రండి కదలి రండి
ఆంధ్ర రాష్ట్ర అభివృద్ధికి
ఉవ్వెత్తున తరలి రండి
మన బిడ్డల భవిష్యత్తు కై
ఉద్యమమై ఉరికి రండి
అమరావతిని కాపాడగ
అందరితో కలిసి రండి
సాగనున్నదదిగో మరో మహా పాదయాత్ర
వేయిరోజుల పండుగనాడు
వేయిపడగల స్వామి ఆశీస్సులతో
దుర్గమ్మ పాదాల నుండి
ప్రత్యక్ష్య నారాయణుడి
సమక్షం దాకా
కలియుగ నారాయణుడు పంపగా
సూర్యనారాయణడ్ని చేరగా
పంచారామాల సాక్షిగా
పంచభూతాలు సాక్ష్యంగా
సత్యదేవుని స్మరించుకుంటూ
అప్పన్నని దర్శించుకుంటూ
కన్నతల్లి పైడితల్లి ప్రేమతో
కనక మహాలక్ష్మి కరుణతో
సాగనున్నది ఆంధ్రుల భవిత యాత్ర
రండి కదలి రండి
సిక్కోలు మొక్కవోని పోరాటంతో
తాండ్ర పాపన్న పౌరుషం తో
తెన్నేటి ఉక్కు సంకల్పంతో
కట్టమంచి మంచితనంతో
కందుకూరి సౌజన్యంతో
గురజాడ అడుగు జాడల్లో
పూసపాటి వారి త్యాగనిరతితో
భోగరాజు పట్టుదలతో
సాగనుంది మహా పాదయాత్ర
క్షేత్రయ్య పదంలా కూచిపూడి నాట్యం లా
మంగళంపల్లి గాత్రం లా
శ్రీరంగం వారి మరో ప్రస్థానం లా
రండి కలిసి నడుద్దాం
రాష్ట్ర అభివృద్ధికి నడుం కడదాం
అమరావతిని నిర్మించుకుందాం
భావితరాలను కాపాడుకుందాం
-గద్దె బుచ్చి తిరుపతి రావు
