికి పెట్టమని పోలీసుల్ని ఆశ్రయించాడో 6వ తరగతి చదువుతున్న బాలుడు.
బెజ్జంకి మండల కేంద్రానికి చెందిన భువనగిరి సాత్విక్ 11 ఏళ్ల అనే పిల్లాడు. ఇంటి వద్ద పెట్టిన తన సైకిల్ కనిపించడం లేదని నేరుగా బెజ్జంకి పోలీస్ స్టేషన్‌కు వెళ్లగా, విషయం విన్న ఎస్సై ఆవుల తిరుపతి బాలుడి తండ్రికి ఫోన్ చేశాడు. తండ్రి చెప్పిన మాటలు విన్న ఎస్‌ఐకి దిమ్మతిరిగి మైండ్ బ్లాంక్ అయింది. తన కొడుకు సాత్విక్ బయట తిరగొద్దని తానే ఇంట్లో సైకిల్ దాచిపెట్టినట్లు తండ్రి తెలిపాడు. అయితే ఎలాంటి భయం లేకుండా, ఎవరి సహాయం లేకుండా, ధైర్యంగా ఫిర్యాదు చేయడానికి పోలిస్ స్టేషన్ కు వచ్చిన సాత్విక్ ను ఎస్సై తిరుపతి అభినందించారు.
