– మియావకి విధానం ద్వారా డెవలప్మెంట్ ఆఫ్ అర్బన్ ఫారెస్ట్ లో భాగంగా మొక్కలు నాటే కార్యక్రమాన్ని మంగళగిరి 6th బెటాలియన్ లో మొక్కని నాటి ప్రారంభించిన డైరెక్టర్ జనరల్ ఆఫ్ పోలీస్ గౌతం సవాంగ్
ఈ కార్యక్రమంలో భాగంగా రాష్ట్ర వ్యాప్తంగా అన్ని బెటాలియన్ల ప్రాంగణం లో అటవీశాఖ అధికారుల చేత అనువైన ప్రదేశాన్ని గుర్తించి భూసార పరీక్షలు నిర్వహించిన అనంతరం మియావకి విధానం ద్వారా మొక్కలు నాటే కార్యక్రమానికి శ్రీకారం చుట్టడం జరిగింది. మొత్తం ఎనిమిది బెటాలియన్ లలోని 15.35 ఎకరాల విస్తరణలో అటవీశాఖ ద్వారా సేకరించిన 19,774 మొక్కలను నాటే విధంగా కార్యక్రమాన్ని రూపొందించడం జరిగింది.
ఈ సందర్భంగా డిజిపి మాట్లాడుతూ ఈరోజు ఇటువంటి బృహత్తర కార్యక్రమాన్ని బెటాలియన్లలో ప్రారంభించడం గొప్ప అవకాశం గా భావిస్తున్నాను. బెటాలియన్లు లో ఈ ఆలోచనను అమలు చేయడానికి అద్భుతమైన అనువైన ప్రదేశమని భావించాము. ఈ కార్యక్రమంలో ప్రతి ఒక్క సిబ్బంది పాల్గొనాలని
కోరుతున్నారు. మియావకి విధానం ద్వారా డెవలప్మెంట్ ఆఫ్ అర్బన్ ఫారెస్టు పైన బెటాలియన్ల ADG శంఖబ్రత భాగ్చి తీసుకున్న చొరవ, DIGలతో పాటు ఎనిమిది బెటాలియన్ కమాండెంట్ లు అందిస్తున్న మద్దతుని అభినందిస్తున్నాను. ఇది ఒక కొత్త ఆలోచన , కొన్ని ఆలోచనలు అమలు చేసేటప్పుడు చొరవ, ప్రయత్నాల మధ్య వ్యత్యాసాన్ని కలిగిస్తాయి.
చొరవ, కృషి రెండూ ఖచ్చితంగా అమలు చేస్తూ మన బెటాలియన్ల లోని ప్రాంగణం తో పాటు ఇతర అనువైన ఖాళీ ప్రదేశాలలో ఈ మియావకి విధానం ద్వారా డెవలప్మెంట్ ఆఫ్ అర్బన్ ఫారెస్టు అభివృద్ధి చేయవచ్చు అని దృడంగా చెప్పగలను. ప్రపంచవ్యాప్తంగా ఉపయోగించే ఈ పద్దతిని మనం మెరుగుగా చేయగలము కాబట్టి ఇది పైలట్ ప్రాజెక్ట్ లాంటిది. మేము సాధ్యమైనంత మెరుగుగా ఈ కార్యక్రమాన్ని నిర్వహిస్తాము. ఈ గొప్ప కార్యక్రమంలో తమ వంతుగా చొరవ చూపుతూ మద్దతు నచ్చినందుకు, ఈ మియావకి విధానాన్ని ప్రవేశపెట్టినందుకు PCCF మరియు అటవీ శాఖకు నేను నిజంగా అభినందిస్తున్నాను అందుకు వారికి ధన్యవాదాలు.
