గ్రీన్ ఎనర్జీ నుంచి… గ్లోబల్ టాయ్స్ వరకు!

– ఉవ్వెత్తున పెట్టుబడుల సునామీ!

చంద్రబాబు నాయుడుతో ప్రముఖ జాతీయ, అంతర్జాతీయ కంపెనీల అధిపతులు భేటీ అయ్యారు

పెట్టుబడులు, ఉద్యోగావకాశాల ప్రవాహాలు అన్నీ కలిపి రాష్ట్ర ఆర్థిక వ్యవస్థకు కొత్త ఉత్సాహాన్ని ఇస్తున్నాయి

1. గ్రీన్ ఎనర్జీ దిగ్గజం: హీరో ఫ్యూచర్ ఎనర్జీస్ భారతదేశంలో పునరుత్పాదక ఇంధన (Renewable Energy) రంగంలో అగ్రగామిగా ఉన్న సంస్థల్లో ఇది ఒకటి. ఇది ప్రఖ్యాత హీరో గ్రూప్ యొక్క అనుబంధ సంస్థ. బైక్‌లు, సైకిళ్లతో దేశవ్యాప్తంగా గుర్తింపు పొందిన హీరో గ్రూప్… ఇప్పుడు గ్రీన్ ఎనర్జీలోనూ తనదైన ముద్ర వేస్తోంది. * పెట్టుబడి: రూ. 15,000 కోట్లు 4 గిగావాట్ల (GW) భారీ విద్యుత్ ఉత్పత్తి సామర్థ్యాన్ని ఏర్పాటు చేయడం. ఇది అనంతపురం, కడప, కర్నూలు వంటి రాయలసీమ జిల్లాల్లో ఏర్పాటు కానుంది.

ఏపీని గ్రీన్ ఎనర్జీ హబ్‌గా మార్చడంలో ఈ పెట్టుబడి కీలక పాత్ర పోషిస్తుంది. రాష్ట్రంలో పారిశ్రామిక, గృహ అవసరాలకు తక్కువ ఖర్చుతో, కాలుష్య రహిత విద్యుత్ లభిస్తుంది. ముఖ్యమంత్రి అడిగినట్లుగా, భవిష్యత్తులో గ్రీన్ హైడ్రోజన్ పార్క్ ఏర్పాటుకు కూడా ఇది మార్గం సుగమం చేయొచ్చు.

2. స్వీడన్ నుంచి ఇళ్లను తయారుచేసే జూల్ గ్రూప్ (Joule Group) ఇది స్వీడన్‌కు చెందిన ఆధునిక నిర్మాణ సంస్థ. ఫర్నిచర్, డోర్లు, కిటికీలు వంటి కలప ఉత్పత్తులతో పాటు, ప్రీ-ఫ్యాబ్రికేటెడ్ (ముందే తయారుచేసి అసెంబుల్ చేసే) ఇళ్లను తయారు చేయడంలో ఈ సంస్థకు ప్రత్యేక నైపుణ్యం ఉంది.

* ప్రారంభ పెట్టుబడి: రూ. 300 కోట్లు రామాయపట్నం పోర్టు సమీపంలో అత్యాధునిక ఫర్నిచర్ తయారీ ప్లాంట్‌ను ఏర్పాటు. నార్వే, స్వీడన్ వంటి దేశాల నుంచి భారీ కలపను దిగుమతి చేసుకుంటారు. రామాయపట్నం పోర్టును వాడుకోవడంతో పాటు, సీఎం సూచించిన 500 ఎకరాల ఫర్నిచర్ క్లస్టర్ సిటీ సాకారమైతే… ఇది ఏపీ ఫర్నిచర్ తయారీ రంగానికి గ్లోబల్ హబ్ స్థాయిని తెస్తుంది. ఉపాధి అవకాశాలు పెరుగుతాయి, ఎగుమతులకు మార్గం ఏర్పడుతుంది.

3. టాయ్స్ తయారీలో ‘మేడ్ ఇన్ ఏపీ’ లక్ష్యం: పాల్స్ ప్లష్ టాయ్స్ (Pals Plush Toys) పాల్స్ ప్లష్ టాయ్స్ సంస్థ ప్రముఖ ఆటబొమ్మల తయారీదారు. బొమ్మల తయారీ రంగంలో వీరిది పెద్ద పేరు. చైనా తరహాలో బొమ్మల తయారీకి ప్రత్యేకమైన పారిశ్రామిక వ్యవస్థ (ఎకోసిస్టమ్)ను ఏర్పాటు చేయాలని ఈ సంస్థ ఆసక్తి చూపుతోంది. అనకాపల్లి జిల్లాలోని నక్కపల్లి వద్ద టాయ్ పార్క్ ఏర్పాటు ఆటబొమ్మల తయారీలో చైనా ఆధిపత్యాన్ని తగ్గించేందుకు ఇది ఒక గొప్ప ప్రయత్నం.

ముఖ్యంగా, స్థానిక మహిళలకు అధికంగా ఉపాధి కల్పించాలని సీఎం కోరడం వల్ల… గ్రామీణ ప్రాంతాల్లో మహిళా సాధికారతకు ఈ పార్క్ ఒక గొప్ప మార్గం అవుతుంది. దీని ద్వారా ‘మేడ్ ఇన్ ఏపీ’ టాయ్స్ ప్రపంచ మార్కెట్‌ను చేరే అవకాశం ఉంది. అన్ని రంగాల్లోనూ ఏపీకి పెట్టుబడుల వరద వస్తోంది.