– మదనపల్లి ఫైల్స్ తాజా అప్డేట్
(చాకిరేవు)
మదనపల్లి ఆర్డీవో మురళి అరెస్టు వ్యవహారంపై వచ్చిన తాజా అప్డేట్ను చూస్తే, ఈ కేసులో ఆర్డీవో కేవలం ఒక చిన్న పాత్రధారుడు మాత్రమే అని అర్థమవుతోంది. అసలు స్క్రిప్ట్ రాసింది, దర్శకత్వం వహించింది, మరియు ఆఖరుకు క్లైమాక్స్ లో తప్పించుకోవడానికి ప్రయత్నిస్తున్నది ఒక పెద్దిరెడ్డి మాఫియా కుటుంబంమే.
కథలోని అసలు ట్విస్ట్:
మురళి ఆర్డీవోగా పనిచేసిన కాలంలోనే వేల ఎకరాల అసైన్డ్ భూములను 22ఏ జాబితా నుంచి తొలగించి, వాటిని ప్రైవేట్ వ్యక్తులకు అప్పగించారని ఆరోపణలు వచ్చాయి. ఈ అక్రమాల్లో ప్రధానంగా పెద్దిరెడ్డి కుటుంబం, వారి సన్నిహితులు భాగస్వాములుగా ఉన్నారని అధికారికంగానే వెల్లడైంది. అంటే, మురళి ఒక ఆర్డిఓగా తన పరిధిలో జరిగిన పనులకు బాధ్యుడైతే, ఈ కుంభకోణం వెనుక అసలు సూత్రధారులు, లబ్ధిదారులు పెద్దిరెడ్డి అండ్ కో.
“కళాత్మక” స్కాంలో కొన్ని ముఖ్యాంశాలు:
ఫైళ్ల దగ్ధం: ఇక్కడ స్కాం చేసినవారు మామూలు దొంగల్లా డబ్బులు దొంగిలించలేదు. స్కాం బయటపడకుండా ఆధారాలను ధ్వంసం చేయడానికి ఏకంగా ఫైళ్లనే తగలబెట్టారు. ఈ ఐడియా ఆ కుటుంబం సొంతమా లేక ఎవరిదైనా సలహా తీసుకున్నారో తెలియదు కానీ, వారి “క్రియేటివిటీ”కి హ్యాట్సాఫ్ చెప్పాల్సిందే!
బెయిల్ డ్రామా: కేసులో దొరికిపోయిన మురళి, ఈ కుంభకోణానికి అసలు కారణం అయిన వారి సలహా మేరకే హైకోర్టు నుంచి సుప్రీంకోర్టు వరకు పరుగులు పెట్టారు. కోర్టులు తమకు అనుకూలంగా ఉంటాయని నమ్మినట్టున్నారు. కానీ, సుప్రీంకోర్టు వారి ఆశలను గంగలో కలిపేసింది. “ఇదంతా మాకు తెలుసు.. నీ బెయిల్ రద్దు.. వెళ్ళు అరెస్ట్ అవు!” అని క్లారిటీగా చెప్పింది.
సినిమా ఇంకా ఉంది: మురళి అరెస్టుతో ఈ కథ ముగిసిందని అనుకుంటే పొరపాటే. ఇది క్లైమాక్స్ కాదు, జస్ట్ ఇంటర్వెల్ మాత్రమే. ఈ అరెస్టుతో పెద్దిరెడ్డి కుటుంబానికి ముప్పు పొంచి ఉందని స్పష్టం అవుతోంది. ఇప్పుడు ఈ కేసు మురళి నుంచి నేరుగా ఆ కుటుంబం వైపు మళ్లడం ఖాయం.
ఈ మదనపల్లి ఫైళ్ల కేసు.. ప్రజల భూములతో ఆడుకున్న నేతలకి, వారి చేతిలో పావుల్లా మారిన అధికారులకు ఒక గుణపాఠం. పవర్ పోతే కేసులే కాదు, పాత పాపాలు కూడా వెంటాడుతాయని నిరూపించింది. ఈ కేసులో అసలు నిందితులు జైలు గడపలెక్కినప్పుడే, ఈ కథకు నిజమైన శుభం కార్డు పడినట్టు.
About the Author
