-ఆర్ఎస్ ప్రవీణ్ కుమార్ ఆధ్వర్యంలో మా పార్టీ తరఫున అధ్యయన కమిటీ
-మేము రాజకీయం చేయాలనుకోవటం లేదు
-ప్రభుత్వం బేషజాలకు పోవద్దు
-ఈ అంశాన్ని రాజకీయ కోణంలో చూడకుండా విద్యార్థులకు మంచి చేయాలని ప్రభుత్వానికి సూచన
-మిగతా విద్యార్థుల తల్లితండ్రులకు గర్బశోకం మిగల్చవద్దని ప్రభుత్వానికి విజ్ఞప్తి
– ప్రభుత్వ సంక్షేమ హాస్టళ్లలో విద్యార్థులు చనిపోవటం పై కేటీఆర్ ఆవేదన
ఎల్లారెడ్డిపేట: ఇటీవల పెద్దాపూర్ గురుకుల పాఠశాలలో పాము కాటుకు గురై మృతి చెందిన విద్యార్ధి అనిరుధ్ కుటుంబ సభ్యులని ఎల్లారెడ్డిపేట మండలం రాచర్ల బొప్పాపూర్ లో పరామర్శించిన అనంతరం మీడియాతో బీఆర్ఎస్ వర్కింగ్ ప్రెసిడెంట్ కేటీఆర్ మాట్లాడారు.
ఈ సందర్భంగా కేటీఆర్ ఏమన్నారంటే… అనిరుధ్ అనే చిన్నారి మరణం ఆ తల్లితండ్రులతో పాటు ప్రతి ఒక్కరిని తీవ్రంగా బాధిస్తోంది. ఇలాంటి సంఘటనలకు సంబంధించి రాజకీయాలు వద్దు. మన అందరికీ కుటుంబాలు ఉన్నాయి. కుటుంబ సభ్యులను కోల్పోతే ఎంత బాధ ఉంటదో అర్థం చేసుకోగలం. ఈ 8 నెలల కాలంలో 36 మంది విద్యార్థులు మృత్యువాత పడ్డారు.
కొందరు విషాహారం తిని, మరికొందరు పాముకాట్ల కారణంగా, ఇంకొందరు విద్యార్థులు అనుమానాస్పదంగా చనిపోవటం బాధాకారం. చనిపోవటమే కాదు 500 వందల పిల్లలు విషాహారం తిని హాస్పిటల్ లో జాయిన్ అయ్యే పరిస్థితి వచ్చింది. పిల్లలు బాగుండాలి, వారు ప్రపంచంతో పోటీ పడే విధంగా చదువుకోవాలని మనం వెయ్యికి పైగా గురుకులాలు పెట్టుకున్నాం.వాటిని ఇంటర్ కాలేజ్ లు, డిగ్రీ కాలేజ్ లు గా కూడా అప్ గ్రేడ్ చేసుకున్నాం.
ప్రభుత్వం సంక్షేమ పాఠశాలు, సంక్షేమ వసతుల్లో చదివే విద్యార్థులకు ప్రభుత్వమే తల్లితండ్రి మాదిరిగా బాధ్యత తీసుకోవాలి. ఈ విషయంలో రాజకీయం వద్దు. చనిపోయిన 36 మంది విద్యార్థుల కుటుంబాలను ప్రభుత్వం ఆదుకోవాలి. మిగతా తల్లులకు కూడా మళ్లీ ఇలాంటి గర్భ శోకం ఉండకుండా జాగ్రత్తలు తీసుకోవాలి.
ప్రతి తల్లితండ్రులు తమ పిల్లల భవిష్యత్ మీద ఎంతో ఆశపెట్టుకుంటారు. అలాంటి వారి పిల్లలు చనిపోతే మొత్తం వాళ్ల ఆశలే లేకుండా పోతాయి. ఈ విషయంలో మేము రాజకీయం చేయాలనుకోవటం లేదు. ప్రభుత్వం బేషజాలకు పోవద్దు. గతంలో గురుకులాలను అద్భుతంగా తీర్చిదిద్దిన ఆర్ఎస్ ప్రవీణ్ కుమార్ ఆధ్వర్యంలో మా పార్టీ తరఫున ఒక అధ్యయన కమిటీ వేస్తున్నాం.
ఒక 20 పాఠశాలలను పరిశీలించి చేపట్టాల్సిన చర్యలను ఆయన ఐదారు రోజుల్లో నివేదిక ఇస్తారు. ప్రభుత్వానికి సూచనలు చేసే మంచి ఉద్దేశంతోనే ఈ పని చేస్తున్నాం. దీన్ని రాజకీయంగా భావించవద్దు. పిల్లలకు పెట్టే ఆహారం విషయంలో ప్రభుత్వం దృష్టి పెట్టాల్సిన అవసరముంది. గతంలో మేము బాసర లో విద్యార్థులకు ఫుడ్ విషయంలో భరోసా ఇచ్చాం.
కలెక్టర్లు, అధికారులు సంక్షేమ హాస్టల్స్ సర్ ప్రైజ్ విజిట్ చేసి ఫుడ్ నాణ్యత ఎలా ఉందో పరిశీలించాలి. ప్రతి పాఠశాల ఆవరణలను శుభ్రం చేయించండి. ఈ పిల్లలు మన పిల్లలు. ప్రభుత్వ హాస్టళ్లలో చదువుతున్న ఆరున్నర లక్షల మంది పిల్లలకు ప్రభుత్వమే తల్లితండ్రులు. ప్రభుత్వం ఈ బాధాకరమైన పరిస్థితిని అర్థం చేసుకోని మంచి చేయాలని కోరుతున్నా.
