(అమర్నాథ్ వాసిరెడ్డి)
ఐఐటీ హైదరాబాద్ లో జరిగిన ఒక సమావేశంలో ఎక్కువ మంది అమ్మాయిలు “పెళ్ళొద్దు “అన్నారట ! వారే కాదు .. ఇతర విద్యా సంస్థల్లో చదువుతున్న అమ్మాయిలు , అబ్బాయిలు.. వారి తలితండ్రులు గ్రహించాల్సిన కొన్ని అంశాలు .
1 . బతకడం కోసం ఉద్యోగం . ఉద్యోగం కోసం బతికితే ఎలా ? మీరు కంపెనీ బానిసలుగా పదేళ్లు .. ఇరవై ఏళ్ళు బతికినా … మీ పని ని తక్కువ జీతానికి ఇంకొకరు చేస్తారని అనుకొంటే లేదా కృతిమ మేధ మీ పని చేసే అవకాశముంటే… ఒక్క రోజులో ఆ కంపెనీ మిమల్ని తీసేయడానికి వెనుకాడదు. కంపెనీ కూలీగా వెట్టి చాకిరీ కోసమేనా మీరు పుట్టింది . గుర్రం ముందా బండి ముందా ?
2 . మీరు భూమిపైకి వచ్చారు అంటే.. మీ అమ్మా- నాన్న.. వారి అమ్మా నాన్న .. ఆలా మీ ముందు.. కోటి తరాలు పెళ్లి చేసుకొన్నారు , పిల్లల్ని కన్నారు కాబట్టే . మీరు ఆకాశం నుండి ఊడి పడలేదు . వ్యక్తిగతంగా ఎక్కడో ఒకరో ఇద్దరో నేను పెళ్లి చేసుకోను అనడం వేరు . విషపూరిత ప్రచారాలకు లొంగి మూకుమ్మడిగా పెద్దపెట్టున ఎక్కువ మంది పెళ్ళొద్దు అనడం వేరు. మీరు పొద్దున్న వాడే టూత్ బ్రష్ మొదలు అన్నీ సమాజం నుండి వచ్చినవే . అంతెందుకు మీరు చదువుతున్న ఐఐటీ లు ప్రజలు కట్టిన పన్నులతో నడుస్తున్నవే . సామజిక భాద్యత అనేది ఒకటుంది . గుర్తుంచుకోండి .
౩. కాలం మారింది . కాలం తో పాటే కొన్ని పద్ధతులు కూడా మారాలి . మన దేశం లో వివాహ, కుటుంబ వ్యవస్థలు లింగ సమానత్వం దిశగా మారాలి . మారుతున్నాయి . ఇంకా మారాలి . సమస్యలున్నాయి . వాటిని పరిష్కరించుకోవాలి . ఎలుకలున్నాయని ఇల్లు తగలపెట్టుకోకూడదు .
4 .స్త్రీ యుక్త వయస్సులోనే తన అండాన్ని తీసి ఆసుపత్రుల్లో క్రయో పద్ధతుల్లో నిల్వయుంచుకోవడం అనేది స్టార్ ఆసుపత్రుల్ని మేపడానికే పనికొస్తుంది . గిని పందులుగా మారొద్దు . హార్మోన్ మార్పులు అండం ఉబకడం లాంటి సవా లక్ష సమస్యలు . మీ ఆరోగ్యం ఆలా పుట్టే పిల్లల ఆరోగ్యం నాశనం అయ్యే అవకాశం ఎక్కువ . ఇంకా ప్రారంభ దశలోనే ఉన్న టెక్నాలజీ ని నమ్మితే ఆస్తులు ఆరోగ్యం హుష్ కాకి .
5 . సాఫ్ట్వేర్ స్వర్ణ యుగం ముగిసింది . 1997 నుండి మొన్నటి దాక పెద్ద ఎత్తున అమెరికా కి వెళ్లి అక్కడ ఉద్యోగం చేసే అవకాశం ఉండేది . అమెరికా లో ఓ పి టి తీసేస్తున్నారు . ఉన్నత విద్య పేరుతొ అక్కడికి వెళ్లి ఉద్యోగం చేయడం కుదరదు . వీసా సిస్టం లో మార్పులు కూడా వస్తున్నాయి . అంత సులభంగా వీసా రాదు . వచ్చినా ఒకటి రెండేళ్లే . అటు పై తిరిగి రావాల్సిందే . గత సంవత్సరమే యాభై శాతం ఐఐటీ విద్యార్థులకు క్యాంపస్ ప్లేసెమెంట్ రాలేదు .
అమెరికా కు వెళ్లిన వారిలో కొంత మంది హోటల్స్ లో పని చేసే ఉద్యోగం చేస్తున్నారు . పదేళ్ల సీనియారిటీ ఉన్న ఐఐటీ వారు కూడా బెంచ్ పై ఉన్నారు. ఒక పక్క కృతిమ మేధ ఉద్యోగాలను తినేస్తోంది . రానున్నది కష్ట కాలం . మనిషికి మనిషి అండగా ఉండాలి . ప్రస్తుతానికి మీకు మీ అమ్మా నాన్న అండ గా ఉన్నారు . మీరు పెళ్ళొద్దు కుటుంబం వద్దు అంటే మరో ఇరవై ఏళ్లకు ? మీ అమ్మా నాన్న వృద్ధాప్యం లోకి వెళ్ళిపోతే ? అటు పై ? మనుషులు మనుషుల్లా బతకాలి . డీప్ స్టేట్ గాళ్ళ , ఫార్మసురుల వలలో చిక్కి ఇంటిని ఒంటిని గుల్ల చేసుకోవద్దు .
6 . చివరిగా ఒక మాట . జీవితం లో మీకు సూట్ అయ్యే ఒక్క వ్యక్తి దొరకడా? ఒక వ్యక్తి తో వ్యవహరించలేని మీరు రేపు ఉద్యోగాలు ఎలా చేస్తారు ? ఆఫీస్ లో నలుగురితో ఎలా వ్యవహరిస్తారు ? మీ చదువులు మీకు కూలాబరేషన్ స్కిల్ నేర్పలేదా ?
About the Author
