-ఏసీబీ కోర్టు చెంప చెళ్లుమన్పించినా సిగ్గు రాలేదా?
-కేసీఆర్ బిడ్డ దొంగ సారా దందాను చూసి దేశమంతా అసహ్యించుకుంటోంది
-తెలంగాణ తలదించుకునే దుస్థితికి తీసుకొచ్చారు.
-ప్రజా సంగ్రామ యాత్రతో కేసీఆర్ కు నిద్ర పట్టడం లేదు
-ప్రజలకిచ్చిన హామీల అమలుకు పైసల్లేవట….
-ప్రజాధనాన్ని లూటీ చేసి లక్ష కోట్లతో దొంగ సారా దందా చేస్తారా?
-దేశమంతా కేసీఆర్ కుటుంబాన్ని చూసి అసహ్యించుకుంటోంది
-తెలంగాణ తలదించుకునే దుస్థితికి తీసుకొచ్చారు
-బిడ్డను సీబీఐ అరెస్ట్ చేస్తే తెలంగాణ సెంటిమెంట్ రగిలించాలని కేసీఆర్ కుట్ర
-బీజేపీ అధికారంలోకి వస్తే ఖానాపూర్ లోని పెండింగ్ ప్రాజెక్టులు, బ్రిడ్జీలన్నీ పూర్తి చేస్తాం
-డిగ్రీ కాలేజీ, రెవిన్యూ డివిజన్ ను ఏర్పాటు చేస్తాం
-ఇక్కడున్న ఎమ్మెల్యే అవినీతి అనకొండ… పాన్ షాపు నుండి పరిశ్రమలదాకా కమీషన్లే
-తాలు పేరుతో రైతులను ఘోరంగా మోసం చేస్తున్న టీఆర్ఎస్ నేతలు
-వడ్ల కొనుగోలు పైసలన్నీ మోదీ ప్రభుత్వమే ఇస్తోంది
-గ్రామ పంచాయతీలకిచ్చే నిధులన్నీ కేంద్రానివే
-పాదయాత్ర ముగింపు సభకు తరలిరండి
-ఖానాపూర్ ప్రజా సంగ్రామ యాత్రలో నిప్పులు చెరిగిన బండి సంజయ్
-హిందువుల జోలికొస్తే ఊరుకునే ప్రసక్తే లేదని హెచ్చరిక
-సంజయ్ సమక్షంలో బీజేపీలో చేరిన పలువురు టీఆర్ఎస్ నేతలు
‘‘బీఎల్ సంతోష్ జీ గొప్ప వ్యక్తి. ఈ దేశం, ధర్మం, సమాజ శ్రేయస్సు కోసం అహర్నిశలు కష్టపడి ప్రచారక్ గా పనిచేస్తున్నరు. సీఎం కేసీఆర్ ఓర్వలేక తప్పుడు ఆయనపై కేసులు బనాయిస్తున్నరు. ఆయన పాత్ర లేకపోయినా, ఒక్క పైసా దొరకకపోయినా అవినీతి కేసు ఎట్లా పెడతావంటూ ఏసీబీ కోర్టు కేసీఆర్ చెంప చెళ్లుమన్పించింది. బీజేపీని బదనాం చేసేందుకు కేసీఆర్ చేసే కుట్రలను తిప్పికొడదాం‘‘అంటూ బీజేపీ రాష్ట్ర అధ్యక్షులు, ఎంపీ బండి సంజయ్ కుమార్ వ్యాఖ్యానించారు.
లక్ష కోట్లతో దొంగ సారా దందా చేసిన కేసులో అడ్డంగా బుక్కయిన బిడ్డను అరెస్ట్ చేస్తే తెలంగాణ సెంటిమెంట్ రగిలించి యుద్దం చేయాలని ముఖ్యమంత్రి కేసీఆర్ కుట్ర చేస్తున్నారని అన్నారు. ‘‘కేసీఆర్ యుద్దం స్టార్ట్ చేసిండు.. యుద్దానికి మనం సిద్దమే. కేసులు, రౌడీ షీట్లు, దాడులకు భయపడే ప్రసక్తే లేదు. తెలంగాణ గడ్డపై కాషాయ జెండాను రెపరెపలాడించేదాకా పోరాటాన్ని కొనసాగించి తీరుతాం’’అని స్పష్టం చేశారు.
