అనంతపురం జిల్లా తాడిపత్రిలో తెదేపా మాజీ ఎమ్మెల్యే, మున్సిపల్‌ ఛైర్మన్ జేసీ ప్రభాకర్‌రెడ్డి ఇంట్లో ఎన్‌ఫోర్స్‌మెంట్‌ డైరెక్టరేట్‌ (ఈడీ) సోదాలు చేపట్టింది. ఆయనతో పాటు క్లాస్‌-1 కాంట్రాక్టర్‌ చవ్వ గోపాల్‌రెడ్డి ఇళ్లు, కార్యాలయాల్లో ఈడీ అధికారులు తనిఖీలు నిర్వహిస్తున్నారు. జేసీ ప్రభాకర్‌రెడ్డి ఇంట్లో ఆయన కుటుంబసభ్యులకు సంబంధించిన ఆస్తి పత్రాలను పరిశీలిస్తున్నారు. మొత్తం 20 మంది ఈడీ సిబ్బంది ఈ సోదాల్లో పాల్గొన్నారు. తాడిపత్రిలో భారీ బందోబస్తు నడుమ ఈ తనిఖీలు కొనసాగుతున్నాయి. ఈడీ అధికారుల తనిఖీ సమయంలో జేసీ ప్రభాకర్‌రెడ్డి సోదరుడు, మాజీ ఎంపీ దివాకర్‌రెడ్డి కూడా అక్కడే ఉన్నట్లు సమాచారం.సోదాల నేపథ్యంలో తాడిపత్రిలో పోలీసులు భారీ బందోబస్తు ఏర్పాటు చేశారు.
