– సంబరాల రాంబాబు చట్టవిరుద్ధంగా లాటరీపేరుతో ప్రజల్ని దోచేస్తుంటే, ముఖ్యమంత్రికి తెలియదా?
– రాష్ట్రంలో టూరిజంలేదు… ఎటుచూసినా పేకాట.. గుండాట.. కేసినోలే
-సంక్రాంతి ముసుగులో పేదలసంతోషానికి వెలకట్టి వైసీపీనేతలు రూ.300కోట్లు దోచుకున్నారు
• తన సంపాదన కోసం సంక్రాంతి పండుగని అపవిత్రంచేసిన జగన్ రెడ్డి, రాష్ట్రాన్ని జూదశాలగా మార్చాడు
• జీవోనెం-01, సెక్షన్ 30 అమల్లో ఉంటే, సంక్రాంతి సంబరాల్లో దోపిడీ ఎలా జరిగిందో డీజీపీ చెప్పాలి
• చంద్రబాబుని అడ్డుకోవడానికి మాత్రమే సెక్షన్ 30 అమలుచేస్తారా?
– టీడీపీ పొలిట్ బ్యూరోసభ్యులు, శాసనసభ్యులు గోరంట్ల బుచ్చయ్య చౌదరి
బరితెగించి తిరిగే పోర్న్ స్టార్లు లోకేశ్ పాదయాత్ర అడ్డుకుంటారా? సంబరాల రాంబాబు చట్టవిరుద్ధంగా లాటరీపేరుతో ప్రజల్ని దోచేస్తుంటే, ముఖ్యమంత్రికి తెలియదా? తెలుగువారి సంస్కృతి సంప్రదాయాలకు ప్రతిరూపమైన సంక్రాంతి పండుగను కూడా జగన్ రెడ్డి తన దోపిడీకి అనుకూలంగా మార్చాడని, రాష్ట్రాన్ని జూదశాలగా మార్చాడని టీడీపీ పొలి ట్ బ్యూరోసభ్యులు, శాసనసభ్యులు గోరంట్ల బుచ్చయ్యచౌదరి ఆగ్రహం వ్యక్తంచేశారు. రాజమహేంద్రవరం నుంచి జూమ్ ద్వారా మంగళవారం ఆయన విలేకరులతో మాట్లాడారు.
ఆ వివరాలు క్లుప్తంగా ఆయన మాటల్లోనే …“సంక్రాంతి సంబరాల పేరుతో జగన్ రాష్ట్రానికి విషసంస్కృతి తీసుకొచ్చాడు. సంస్కృతి సంప్రదాయాలకు నెలవైనరాష్ట్రాన్ని జగన్ రెడ్డి జూదశాలగా మార్చాడు. జూదాలు, కోడిపం దేలు, గుండాట ముసుగులో పేదలసంతోషానికి వెలకట్టి, రూ.1000 కోట్లవ్యాపారం చేసిన వైసీపీనేతలు రూ.300కోట్లు దోచుకున్నారు. కోడిపందేలు, పేకాట, గుండాట, రికార్డిం గ్ డ్యాన్సులు అన్నీ నిషేధమని ప్రభుత్వం చెప్పింది. కానీ రాష్ట్రంలో ఎన్నడూలేనివిధంగా గుడారాలువేసి మరీ వైసీపీనేతలే కోడిపందేలు, గుండాట, మూడుముక్కలాట నిర్వహిం చారు. కోడిపందేల కారణంగా ఇద్దరు అమాయకులు బలయ్యారు, దానిపై ముఖ్యమంత్రి ఏం చెబుతాడు?
సంక్రాంతి సంబరాల్లో జరిగే వైసీపీనేతల దోపిడీకి సెక్షన్ 30 వర్తించదా?
జీవోనెం-01, సెక్షన్ 30 అమల్లో ఉంటే, సంక్రాంతి సంబరాల్లో దోపిడీ ఎలా జరిగిందో, వేలాదిమంది ఎలా గుమికూడారో డీజీపీ చెప్పాలి. పుంగనూరులో, పీలేరులో చంద్రబాబుని అడ్డుకోవడానికి మాత్రమే సెక్షన్ 30 అమలుచేస్తారా? చీకటిజీవోలు, బ్రిటీష్ చట్టాలతో ప్రతిపక్షనేతల గొంతునొక్కడం మాత్రమే బుద్ధి, జ్ఞానంలేని ముఖ్యమంత్రికి తెలుసు. కోడిపందేలు, పేకాట, గుండాట లాంటి వాటిని ఈ ముఖ్యమంత్రి రాయలసీమకు కూడా పాకించాడు. గన్నవరంలో ఎమ్మెల్యే సారథ్యంలో తెల్లారేవరకు నగ్ననృత్యాలు జరిగినా పోలీసులకు కనిపించలేదా? గోవా నుంచి ప్రవీణ్ చికోటి వచ్చి గుడివాడలో కేసినో పెడితే పోలీసులేం చేస్తున్నారు?
టీడీపీ ప్రభుత్వం ముగ్గులపోటీలు, సాంస్కృతిక ప్రదర్శనలు, కళారూపాల ప్రదర్శన, ఎడ్లపోటీలు నిర్వహిస్తే, పేదలు సంతోషంగా పండుగ చేసుకోవాలని ఉచితంగా సంక్రాంతి కానుకపేరుతో అన్నిరకాల సరుకులు అందించాము. జగన్ రెడ్డేమో సంక్రాంతిపేరుతో జూదాలు, నగ్ననృత్యాలు, గుండాట, కోడిపందేలు నిర్వహించాడు. ఎవడబ్బ సొమ్మని వైసీపీనేతలు రూ.300కోట్లు దోచుకున్నారు? జగన్ సుందర ముఖారవిందంతో కూడిన ప్లెక్సీలు, బ్యానర్లు కట్టిమరీ పోటీలు నిర్వహించారు.
బరితెగించి తిరిగే పోర్న్ స్టార్లు లోకేశ్ పాదయాత్ర అడ్డుకుంటారా? సంబరాల రాంబాబు చట్టవిరుద్ధంగా లాటరీపేరుతో ప్రజల్ని దోచేస్తుంటే, ముఖ్యమంత్రికి తెలియదా? అనపర్తి, కొత్తపల్లిలో ఎమ్మెల్యేలే దగ్గరుండి గుండాట ఆడించారు. హోంమంత్రే ఎవరిని ఆపొద్దని చెప్పడమేంటి? ప్రజలు ఎలాపోయినా పర్లేదు..నీ జేబు నిండితే చాలా జగన్ రెడ్డి? రాష్ట్రంలో టూరిజంలేదు. ఎటుచూసినా పేకాట.. గుండాట.. కేసినోలే. ఇదే జగన్ రెడ్డి జమానాలో జరిగిన సంక్రాంతిపండుగ. పవిత్రమైన తెలుగుపండుగలకు జగన్ రెడ్డి వక్రభాష్యాలు చెప్పి, తెలుగుజాతి, ఖ్యాతిని మసకబార్చాడు” అని గోరంట్ల తీవ్రస్థాయిలో ధ్వజమెత్తారు.
