– ప్రభుత్వ నిర్ణయంపై అందరి చూపు
హైదరాబాద్‌: సినీహీరో నాగార్జునకు బిగ్ షాక్ తగలనుంది. నాగార్జునకు చెందిన ఎన్ కన్వెన్షన్పై హైడ్రాకు ఫిర్యాదు అందింది. హైటెక్ సిటీలోని తుమ్మిడి చెరువును ఆక్రమించి కన్వెన్షన్ నిర్మించారని జనం కోసం సంస్థ హైడ్రాకు ఫిర్యాదు చేసింది. చెరువుకు సంబంధించి మూడు ఎకరాల 30 గుంటలు ఆక్రమించినట్టు ఆ సంస్థ ఆరోపించింది. 29 ఎకరాల 24 గుంటలు ఉన్న తుమ్మిడి చెరువును పునరుద్దరించాలని ఫిర్యాదులో కోరింది. ఈ ఫిర్యాదుపై హైడ్రా ఎటువంటి చర్యలు తీసుకుంటుందనేది ఆసక్తిగా మారింది. ఇప్పటివరకు పలు సంస్థల అక్రమ నిర్మాణాలను కూల్చిన హైడ్రా.. సంపన్నుల వ్యక్తుల జోలికి మాత్రం పోలేదనే ఆరోపణలున్నాయి. ఈ క్రమంలో హైడ్రా ఏ విధంగా ముందుకెళ్తుందనేది చూడాలి. కాగా గతంలోనూ ఎన్–కన్వెన్షన్ పై విమర్శలు వచ్చాయి. అప్పట్లోనే కూల్చేస్తారనే ప్రచారం జరిగినా.. అది మధ్యలోనే ఆగిపోయింది.
