AP10Z2720 అనే ఈ ఐకానిక్ బస్సు 1997లో బనగానపల్లె డిపోలో రిజిస్ట్రేషన్ పొందింది. మజబుత్ టాటా ఛాసిస్పై రూపుదిద్దుకున్న ఈ బస్సు దాదాపు 28 సంవత్సరాలు గ్రామీణ రహదారుల్లో సేవలందించింది. ఎంతోమంది గుండెల్లో చెరగని ముద్ర వేసుకున్న ఈ బస్సును ప్రజలు ప్రేమతో “రాజహంస” అని పిలుచుకునేవారు.
ఈ పేరు వినగానే గుండె తడిచేలా చేస్తుంది. ఈ బస్సు అప్పట్లో బనగానపల్లె నుంచి ఉప్పలపాడు (అవుకు మండలం) వరకు తిరుగుతూ అనేక గ్రామాలను కలిపింది. ఆ రోజుల్లో ఎర్ర బస్సులు అంటే ఒక్క బస్సు కాదు, ఊరికి ఊపిరిలాంటిది. తెల్లవారుజామున పొగమంచులో ఊర్లవైపు వచ్చే దృశ్యం ఇంకా చాలా మందికి కన్నుల ముందే మెదులుతుంటుంది.
కానీ ఆ బస్సు ఇక మాకు కనిపించదు. ఈ చరిత్రాత్మకమైన “రాజహంస” ఇప్పుడు స్క్రాప్ చేయబడింది. ఎన్ని మధుర క్షణాలు మోసుకెళ్లినా, ఎన్ని జ్ఞాపకాలు మిగిలినా… ఆ యాంత్రిక శరీరం ఇక మానవ కళ్లు చూడలేని స్థితిలోకి వెళ్లిపోయింది.
ఆ బస్సును మరల జ్ఞాపకాల రూపంలో తిరిగి చూడాలనే ఉద్దేశంతో, మేము ఒరిజినల్ ఫోటోను AI సహాయంతో జీవితం పోసే ప్రయత్నం చేశాము. ఇది మన గుండెల్లో అద్భుతంగా నిలిచిపోయిన ఒక సజీవ జ్ఞాపకానికి చిన్నగా అందించే ప్రేమ నివాళి.
– బెస్త మణికుమార్
About the Author
