– రైతుల ఆత్మహత్యల్లో ఏపీ 3వ స్థానంలో ఉంది
– జగన్మోహన్ రెడ్డి జిల్లాకొక క్రిమినల్ ను తయారుచేశాడు
– ఈ లోకేష్ వైసీపీ గూండాల పాలిట మూర్ఖుడు
– పలమనేరు క్లాక్ టవర్ సెంటర్ లో యవనేత లోకేష్ ప్రసంగం
రాష్ట్రంలో యుద్ధం మొదలైంది…జగన్ పతనం నెల్లూరు నుండి మొదలైంది. పలమనేరు జనసంద్రం చూస్తుంటే నోట మాట రావడంలేదు.ఎన్నికలకు ముందు జగన్ రెడ్డి పాదయాత్ర సమయంలో అందరినీ తాను ఉద్దరిస్తానంటే నమ్మేశారు. కంపెనీలు, ఉద్యోగాలు, సమాన అవకాశాలు, 45ఏళ్లకే పెన్షన్లు వస్తాయని మురిసిపోయారు. ఏపీ చరిత్రలో ఎప్పుడూ లేని విధంగా 151సీట్లతో జగన్ కి అధికారం కట్టబెట్టారు.3.8 సంవత్సరాల్లో ఒక్క కంపెనీ అయినా జగన్ రెడ్డి తెచ్చాడా?జాబ్ క్యాలెండర్ ఒక్కటైనా తెచ్చాడా? ఒక్క ప్రభుత్వ ఉద్యోగమైనా ఇచ్చాడా? ఏపీలో ఉన్న కంపెనీలన్నీ జే ట్యాక్స్ కట్టలేక పక్క రాష్ట్రాలకు తరలిపోతున్నాయి.
ఎస్సీ, ఎస్టీ, బీసీ, మైనారిటీ మహిళలకు 45ఏళ్లకే పెన్షన్ ఇస్తారని మూడున్నరేళ్లుగా ఎదురుచూస్తున్నారు. నిత్యావసరాల ధరలు ఆకాశాన్నంటి పేద, మధ్య తరగతి కుటుంబాలు చాలా ఇబ్బందులు ఎదుర్కొంటున్నాయి.19ఏళ్ళుగా మాకు వస్తున్న సబ్సిడీని జగన్ రద్దు చేశారని పట్టురైతులు వాపోయారు. రాయలసీమ ప్రాంతానికి కీలకమైన డ్రిప్ ఇరిగేషన్ ను అటకెక్కించాడు ఈ సైకో జగన్. రాష్ట్రంలో పంట పొలాలకు వాడే మందులు పనిచేయడం లేదు….జగన్ రెడ్డి తయారు చేసే కల్తీ లిక్కర్ పురుగు మందు కంటే బాగా పనిచేస్తోంది.25ఎంపీ సీట్లిస్తే ప్రత్యేక హోదా తెస్తానని, ఢిల్లీ మెడలు వంచుతానని అన్నాడు.నేడు ఢిల్లీ వెళ్లి జగన్ రెడ్డి తన మెడలు వంచి కేసులు నుండి బయటపడేందుకు చూస్తున్నాడు.
సీబీఐ వాళ్లు వస్తే జగన్ రెడ్డి కాళ్లు వణికిపోతున్నాయి… ప్యాంటు తడిచిపోతోంది. మోడీ వస్తే కాళ్లు పట్టుకోవడానికి జగన్ రెడ్డి ఆరాటపడుతున్నాడు. రైతులు జగన్ పాలనలో అప్పులు పాలై ఆత్మహత్యలు చేసుకుంటున్నారు. రైతుల ఆత్మహత్యల్లో ఏపీ 3వ స్థానంలో ఉంది. కార్మికులు పక్క రాష్ట్రాలకు వలసలు పోతున్నారు. సొంత బాబాయ్ ని గొడ్డలితో రాత్రి పూట కసిగా చంపించిని వాడిని క్రిమినల్ అంటాం.తల్లీ, చెల్లిని మెడపట్టి బయటకు గెంటేసిన వాడిని ఏమంటాం. క్రిమినల్ అంటాం. తాడేపల్లి కొంపలో ఓ క్రిమినల్ ఉంటాడు. తన చుట్టూ మరికొంత మంది క్రిమినల్స్ ఉన్నారు.జగన్మోహన్ రెడ్డి జిల్లాకొక క్రిమినల్ ను తయారుచేశాడు.
