హైదరాబాద్: తెలంగాణ ఫోటో జర్నలిస్టుల అసోసియేషన్ (TPJA) రూపొందించిన 2026 నూతన సంవత్సర క్యాలెండర్ను బుధవారం హైదరాబాద్లోని తెలంగాణ భవన్లో బీఆర్ఎస్ వర్కింగ్ ప్రెసిడెంట్ కేటీఆర్ ఆవిష్కరించారు.
ఈ సందర్భంగా కేటీఆర్ మాట్లాడుతూ, సమాజంలోని వాస్తవాలను, ప్రజల కష్టసుఖాలను తన కెమెరా కంటితో బంధించి ప్రపంచానికి చాటిచెప్పే ఫోటో జర్నలిస్టుల సేవలు వెలకట్టలేనివని కొనియాడారు. వృత్తిపరమైన సవాళ్లను ఎదుర్కొంటూ అద్భుతమైన చిత్రాలను క్లిక్ చేసే జర్నలిస్టులకు అసోసియేషన్ ఎల్లప్పుడూ అండగా ఉండాలని ఆయన ఆకాంక్షించారు.
11 ఏళ్లుగా కొనసాగుతున్న సంప్రదాయం
అసోసియేషన్ రాష్ట్ర అధ్యక్షుడు జి. భాస్కర్ మాట్లాడుతూ, TPJA గత 11 ఏళ్లుగా నిరంతరాయంగా ప్రతి సంవత్సరం ఈ క్యాలెండర్ను ఆవిష్కరిస్తోందని తెలిపారు. ఫోటో జర్నలిస్టుల నైపుణ్యాన్ని, వారు తీసిన అరుదైన ఫోటోలను ఈ క్యాలెండర్ ద్వారా ప్రజలకు పరిచయం చేస్తున్నట్లు ఆయన పేర్కొన్నారు.
ఆవిష్కరణ కార్యక్రమంలో అసోసియేషన్కు చెందిన పలువురు కీలక నేతలు పాల్గొన్నారు:
జి. భాస్కర్ వ్యవస్థాపక రాష్ట్ర అధ్యక్షులు TUWJ రాష్ట్రప్రధాన కార్యదర్శి మారుతీ సాగర్ టెంజు రాష్ట్ర ప్రధాన కార్యదర్శి రమణ కుమార్ నాయకులు యోగి,నవీన్ యార, రాకేష్ రెడ్డి,బాపు రావు,చిన్న యాదగిరి గౌడ్ వినయ్ తదితరులు పాల్గొన్నారు.
About the Author