హైదరాబాద్, బెంగళూరు డ్రగ్స్ కేసుల్లో కేసీఆర్ కుటుంబం, టీఆర్ఎస్ ఎమ్మెల్యేలున్నారని, వెంటనే ఆ కేసులను రీ ఓపెన్ చేయాలని డిమాండ్ చేశారు. బీజేపీ అధికారంలోకి వస్తే ఖానాపూర్ నియోజకవర్గంలో పెండింగ్ లో ఉన్న ప్రాజెక్టులు, బ్రిడ్జీలను నిర్మిస్తామన్నారు. దీంతోపాటు ప్రభుత్వ డిగ్రీ కాలేజీ, ఆర్డీవో కార్యాలయాన్ని ప్రారంభిస్తామన్నారు. 10వరోజు ప్రజా సంగ్రామ యాత్రలో భాగంగా ఈరోజు ఖానాపూర్ పట్టణానికి విచ్చేసిన బండి సంజయ్ కు వేలాది మంది జనం తరలివచ్చి ఘన స్వాగతం పలికారు. బీజేపీ కార్యకర్తలు బాణాసంచా పేల్చి డ్యాన్సులు చేస్తూ సంబురాలు చేసుకున్నారు. ఈ సందర్భంగా బండి సంజయ్ చేసిన ప్రసంగ పాఠం వివరాలిలా ఉన్నాయి…
ఖానాపూర్ లో మాములు జోష్ లేదు.ఈ జోష్ చూసే… ముగింపు సభకు వస్తానని జేపీ నడ్డా అన్నారు.ఈనెల 15న కరీంనగర్ లో ముగింపు సభకు జేపీ నడ్డా వస్తారుకేసీఆర్ డిప్రెషన్ లో ఉన్నాడు.ఎంతసేపు బిడ్డ జపమే చేస్తున్నాడు… ఈనెల 11న బిడ్డ సంగతేంటో తెలుస్తుంది. ఇవాళ ఖానాపూర్ లోనే 110 రోజులు, 100km, 51 నియోజకవర్గాలు పూర్తయింది.
కేసీఆర్ హామీలు పూర్తయ్యాయా?సదర్ మాట్ పూర్తయ్యిందా?గంగాపురం బ్రిడ్జి పూర్తవ్వాలా? వద్దా? డిగ్రీ కాలేజ్ కావాలా? వద్దా?RDO కార్యాలయం కావాలా.. వద్దా?ప్రశ్నించడానికే బీజేపీ పాదయాత్ర చేస్తోంది. ప్రజల కష్టాలు, బాధలు తెలుసుకుంటూ… వారికి భరోసా కల్పిస్తున్నాం.కేసీఆర్ అవినీతి, కుటుంబ, నియంతృత్వ పాలనకు చరమగీతం పాడుతాం.
నిర్మల్ లో బండి సంజయ్ ని చూసి, భయపడింది ఎవరో ప్రజలకు తెలుసు.బీజేపీ ప్రభుత్వం ఏర్పడ్డాక, పేదలకు ఉచిత విద్య, వైద్యం అందిస్తాం.నిలువ నీడలేని పేదలకు ఇండ్లు కట్టిస్తాం.పంట నష్టపోయిన రైతులకు ఫసల్ బీమా యోజన పథకాన్ని పూర్తిగా అమలుచేసి, ఆదుకుంటాం.కేసీఆర్ కు తెల్లారితే చాలు, మోడీ పై ఏడుపే.
కవిత సారా దందా చేసింది.దొంగ సారా దందా చేస్తే… జైలుకు పోవాలా? వద్దా?2 bhk, నిరుద్యోగ భృతి, దళిత బంధు, రైతు బంధు ఇవ్వడానికి పైసలు లేవట.తెలంగాణ సొమ్మును దోచుకుని, లిక్కర్ దందా చేయడానికి మాత్రం పైసలు ఉన్నాయి.లక్ష కోట్లు పెట్టి, దొంగ సారా దందా చేశారు.. తూ… కేసీఆర్ కు, ఆయన బిడ్డకు సిగ్గుండాలి.దొంగ దందా చేస్తే… ప్రజలు ఉద్యమం చేయాలా?