చిత్తూరుజిల్లాలో పెద్దిరెడ్డి బినామీ పలమనేరు ఎమ్మెల్యే వెంకట్ గౌడ్. జిల్లాలో ఏ కుంభకోణం చూసినా దాని వెనుక పెద్దిరెడ్డే ఉంటాడు. పెద్దిరెడ్డికి మరో మారుపేరు వీరప్పన్… ఎర్ర చందనాన్ని పెద్దిరెడ్డి దోచేస్తున్నాడు.పలమనేరు పులి ఎన్. అమర్నాథ్ రెడ్డి ఉన్నాడంటే అతను ఎన్నడూ ఎలాంటి అక్రమాలకు పాల్పడలేదు. పలమనేరు అభివృద్ధికి అమర్నాథ్ రెడ్డి రూ.650కోట్లు ఖర్చుపెట్టారు…మరో రూ.650కోట్లతో పనులు ప్రారంభిస్తే వాటిని వైసీపీ వచ్చాక నిలుపుదల చేశారు.పలమనేరులో అమర్ 80రోడ్లు ప్రారంభిస్తే వెంకట్ గౌడ్ నిలిపేశారు. ఇసుక దొబ్బేస్తున్నారు. ఒక్కో టిప్పర్ రూ.50వేలు నుండి రూ.70వేలుకు అమ్ముతున్నారు. కైగల్ రిజర్వాయర్ ను పూర్తిచేసేందుకు 16కోట్లు కేటాయించారు. ఆ పనులనూ వెంకట్ గౌడ్ నిలిపేశారు.గ్రనైట్ మైన్ ను కూడా వెంకట్ గౌడ్ దోచేశాడు…12కోట్లు విలువగల మెటల్ మైన్ ను వెంకట్ గౌడ్ మింగేశాడు.
టిడిపి అధికారంలోకి వచ్చాక సబ్సిడీపై పట్టు పురుగుల పెంపకాన్ని ప్రోత్సహిస్తాం..పెట్టుబడి సాయం అందిస్తాం. ఎక్కడ ఏ పని జరగాలన్నా ఎమ్మెల్యేకు 10శాతం కప్పం కట్టాల్సి వస్తోంది. పలమనేరు ఎమ్మెల్యే బెంగళూరులో ఉంటాడు…ప్రజల సంక్షేమాన్ని వదిలేశాడు.వెంకట్ గౌడ్ పని అయిపోయింది…అందుకే పెద్దిరెడ్డి పని కూడా అయిపోయినట్టే…దీంతో జగన్ రెడ్డి పనికూడా అయిపోయినట్టే.
ప్రజల సమస్యలపై మాట్లాడినా, ట్వీట్, పోస్టు పెట్టినా కేసులు పెడుతున్నారు. 2019కి ముందు నాపై ఒక్క కేసు లేదు…జగన్ సీఎం అయ్యాక నాపై 19కేసులు పెట్టాడు. ఎస్సీ, ఎస్టీ కేసు, హత్యాయత్నం కేసు పెట్టారు. ఏం పీక్కుంటారో పీక్కోండని చెప్పా. జీఓ-01ను ఏ-1 తెచ్చి నన్ను ఆపాలని చూశాడు. ఆ జీఓను ఎక్కడ పెట్టుకుంటారో పెట్టుకోండని చెప్పా. యువగళం ఆగదు…వారాహీ ఆగదు. బైరెడ్డిపల్లి వైసీపీ గూండాల్లారా ప్లెక్సీలు చింపుతారా….అధికారంలోకి వచ్చాక మీకు వడ్డీతో సహా చెల్లించేస్తా…ఖబడ్దార్. ఎన్టీఆర్ మన దేవుడు…చంద్రబాబు రాముడు…. ఈ లోకేష్ వైసీపీ గూండాల పాలిట మూర్ఖుడు.
జగన్ పాలన వల్ల 67సంవత్సరాలు వెనక్కి వెళ్లిపోయాం.ఈ భూమి మీద జగన్ రెడ్డి, నేను శాశ్వతం కాదు…ఈ రాష్ట్రం శాశ్వతం. ఈ రాష్ట్ర భవిష్యత్తును కాపాడుకునేందుకు అందరూ ఒక్కొక్కరిగా ముందుకు కదిలిరండి…యువగళంతో మీ గళం కదపండి. మీ భవిష్యత్తు మారాలంటే..సైకో పోవాలి….సైకిల్ రావాలి. ఈ నినాదానికి మీరంతా కట్టుబడి ఉండండి…మీ పలమనేరు పులి అమర్నాథ్ రెడ్డిని గెలిపించుకోండి.
