– ప్రధాన న్యాయమూర్తి కి, హైకోర్టు రిజిస్ట్రార్ జనరల్ కు, జాతీయ మానవ హక్కుల కమిషన్ కు, డీజీపీ గౌతమ్ సవాంగ్ లకు లేఖలు రాసిన తెదేపా పొలిట్ బ్యూరో సభ్యులు వర్ల రామయ్య
2022 ఫిబ్రవరి 2న లోదొడ్డి గ్రామంలో ఐదుగురు గిరిజనులు స్థానికంగా లభించే జీలుగు కల్లు త్రాగి మరణించారు. గుర్తు తెలియని వ్యక్తులు కల్లులో విషం కలిపారని ప్రభుత్వం వారి మరణాలను కప్పిపుచ్చే ప్రయత్నం చేస్తోంది.
నిజానిజాలను నిగ్గుతేల్చేందుకు తెలుగుదేశం పార్టీ లొదొడ్డి గ్రామాలను సందర్శించి వారి మృతికి దారితీసిన వాస్తవాలను తెలుసుకోవడానికి నిజనిర్ధారణ కమిటీని ఏర్పాటు చేసింది.
టీడీపీ ఏర్పాటు చేసిన ఫ్యాక్ట్ ఫైండింగ్ కమిటీలో కింది సభ్యులు ఉన్నారు
1. కిడారి శ్రావణ్ కుమార్, మాజీ మంత్రి, ఆంధ్రప్రదేశ్ ప్రభుత్వం;
2. గిడ్డి ఈశ్వరి, మాజీ ఎమ్మెల్యే;
3. దొన్ను దొర్రా, ప్రెసిడెంట్, TDP ST-సెల్, ఆంధ్రప్రదేశ్;
3. నిమ్మక్క జయకృష్ణ, TDP నాయకుడు;
4. వంతల రాజేశ్వరి, మాజీ ఎమ్మెల్యే;
5. MVV ప్రసాద్, మాజీ చైర్ పర్సన్, గిరిజన సహకార కార్పొరేషన్, ఆంధ్రప్రదేశ్ ప్రభుత్వం;
6. బొర్రా నాగరాజు, తెదేపా రాష్ట్ర కార్యదర్శి.
టీడీపీ ఫ్యాక్ట్ ఫైండింగ్ కమిటీలోని సభ్యులందరూ 2022 ఫిబ్రవరి 4న ఉదయం 10 గంటలకు లొదొడ్డి గ్రామానికి వెళ్లేందుకు రాజవొమ్మంగి లో సమావేశమయ్యారు. రాజవొమ్మంగి ఆర్‌అండ్‌బీ గెస్ట్‌హౌస్‌లో టీడీపీ ఫ్యాక్ట్ ఫైండింగ్ కమిటీ సభ్యులను పోలీసులు చుట్టుముట్టి అక్రమంగా నిర్బంధించి లొదొడ్డి గ్రామానికి వెళ్లనీయకుండా అడ్డుకున్నారు.
లొదొడ్డి గ్రామాన్ని సందర్శించేందుకు అధికార ఎమ్మెల్యేను, ఎమ్మెల్సీని పోలీసులు అనుమతించారు. టీడీపీ ఫ్యాక్ట్ ఫైండింగ్ సభ్యులను అక్రమంగా నిర్బంధించారు. టీడీపీ ఫ్యాక్ట్ ఫైండింగ్ కమిటీని నిర్బంధించడం భారత రాజ్యాంగంలోని ఆర్టికల్ 19ని తీవ్రంగా ఉల్లంఘించడమే.
అక్రమంగా నిర్బంధించిన టీడీపీ సభ్యులను విడుదల చేసి ఐదుగురి గిరిజనుల మృతికి సంబంధించి వాస్తవాలను నిగ్గుతేల్చేందుకు లొదొడ్డి గ్రామంలో టిడిపి నిజనిర్ధారణ కమిటీ పర్యటనకు వెసులుబాటు కల్పించాలని విజ్ఞప్తి చేస్తున్నా.
