– అప్పుడు కియాను వెళ్లగొడతామన్నావ్ కదా?
– ఇప్పుడు సీఎం హోదాలో అదే మాట చెప్పు జగన్
– కియాను చూపిస్తూ సీఎం జగన్‌కు ప్రశ్నాస్త్రం సంధించిన లోకేష్
– నాటి జగన్ వీడియో ప్రసంగం విడుదల చేసిన లోకేష్
టీడీపీ యువనేత లోకేష్ సీఎం జగన్‌కు ప్రశ్నాస్త్రం సంధించారు. పాదయాత్రలో ఉన్న లోకేష్.. కియా పరిశ్రమ సమీపంలో ఆగి, ఆ పరిశ్రమను చూపిస్తూ, వీడియో ద్వారా జగన్‌కు ప్రశ్నలు సంధించారు. నువ్వు ప్రతిపక్షనేతగా పాదయాత్ర చేస్తున్నప్పుడు కియాను అడ్డుకుంటానన్నావ్ కదా? రైతులను భూములివ్వవద్దని చెప్పావ్ కదా? నేను అధికారంలోకి వచ్చిన తర్వాత మీ భూములు మీకు ఇప్పిస్తానని చెప్పావ్ కదా? అధికారంలోకి వస్తే కియాను తరిమేస్తానన్నావు కదా? అసలు ఇది ఫేక్ అన్నావ్ కదా? భూదందా కోసం తీసుకున్నామని అన్నావు కదా? ఉద్యోగాలు రావన్నావు కదా జగన్! ఇప్పుడు చెప్పు జగన్. కియా మోటర్స్ ఫేకా? 25 వేల మందికి ఉద్యోగాలు, లక్షల మందికి ఉపాథి కల్పిస్తున్న కియో మోటార్‌ను ఫేక్ అని, ఇప్పుడు సీఎం హోదాలో చెప్పే దమ్ముందా జగన్’ అని ప్రశ్నల వర్షం కురిపించారు. ఇప్పుడు ఈ వీడియో సోషల్ మీడియాలో వైరల్ అవుతోంది.
