పశ్చిమగోదావరి జిల్లాలోని జంగారెడ్డిగూడెం వెళ్లే ఆ రోడ్డుపై వెళ్తున్న వారికి.. అక్కడ ఒంటరిగా వంగి ఏదో చేస్తున్న ఒక వ్యక్తి కనిపించారు. ఆయన ఒక సాధారణ మనిషిలాగా అక్కడ పేరుకుపోయిన గడ్డిని, పిచ్చి మొక్కలను తన చేతులతోనే శుభ్రం చేస్తున్నారు. ఎండను కూడా లెక్కచేయకుండా, ఇస్త్రీ దుస్తులు కూడా పట్టించుకోకుండా.. ఆ ప్రాంతాన్ని ఒక పవిత్ర క్షేత్రంలా భావిస్తూ ఆయన చేస్తున్న పని చూసి వెళ్లేవారంతా ఆశ్చర్యపోయారు.
అసలు ఆ చోటు ఏంటి? ఆయన ఎందుకు అంత తపన పడుతున్నారు?
అది మామూలు ప్రదేశం కాదు. విధ్వంస పాలనలో ప్రాణాలకు ఎదురొడ్డి తెలుగుదేశం పార్టీ యువనేత నారా లోకేష్ బాబు తన చారిత్రాత్మక ‘యువగళం’ పాదయాత్రలో 2700 కిలోమీటర్ల మైలురాయిని చేరుకున్న సీతంపేట. ఆ విజయానికి గుర్తుగా అక్కడ వెలసిన ‘విజయ పైలాన్’ అది. లక్షలాది మంది కార్యకర్తల ఆశయాలకు ప్రతిరూపమైన ఆ పైలాన్ పరిసరాలు అపరిశుభ్రంగా ఉండటాన్ని ఆయన మనసు అంగీకరించలేదు.
మనం చూస్తున్న ఆ దృశ్యం.. కేవలం శుభ్రం చేయడం కాదు, తన నాయకుడి అడుగుజాడల పట్ల ఆయనకు ఉన్న భక్తి. ఆ పైలాన్ కోసం స్థలాన్ని ఇచ్చిన బాలం గంగాధర్ గారి లాంటి నిస్వార్థపరుల త్యాగాన్ని గౌరవించడం ఆయన సంస్కారం.
చివరికి.. ఆ నిబద్ధత గల వ్యక్తి ఎవరో తెలుసా?
ఆయనే పాతూరి రామ్ ప్రసాద్ చౌదరి. పశ్చిమగోదావరి జిల్లా తెలుగు రైతు అధ్యక్షులు. తాడేపల్లిగూడెం మాజీ మార్కెట్ కమిటీ చైర్మన్. ఒక నాయకుడిగా ఉండి కూడా, తన నాయకుడి స్మృతి చిహ్నం దగ్గర ఒక సామాన్య కార్యకర్తలా ఆయన చేసిన ఈ పని.. ఇప్పుడు ప్రతి తెలుగుదేశం కార్యకర్త గుండెను హత్తుకుంటోంది.
నాయకుడిపై ప్రేమ అంటే ప్రసంగాలు చేయడం మాత్రమే కాదు.. ఇలాంటి నిశ్శబ్ద సేవ కూడా అని ఆయన మరోసారి నిరూపించారు.
– చాకిరేవు
About the Author
