– ఆంధ్ర ప్రదేశ్ పారిశ్రామిక ప్రస్థానంలో దావోస్ 2026 ఒక అద్వితీయ అధ్యాయంగా నిలిచిపోనుందా?
ముఖ్యమంత్రి నారా చంద్రబాబు నాయుడు సారథ్యంలో, రాష్ట్ర బృందం స్విట్జర్లాండ్లోని మంచు కొండల సాక్షిగా కుదుర్చుకున్న ఒప్పందాలు, పారిశ్రామిక దిగ్గజాలతో జరిపిన మంతనాలు ఏపీని గ్లోబల్ ఇన్వెస్ట్మెంట్ మ్యాప్లో అగ్రస్థానంలో నిలబెట్టాయా?
దేశంలోని ఇతర రాష్ట్రాలైన ఉత్తరప్రదేశ్, మహారాష్ట్ర, తెలంగాణలను అధిగమిస్తూ, రికార్డు స్థాయిలో 36 వ్యూహాత్మక సమావేశాలు నిర్వహించడం ద్వారా ఆంధ్రప్రదేశ్ తన పాత వైభవాన్ని (Brand AP) మళ్లీ చాటుకుంది.
దావోస్ వేదికగా ఆంధ్రప్రదేశ్ ప్రదర్శించిన దూకుడుపై ప్రపంచ మీడియా స్పందన మాత్రం అసాధారణంగా కనిపించింది.
వెస్టర్న్ మీడియా : బ్లూమ్బెర్గ్ మరియు ఫైనాన్షియల్ టైమ్స్ వంటి మీడియా సంస్థలు ఆంధ్రప్రదేశ్ చేపట్టిన ‘గ్రీన్ హైడ్రోజన్ వ్యాలీ’ మరియు ‘స్పేస్ సిటీ’ ప్రాజెక్టులను హైలైట్ చేశాయి. “భారతదేశపు సంప్రదాయ పారిశ్రామిక కేంద్రాలకు ఏపీ గట్టి పోటీనిస్తోంది” అని ఫోర్బ్స్ విశ్లేషించింది. ముఖ్యంగా పెట్టుబడిదారులకు ప్రభుత్వం కల్పిస్తున్న “పాలసీ గ్యారెంటీ”ని పాశ్చాత్య విశ్లేషకులు ప్రధాన ఆకర్షణగా పేర్కొన్నారు.
ఆసియా మీడియా: నిక్కీ ఆసియా వంటి పత్రికలు విశాఖపట్నం-కాకినాడ పోర్ట్ కారిడార్ను ఆగ్నేయాసియా వాణిజ్యానికి ‘ప్రధాన ద్వారం’గా అభివర్ణించాయి. సింగపూర్ మరియు జపాన్ ప్రతినిధులు ఏపీలోని లాజిస్టిక్స్ సామర్థ్యాన్ని ప్రశంసించారు.
మన జాతీయ మీడియా: జాతీయ మీడియా ఈ పర్యటనను “మినీ ఇండియా” పెవిలియన్లో ఏపీ సాధించిన ఘనవిజయంగా అభివర్ణించింది. ₹2.36 లక్షల కోట్ల పెట్టుబడులు, 1.33 లక్షల ఉద్యోగాల అంచనాతో ఏపీ ఇతర రాష్ట్రాల కంటే బహుదూరం ముందుందని ఎకనామిక్ టైమ్స్ పేర్కొంది.
పారిశ్రామిక దిగ్గజాల స్పందనలు ఆసక్తికరం. దావోస్ వేదికగా ఏపీ విజన్ చూసి గ్లోబల్ సీఈఓలు ఆశ్చర్యం వ్యక్తం చేశారు.
మెటా ప్రతినిధులు: “విశాఖపట్నంలో ఏర్పాటు చేయబోయే ఏఐ ఇన్నోవేషన్ హబ్ ద్వారా ఏపీ ఫ్యూచర్ టెక్నాలజీకి కేరాఫ్ అడ్రస్గా మారబోతోంది. డేటా సెంటర్ల నిర్వహణకు ఏపీ ఇంధన వనరులు అనుకూలం.”
ఎన్విడియా (NVIDIA): అమరావతిలో ఏర్పాటు చేయనున్న ఏఐ యూనివర్సిటీని ‘నెక్స్ట్ టెక్నాలజీ ఫ్రాంటియర్’గా అభివర్ణించారు. ఏఐ, చిప్ డిజైనింగ్ మరియు సాఫ్ట్వేర్ రంగాల్లో ఏపీతో భాగస్వామ్యానికి వారు మొగ్గు చూపారు.
వరల్డ్ ఎకనామిక్ ఫోరం నిర్వాహకులు: “చాలా రాష్ట్రాలు కేవలం పెట్టుబడుల గురించి మాట్లాడుతాయి, కానీ ఆంధ్రప్రదేశ్ ‘ఎకోసిస్టమ్’ (డ్రోన్ సిటీ, స్పేస్ సిటీ) గురించి మాట్లాడుతోంది. ఇది వారిని ఇతర రాష్ట్రాల కంటే భిన్నంగా నిలబెట్టింది.