మరొకసారి తెలంగాణ సెంటిమెంట్ ను రగిల్చి, కేసీఆర్ లబ్ది పొందాలని చూస్తున్నాడు.Trs ఎమ్మెల్యేలు, మంత్రులు… అందరికీ కమిషన్ లు కావాల్సిందే.పెట్రోల్ బంకులు, డిగ్రీ కాలేజీలు అన్నీ వాళ్లవే.అన్ని పథకాలలోనూ… trs నేతలకు కమీషన్లు ఇవ్వాల్సిందే.ఇక్కడ ఉద్యోగాలు లేక నిరుద్యోగులు గల్ఫ్ దేశాలకు పోవాల్సిన పరిస్థితి.
కేసీఆర్ ఇచ్చిన హామీలను నెరవేర్చాలని… కేసీఆర్ ను అడిగే దమ్ము trs నేతలకు ఉందా?కేంద్రం ఇస్తున్న నిధులతోనే… తెలంగాణలో అభివృద్ధి.ధాన్యం సేకరణ కు నిధులు ఇస్తున్నది మోడీ ప్రభుత్వమే.తెలంగాణ లో పేదోళ్ల రాజ్యం రావాలి.26 మంది బీసీ ఎంపీలు, 12 మంది ఎస్సి ఎంపీలు, 8 మంది ఎస్టీ ఎంపీ లను, కేంద్రమంత్రులుగా చేసిన ప్రభుత్వం మోడీ ప్రభుత్వం.
కేసీఆర్ ధనిక రాష్ట్రాన్ని అప్పుల రాష్ట్రం గా చేసిండు.రూ.5 లక్షల కోట్లు అప్పు చేసిండు.పుట్టబోయే పిల్లల పేరు పై కూడా లక్ష అప్పు పెట్టిండు.మరొకసారి కేసీఆర్ కు అవకాశం ఇస్తే… ఇంకో రూ. 5 లక్షల కోట్ల అప్పు చేస్తాడు.
దేశం కోసం, ధర్మం కోసం పాటుపడే వ్యక్తి బీఎల్ సంతోష్.ఓర్వలేక తప్పుడు ఆరోపణలు చేస్తే… కోర్టు కేసీఆర్ కు మొట్టికాయలు వేసింది.బెంగళూరు, హైదరాబాద్ డ్రగ్స్ కేసు ఏమైంది?పక్కా బయటికి తీస్తాం… కేసును రీ ఓపెన్ చేయిస్తాం.కేసీఆర్ కుటుంబం అక్రమంగా సంపాదించిన ఆస్తులతో… ఉమ్మడి ఆదిలాబాద్ జిల్లాను అద్దంలా అభివృద్ధి చేయొచ్చు.అందరికీ అవకాశం ఇచ్చారు.
ఒక్కసారి బీజేపీ కి అవకాశం ఇవ్వండి.ఖానాపూర్ గడ్డపై కాషాయ జెండా ఎగరేస్తాం.బీజేపీ ఏ మతానికి వ్యతిరేకం కాదు… ఎవరినీ కించపర్చలేదు.ఆ ఒక్క వర్గాన్ని తప్ప, 80% ఉన్న హిందువులను మాత్రం కేసీఆర్ పట్టించుకోడు.ఇక్కడ హిందువలంతా సంఘటితమైతే… ఉమ్మడి ఆదిలాబాద్ జిల్లాలో ఉన్న అసెంబ్లీ స్థానాలు అన్నీ మనవే.
మత మార్పిడి జరగొద్దు.లవ్ జిహాద్ కు ఛాన్స్ ఇవ్వొద్దు.హిందువుల సహనాన్ని పిరికితనం అనుకుంటే… ఊరుకునే ప్రస్నే లేదు.మీ సమస్యల కోసమే పనిచేస్తున్నాం.ప్రజల కోసమే కొట్లాడుతుంటే… మాపై లాఠీ ఛార్జ్ చేస్తున్నారు.బండి సంజయ్ కి జైలు కొత్త కాదు.దేశం కోసం, ధర్మం కోసం జైలుకి పోయిన.కేసీఆర్… కేసీఆర్ బిడ్డలెక్క లంగ దందాలు, దొంగ దందాలు చేసి, జైలుకి పోలేదు. మీ జోష్ ను… ఈ జనాన్ని చూస్తే… బీజేపీ విజయోత్సవ ర్యాలీ లా అనిపిస్తోంది.
