అనంతపురం జిల్లా కరువు నేలలో కొన్ని దశాబ్దాలుగా అక్షరాలను, ఆరోగ్యాన్ని పంచుతున్న రూరల్ డెవలప్మెంట్ ట్రస్ట్ (RDT) కి కేంద్రం నుంచి ఎఫ్.సి.ఆర్.ఏ (FCRA) అనుమతులు రావడం ఒక శుభపరిణామం. కానీ, ఈ విజయం వెనుక ఉన్న శ్రమను, చిత్తశుద్ధిని పక్కనపెట్టి, ఎప్పటిలాగే “క్రెడిట్ చోరీ” అంటూ మాజీ ముఖ్యమంత్రి జగన్ మోహన్ రెడ్డి పాడుతున్న పాత రాగం రాజకీయ విశ్లేషకులను సైతం విస్మయానికి గురిచేస్తోంది.
అధికారంలో ఉన్నప్పుడు అణచివేత.. ఇప్పుడు మొసలి కన్నీళ్లా?
జగన్ ప్రశ్నిస్తున్నారు—”ఏడాది కాలం ఎందుకు పట్టింది?” అని. దానికి సమాధానం చాలా స్పష్టం. గత ఐదేళ్ల వైసీపీ పాలనలో స్వచ్ఛంద సంస్థలపై జరిగిన వేధింపులు, ఆరోపణల పరంపర వల్ల ఏర్పడిన ‘అపనమ్మకం’ వల్లే ఈ జాప్యం జరిగింది. RDT వంటి సంస్థలపై మతమార్పిడి ముద్ర వేసి, స్థానిక వైసీపీ నాయకులు వేధించినప్పుడు.. ముఖ్యమంత్రి హోదాలో ఉన్న జగన్ గారు ఎందుకు నోరు మెదపలేదు? అప్పుడు రాని ‘హర్షం’, ఇప్పుడు అనుమతులు వచ్చాక ఎందుకు పొంగుకొస్తోంది?
నారా లోకేష్: మాట ఇచ్చాడు.. మార్గం సుగమం చేశాడు!
RDT గడ్డుకాలంలో ఉన్నప్పుడు మాంఛో ఫెర్రర్ వెళ్లి కలిసింది లోకేష్ను. అప్పుడు లోకేష్ అన్న మాటలు ఇప్పటికీ గుర్తుండాలి: “ఇది కేవలం సంస్థ కాదు, పేదల ఆశాకిరణం”.
* లోకేష్ ఢిల్లీ పర్యటనల్లో కేంద్ర హోంమంత్రి అమిత్ షాతో స్వయంగా చర్చలు జరిపారు.
* రాష్ట్ర ప్రభుత్వం తరపున పూర్తిస్థాయి నివేదికలను పంపి, ఆరోపణల్లో నిజం లేదని కేంద్రానికి నమ్మకం కలిగించారు.
* స్వయంగా ముఖ్యమంత్రి చంద్రబాబు గారు పర్యవేక్షించి, ఒక వ్యవస్థను కుప్పకూలకుండా కాపాడారు.
పని చేసినోడికి ఫలితం దక్కితే.. పక్కన కూర్చుని పులుకులాడటం జగన్ గారికి వెన్నతో పెట్టిన విద్య అని ఈ ఘటన మరోసారి నిరూపించింది.
ఉద్యమం చేశారట.. ఎక్కడ? ప్యాలెస్లోనా?
వైసీపీ, ప్రజా సంఘాలు ఉద్యమం చేయడం వల్లే అనుమతులు వచ్చాయని జగన్ గారు చెప్పడం ఈ దశాబ్దపు అతిపెద్ద జోక్. తాడేపల్లి ప్యాలెస్ దాటి బయటకు రాని మీ ఉద్యమం ఢిల్లీకి ఎప్పుడు వినిపించింది? మీ నాయకులు స్థానికంగా RDT ఆస్తులపై కన్నేసి, దాన్ని ఆక్రమించుకోవాలని చూసినప్పుడు రాని ఈ ‘ప్రేమ’ ఇప్పుడెలా పుట్టింది?
ప్రజలకు అంతా తెలుసు!
క్రెడిట్ తీసుకోవడానికి కష్టం ఉండనక్కర్లేదు, కేవలం ఒక ‘సాక్షి’ స్క్రోలింగ్ సరిపోతుందని జగన్ భ్రమపడుతున్నారు. కానీ, అనంతపురం జిల్లా ప్రజలకు తెలుసు—ఎవరు అండగా నిలిచారు, ఎవరు ఆటంకాలు సృష్టించారో! లోకేష్ సాధించిన విజయాన్ని ‘చోరీ’ అనడం అంటే.. సేవను అవమానించడమే. గెలుపు లోకేష్ది.. గొంతు జగన్ది అన్నట్టుగా ఉంది నేటి పరిస్థితి. ఇప్పటికైనా విమర్శలు మానేసి, నిర్మాణాత్మకమైన ప్రతిపక్షంగా ఉండటం నేర్చుకుంటే జగన్ కి మర్యాద.
About the Author
