– భారీగా పెరిగిన వంటనూనెల ధరలు
దీపావళి పండగ ముందే తెలుగు రాష్ట్రాల్లో వంటనూనెల రేట్లు పేలిపోతున్నాయి. దీపావళి పండుగకు ముందు వంటనూనెల ధరలు అమాంతం పెరిగాయి. గత నెలలో ₹100గా ఉన్న లీటర్ పామాయిల్ ధర ₹137కి చేరగా, సోయాబీన్ ₹120 నుంచి ₹148, సన్ఫ్లవర్ ₹120 నుంచి ₹149, ఆవ నూనె ₹140 నుంచి ₹181, వేరుశనగ నూనె ₹180 నుంచి ₹184 మేర పెరిగాయి. దేశీయంగా నూనె గింజల సాగు పెద్దగా లేకపోవడం, దిగుమతి సుంకాల పెంపుతో ధరలు పెరిగినట్లు వ్యాపారులు చెబుతున్నారు. కొత్త పంట వచ్చే వరకూ ధరలు దిగిరావని అంచనా వేస్తున్నారు. ఈ పరిస్థితి మరికొన్నాళ్లు కొనసాగవచ్చని వ్యాపార వర్గాలు చెబుతున్నాయి.