ఈ పర్యటనలో కుదిరిన ఒప్పందాలు, తదుపరి సాకారం కానున్న పెట్టుబడులు రాష్ట్ర ఆర్థిక ముఖచిత్రాన్ని మార్చనున్నాయి. ముందే ప్రకటించిన బ్రూక్ఫీల్డ్ మరియు పెట్రోనాస్ సంస్థలు సౌర, పవన మరియు గ్రీన్ హైడ్రోజన్ రంగాల్లో భారీ పెట్టుబడులు పెడుతున్నాయి. అవి వేగవంతం కానున్నాయి. దీనివల్ల ఏపీ దేశంలోనే ‘గ్రీన్ ఎనర్జీ క్యాపిటల్’గా అవతరించనుంది.
RMZ గ్రూప్ $10 బిలియన్ల పెట్టుబడితో రాయలసీమలో, విశాఖలో ఒక లక్ష ఉద్యోగాల కల్పనే లక్ష్యంగా ఇండస్ట్రియల్, లాజిస్టిక్స్, ఐటీ పార్కును నిర్మిస్తోంది. ఇది వెనుకబడిన ప్రాంతాల అభివృద్ధికి కీలకమైన మలుపు. టెక్నాలజీ క్లస్టర్లు అయిన కర్నూలులో ‘డ్రోన్ సిటీ’, తిరుపతి మరియు శ్రీ సత్యసాయి జిల్లాల్లో ‘స్పేస్ సిటీ’లు ఊపందుకొనున్నాయి. ఇజ్రాయిల్ టెక్ పార్క్ ద్వారా ఏరోస్పేస్, క్వాంటం కంప్యూటింగ్ మరియు సైబర్ సెక్యూరిటీ రంగాల్లో ఏపీ అగ్రగామిగా నిలవనుంది.
కేవలం కాగితాల మీద ఒప్పందాలకే పరిమితం కాకుండా, ‘స్పీడ్ ఆఫ్ డూయింగ్ బిజినెస్’లో ఏపీ కొత్త ప్రమాణాలను నెలకొల్పింది. ఫిబ్రవరి 15 తర్వాత నుంచి సింగిల్ డెస్క్ 4.0 ద్వారా క్షేత్రస్థాయిలో శంకుస్థాపనలు ప్రారంభం కానున్నాయి. ఆర్టిఫిషియల్ ఇంటెలిజెన్స్ (AI), రియల్ టైమ్ గవర్నెన్స్ (RTGS) వంటి సాంకేతికతలను ఉపయోగించి పారిశ్రామికవేత్తలకు పారదర్శకమైన, వేగవంతమైన అనుమతులు కల్పిస్తామని ప్రభుత్వం హామీ ఇచ్చింది.
దావోస్ 2026 ఆంధ్రప్రదేశ్కు ఒక సంజీవనిలా మారింది. 36 సమావేశాల ద్వారా సాధించిన ఈ గ్లోబల్ గుర్తింపు రాష్ట్ర ఆర్థిక పునర్నిర్మాణానికి నాంది పలుకుతుంది. ‘స్వర్ణాంధ్ర 2047’ లక్ష్యం దిశగా పడిన ఈ అడుగులు, రాబోయే రోజుల్లో ఆంధ్రప్రదేశ్ను ఆసియాలోనే అత్యంత శక్తివంతమైన పెట్టుబడి కేంద్రంగా మార్చడం ఖాయం.
గ్లోబల్ లీడర్లు ఏపీని “ది మోస్ట్ ప్రామిసింగ్ స్టేట్ ఆఫ్ ఇండియా”గా గుర్తించడం ఈ పర్యటన సాధించిన అసలైన విజయం.
మంత్రి నారా లోకేష్ చెప్పినట్లు, “ప్రజలు స్లోగన్లను కాకుండా డెలివరీని కోరుకుంటున్నారు.” గతంలో దశాబ్దాల పాటు పెండింగ్లో ఉన్న ప్రాజెక్టులను 12 నెలల్లోపు పట్టాలెక్కించడమే లక్ష్యంగా పెట్టుకోవడం, ‘స్వర్ణాంధ్ర 2047’ దిశగా ఒక పక్కా రోడ్ మ్యాప్ను సిద్ధం చేయడం ఈసారి దావోస్ పర్యటనలో కనిపించిన ప్రధాన మార్పు.
ఏరోస్పేస్, క్వాంటం కంప్యూటింగ్, గ్రీన్ హైడ్రోజన్ వంటి భవిష్యత్ రంగాల్లో ఏపీ తన స్థానాన్ని సుస్థిరం చేసుకోవడం ద్వారా కేవలం దక్షిణాదిలోనే కాకుండా, ఆసియాలోనే ఒక కీలక పారిశ్రామిక కేంద్రంగా ఎదిగే అవకాశాలు మెండుగా ఉన్నాయి.
ఈ ఒప్పందాలు క్షేత్రస్థాయిలో అమలైతే, ఆంధ్రప్రదేశ్ నిరుద్యోగ సమస్యకు శాశ్వత పరిష్కారం లభించడమే కాకుండా, రాష్ట్ర జిడిపిలో ఊహించని వృద్ధి నమోదు కావడం ఖాయం.
స్వామి వివేకానంద చికాగోలో ఇలా మెస్మరైజ్ చేశారా అనిపించింది కొన్ని చిత్రాలు చూస్తే.
About the Author
