– పట్టించుకోని రాష్ట్రస్థాయి రెవెన్యూ ఉన్నత అధికారులు
– ప్రజా చైతన్య వేదిక రాష్ట్ర అధ్యక్షుడు సిరిపురపు ఆరోపణ
అమరావతి: ఆంధ్రప్రదేశ్లోని మీ భూమి ఆన్లైన్ వెబ్ ల్యాండ్ ప్రభుత్వ వెబ్ సైట్ సరిగ్గా పనిచేయక ప్రజలు ఇబ్బందులు పడుతున్నారని, ఈ విషయమై రాష్ట్రస్థాయి రెవెన్యూ ఉన్నత అధికారులు పట్టించుకోవడం లేదని ప్రజా చైతన్య వేదిక రాష్ట్ర అధ్యక్షుడు సిరిపురపు శ్రీధర్ ఆరోపించారు. ఈ మేరకు ఆయన గుంటూరులో సోమవారం ఏర్పాటు చేసిన విలేఖర్ల సమావేశంలో మాట్లాడారు.
వ్యవసాయ భూముల హక్కుదారులు తమ భూములను వారసత్వంగా రిజిస్ట్రేషన్ చేయాలన్నా, ఇతరులకు అమ్ముకున్న లేదా కోర్టుల ద్వారా రిజిస్ట్రేషన్ జరిగిన ఈ వ్యవసాయ భూములు ప్రస్తుత యజమాని పేరుతో 1 బి, 10 బి అడంగల్ లో, ప్రభుత్వ రికార్డులలో వీరి పేర్లు మ్యుటేషన్ ద్వారా ఆన్లైన్ వెబ్సైట్లో నమోదు కావాలంటే ‘ఇతరులు’ అనే సూచిక దగ్గర యజమానుల పేర్లను వెబ్సైటు తీసుకోవట్లేదని తెలిపారు.
రెవెన్యూ కార్యాలయాలలో అన్ని ఆధారాలతో ఉన్న ఆ భూ హక్కుదారు పేర్లు ఎక్కిస్తుంటే ప్రభుత్వ వెబ్సైట్ అసలు తీసుకోవట్లేదన్నారు. దీనితో వ్యవసాయ భూముల యజమానులు తమ భూములు అమ్ముకోలేక, ఇతరులకు, తమ వారసులకు ఇవ్వలేక అనేక ఇబ్బందులు పడుతున్నారని ఆవేదన వ్యక్తం చేశారు. అధికారులు తక్షణ చర్యలు తీసుకోవాలని ఆయన కోరారు.
About the Author
