ఒక నిశబ్ద సమ్మేళనం… మీడియా కంటికి కనిపించని మహాసభ!
మధ్యప్రదేశ్లోని భోపాల్ వేదికగా ఇటీవల తబ్లీగీ జమాత్ ఒక భారీ కార్యక్రమాన్ని నిర్వహించింది.
దీని గణాంకాలు వింటే ఆశ్చర్యం కలగకమానదు: * 23 దేశాల నుండి ప్రతినిధులు, * 1300 జమాత్ల ఆధ్వర్యంలో, * ఏకంగా 12 లక్షల మంది జనం, * 600 ఎకరాల విస్తీర్ణంలో, * 5000 మంది పోలీసుల భారీ భద్రత మధ్య… 14 నుండి 17 వరకు నాలుగు రోజుల పాటు ఈ తంతు సాగింది.
కానీ విచిత్రం ఏంటంటే… ఇంత పెద్ద కార్యక్రమం జరిగినా ప్రింట్ మీడియాలో చిన్న వార్త లేదు, ఎలక్ట్రానిక్ మీడియాలో చర్చ లేదు. ఏ రాజకీయ నాయకుడు, సినీ నటుడు, రచయిత లేదా మేధావి దీని గురించి ఒక్క మాట కూడా మాట్లాడలేదు.
ఎందుకీ మౌనం?
చరిత్ర ఏం చెబుతోంది?
* భారత్-పాక్ విభజనలో కీలక పాత్ర పోషించింది ఎవరు? జమాతే ఇస్లామీ!
* బంగ్లాదేశ్ మారణకాండ వెనుక, ఆఫ్ఘనిస్తాన్లో హిందువుల ఊచకోత వెనుక ఉన్నది ఎవరు? ఆ జమాత్ వర్గాలే! * ప్రపంచంలోనే అతిపెద్ద జమాత్ ఏది? తబ్లీగీ జమాత్.
పుట్టుక వెనుక అసలు కథ: రాష్ట్రీయ స్వయం సేవక్ సంఘ్ (RSS) 1925లో నాగ్పూర్లో స్థాపించబడింది. సరిగ్గా దాన్ని అడ్డుకునే (Counter) ఉద్దేశంతోనే, ఏడాది తిరిగేలోపే 1926-27లో ఢిల్లీ కేంద్రంగా తబ్లీగీ జమాత్ పురుడు పోసుకుంది.
ప్రపంచం నిషేధించింది… మనం మాత్రం?
ఉగ్రవాద కార్యకలాపాలతో సంబంధం ఉందనే ఆరోపణలతో రష్యా, తజికిస్తాన్, కజకిస్తాన్, ఉజ్బెకిస్తాన్లతో పాటు… స్వయంగా ఇస్లామిక్ దేశమైన సౌదీ అరేబియా కూడా తబ్లీగీ జమాత్ను నిషేధించింది.
ఈ ద్వంద్వ వైఖరి ఎందుకు?
* RSS వాళ్ళు ఒక చిన్న సమావేశం పెట్టుకున్నా, పది వేల మంది పోగైతేనే మీడియాలో తెగ చర్చ జరుగుతుంది.
* అక్కడ రోజూ సాయంత్రం ప్రెస్ కాన్ఫరెన్స్ పెట్టి, ఏం జరిగిందో మీడియాకు వివరిస్తారు.
* కానీ, ఇక్కడ 12 లక్షల మంది నాలుగు రోజుల పాటు సమావేశమైతే… అందులో ఎవరు మాట్లాడారో, ఏం మాట్లాడారో బయట ప్రపంచానికి తెలియదు.
* కనీసం ఒక్క వీడియో కూడా బయటకు రాలేదు. తబ్లీగీ జమాత్ ఎప్పుడూ ప్రెస్ మీట్ పెట్టదు.
సమాధానం లేని ప్రశ్నలు:
దేశంలో మతపరమైన ఉన్మాదం ఎందుకు పెరుగుతోంది?
చదువుకున్న డాక్టర్లు, ఇంజనీర్లు తీవ్రవాద భావజాలం వైపు ఎందుకు ఆకర్షితులవుతున్నారు? దీనికి తబ్లీగీ జమాత్తో ఏమైనా పరోక్ష సంబంధం ఉందా? అనే కోణంలో ఎప్పుడూ సరైన చర్చ జరగలేదు. మాజీ కేంద్ర మంత్రులు, స్టాండప్ కమెడియన్లు, మేధావులు, పాత్రికేయులు ఈ సంస్థతో సంబంధాలు కలిగి ఉన్నారనే వాదనలు ఉన్నాయి.
సూటి ప్రశ్న ఒక్కటే: ఇస్లామిక్ దేశాలే ప్రమాదకరమని భావించి నిషేధించినప్పుడు, భారత్లో ఈ సంస్థను నిషేధించడానికి అభ్యంతరం ఎందుకు?
– ఎన్ఎస్కె చక్రవర్తి
About the Author