మనం మూడేళ్లు మాత్రమే కాపాడుకోవాల్సిన అవసరం ఉంది, మూడేళ్ల అనంతరం మొక్క దానంతట అదే పెరుగుతూ ప్రకృతికి ఎంతగానో సహాయపడుతుంది. మనలో చాలామందికి మన పర్యావరణం కాపాడుకోవాలని ఉంటుంది కానీ ఏ విధంగా ముందుకు వెళ్ళాలి..? ఏ విధంగా చేయాలి అనే ఆలోచన దగ్గర ఆగిపోతూ ఉంటారు. అయితే దానికి ఒక పరిష్కారంగా ఒక యాక్షన్ ప్లాన్ గా ఈ విధానం పనిచేస్తుంది. కేవలం బెటాలియన్ లోనే కాకుండా చుట్టుపక్కల గ్రామాలలో ఈ విధానం పట్ల అవగాహన కల్పించి ప్రచారం చేయాల్సిన అవసరం ఎంతైనా ఉంది.అన్ని మొక్కలు స్థానిక రకాలు కాబట్టి ఇవి నిలకడగా పెరగడానికి అవకాశం ఉంటుందని భరోసా ఇవ్వడానికి కూడా అవకాశం ఉంది. స్థానిక పర్యావరణ వ్యవస్థ వాటిలో ఏ మొక్కలు మనుగడలో ఉన్నాయో కూడా అంచనా వేస్తుంది మరియు చివరకు ఒక చిన్న అడవిగా ఉద్భవిస్తుంది.
ఈ విధంగా అభివృద్ధి చెందడానికి పర్యావరణ అనుకూల వ్యవస్థ మరియు పర్యావరణ వ్యవస్థ గురించి మనం తెలుసుకోవాలి, ఇటువంటి కార్యక్రమాలు ఎలా మెరుగుగా చేయాలి అనే విషయంపై అందరూ అవగాహన పొంది ఉండాలి. పోలీసు సిబ్బంది, వారి కుటుంబ సభ్యులు మరియు పిల్లలు ఈ కార్యక్రమంలో
భాగస్వాములు కావాలని దీని విశిష్టతను ఇతరులకు తెలియజేసేందుకు ప్రతి ఒక్కరూ తమ వంతు బాధ్యతగా స్వీకరించాలని మరియు ఇతరులకు తెలియజేయాలి కోరుతున్నాను. ఇలాంటి కార్యక్రమాలను ప్రవేశపెట్టిన ఆంధ్రప్రదేశ్ ప్రభుత్వానికి నేను కృతజ్ఞతలు తెలియజేస్తున్నాను, మన హోం మంత్రిగారికి మరియు అందరికీ నా అభినందనలు మరియు ధన్యవాదాలు.
మియావాకీ విధానము అంటే ఏమిటి ?
జపాన్ కు చెందిన వృక్ష శాస్త్రజ్ఞుడు అకిరా మియావకి ఈ పద్ధతికి మార్గదర్శకుడు . హెక్టారుకు 20,000 నుండి 30,000 మొక్కల వరకు నాటి దట్టమైన అడవిని నిర్మించటం ఇలా సాధ్యమౌతుంది . ఇక్కడ స్థానిక జాతి మొక్కలను నాటడం జరుగుతుంది. మొదటి మూడు సంవత్సరాల ఈ మొక్కలను బాగా సంరక్షించుకోవాలి. అనంతరం ఈ మొక్కలు నిర్వహణ రహితంగా పెరుగుతుంది. మియావకి విధానం ద్వారా మొక్కల ఎదుగుదల 10 రెట్లు వేగవంతంగా ఉంటుంది . ఫలితంగా మోనోకల్చర్ కంటే కార్బన్ మోనాక్సైడ్ ను గ్రహించే సామర్ధ్యత 30 రెట్లు ఎక్కువ ఉంటుంది. ఇది ఒక అతి విశిష్టమైన ప్లాంటేషన్.
ఈ కార్యక్రమంలో అడిషనల్ డీజీ లు, ఐజీలతో పాటు పలువురు అధికారులు పాల్గొన్నారు.
