ఇటీవల కాలంలో మనం చూస్తున్న శుభకార్యాల్లో, చాలామంది రాజకీయ నాయకులు వారి అనుచరులతో కలిసి భారీ కాన్వాయ్తో వచ్చి, ‘సీఎం, సీఎం’ అంటూ నినాదాలు చేసుకుంటూ హడావుడి చేస్తూ ఉంటారు. దాని వల్ల అక్కడ తోపులాటలు మధ్య ఉన్న అతిథులకు ఇబ్బంది కలిగి, వారు అసహనం వ్యక్తం చేస్తుంటారు.
కానీ లోకేశ్ ఒక అతిథిగా నిశ్చితార్థ వేడుకకు ముందుగానే వచ్చి, ప్రశాంతంగా కూర్చున్నారు. కులం, మతం వంటి భేదాలు లేకుండా అందరితో సరదాగా కలిసిపోయారు. పలకరించడానికి వచ్చిన మహిళా మంత్రి, మాజీ మహిళా మంత్రికి కూడా వారి కులాలు గట్రా చూడకుండా ఎంతో మర్యాదగా లేచి నిలబడి, నవ్వుతూ మాట్లాడారు.
ఈ హుందా అయిన ప్రవర్తన, చిన్నప్పటి నుండి నేర్చుకున్న సంస్కారం, పెరిగిన వాతావరణం నుండి వచ్చిందని చెప్పవచ్చు. ఇలాంటి గౌరవప్రదమైన ప్రవర్తన ఈ రోజుల్లో చాలా అరుదుగా కనిపిస్తుంది.
ఈ దృశ్యం కేవలం ఒక శుభకార్యం మాత్రమే కాదు, అది వ్యక్తిగత సంస్కారం, విలువలకు నిదర్శనం. లోకేశ్ చూపించిన ఈ మర్యాద, ప్రస్తుత సమాజంలో చాలా అవసరం. ఇది కేవలం ఒక రాజకీయ నాయకుడికి మాత్రమే కాదు, మనందరికీ ఆదర్శనీయం.
About the Author
