-పాల్గొన్న టీటీడీ చైర్మన్ వై. వీ సుబ్బారెడ్డి దంపతులు
– రథం లాగిన సమాచార శాఖ మంత్రి చెల్లు బోయిన వేణు గోపాల కృష్ణ
తిరుమల : వసంతోత్సవాల్లో రెండవ రోజైన శుక్రవారం ఉదయం 8 నుంచి 9 గంటల వరకు శ్రీభూ సమేత శ్రీ మలయప్పస్వామివారు స్వర్ణరథంపై తిరుమాడ వీధుల్లో ఊరేగారు. అనంతరం వసంత మండపంలో అర్చకులు వసంతోత్సవాన్ని నిర్వహించారు. రథోత్సవం లో టీటీడీ చైర్మన్ వై వీ సుబ్బారెడ్డి దంపతులు పాల్గొన్నారు. సమాచార శాఖ మంత్రి చెల్లు బోయిన వేణు గోపాల కృష్ణ తనకుటుంబ సభ్యులతో కలిసి రథం లాగారు. శనివారం రోజున శ్రీదేవి, భూదేవి సమేత మలయప్పస్వామివారితో పాటుగా సీతారామలక్ష్మణ ఆంజనేయస్వామి ఉత్సవర్లు, రుక్మిణి సమేత శ్రీకృష్ణస్వామి ఉత్సవమూర్తులు వసంతోత్సవ వేడుకల్లో పాల్గొని తిరిగి సాయంకాలానికి ఆలయానికి చేరుకుంటారు.
