– సాక్షి మౌనం.. చంద్రబాబు నిజాయితీకి లభించిన అతిపెద్ద సర్టిఫికెట్!
రాజకీయ కక్ష సాధింపు కోసం పుట్టిన అబద్ధం.. నిజాన్ని చూసి భయపడి పారిపోవడం అంటే ఇదేనేమో! స్కిల్ డెవలప్మెంట్ కేసులో నారా చంద్రబాబు నాయుడు కి ఎన్ఫోర్స్మెంట్ డైరెక్టరేట్ (ED) క్లీన్ చిట్ ఇవ్వడం ఇప్పుడు రాష్ట్ర రాజకీయాల్లో సంచలనం. కానీ, ఈ సంచలనం ‘సాక్షి’ గడప దాటి లోపలికి వెళ్లలేకపోయింది. ఎందుకంటే, అక్కడ ఉన్నది వార్తలు రాసే జర్నలిస్టులు కాదు, యజమాని డైరెక్షన్లో నటించే పాత్రధారులు కాబట్టి.
అప్పుడు గర్జన.. ఇప్పుడు గప్ చిప్!
నాడు చంద్రబాబు ని అరెస్ట్ చేసినప్పుడు, సాక్షి పత్రికలో ఇంకు కంటే విషమే ఎక్కువగా చిమ్మింది. “వేల కోట్ల దోపిడీ”, “అడ్డంగా దొరికిపోయారు” అంటూ పుంఖానుపుంఖాలుగా కథనాలు వండారు. మరి ఇప్పుడు అదే ఈడీ.. “చంద్రబాబుకు ఎలాంటి సంబంధం లేదు, ఆధారాలు లేవు” అని కోర్టుకు నివేదిక ఇస్తే, ఆ వార్త సాక్షి వెబ్ సైట్ లో గానీ, టీవీలో గానీ ఎందుకు మచ్చుకైనా కనిపించదు? నిజం నిప్పులాంటిదని అందరికీ తెలుసు, కానీ సాక్షికి మాత్రం అది చురకలు అంటిస్తోంది.
మాయల ఫకీర్ ప్రాణం.. ఈడీ గూటిలో!
మాయల ఫకీర్ ప్రాణం చిలుకలో ఉన్నట్లు, వైకాపా అగ్రనేతల భవిష్యత్తు ఇప్పుడు ఈడీ చేతుల్లో ఉంది. జగన్ మోహన్ రెడ్డి గారిపై ఉన్న అక్రమాస్తుల కేసులు, ఇతర నేతలపై ఉన్న విచారణలు అన్నీ ఈడీ వద్దే ఉన్నాయి. ఈ సమయంలో ఈడీ ఇచ్చిన క్లీన్ చిట్ మీద ఏదైనా మాట్లాడితే, తమ యజమానుల పాత ఫైళ్లు దుమ్ము దులిపి బయటకు తీస్తారనే భయం వారిని ఉక్కిరిబిక్కిరి చేస్తోంది.
“అసత్యం ఆర్భాటంగా అరుస్తుంది.. కానీ సత్యం నిశ్శబ్దంగా గెలుస్తుంది.”
నీలి మీడియాకు కొన్ని సూటి ప్రశ్నలు:
చంద్రబాబు అరెస్ట్ చారిత్రక తప్పిదం అని ఈడీ నివేదికతో తేలిపోయింది, ఇప్పుడు క్షమాపణలు చెప్పే దమ్ముందా?
విచారణ సంస్థల మీద నమ్మకం ఉంటే, క్లీన్ చిట్ ఇచ్చినప్పుడు కూడా అదే గౌరవం ఎందుకు లేదు?
ఇది “మిస్టేక్ ఆఫ్ ఫ్యాక్ట్” కాదు.. సాక్షి రాసినవన్నీ “మిస్టేక్ ఆఫ్ జర్నలిజం” అని ఒప్పుకుంటారా?
ప్రజలు పిచ్చివారు కాదు. ఎవరో రాసింది నమ్మడానికి ఇది 1990ల కాలం కాదు. సోషల్ మీడియా యుగంలో నిజం నిమిషాల్లో ప్రవహిస్తోంది. క్లీన్ చిట్ వార్తను తొక్కిపెట్టాలని చూస్తే, ఆ వార్తే మిమ్మల్ని తొక్కుకుంటూ వెళ్తుంది. సాక్షి మౌనం.. చంద్రబాబు నిజాయితీకి లభించిన అతిపెద్ద సర్టిఫికెట్!
About the Author
