కడప-బెంగుళూరు రైల్వే లైను నిర్మాణ భూసేకరణను త్వరితగతిన పూర్తి చేయండి:సిఎస్
అమరావతి,3 జూన్:కడప-బెంగుళూరు రైల్వే లైను ప్రాజెక్టుకు సంబంధించిన భూసేకరణ పనులను వేగవంతంగా పూర్తి చేయాలని ప్రభుత్వ ప్రధాన కార్యదర్శి డా.సమీర్ శర్మ కడప,చిత్తూరు జిల్లాల కలక్టర్లను ఆదేశించారు.ప్రతినెల ప్రధానమంత్రి నరేంద్ర మోడి నిర్వహిస్తున్న ప్రగతి అంశాల్లో భాగంగా ఉన్న కడప-బెంగుళూర్ రైల్వే లైను ప్రాజెక్టుకు సంబంధించి శుక్రవారం సిఎస్ డా.సమీర్ శర్మ అధికారులతో సమీక్షించారు.
ఈ సందర్భంగా సిఎస్ మాట్లాడుతూ ఈరైల్వే లైను నిర్మాణానికి సంబంధించిన భూసేకరణ ప్రక్రియను వెంటనే పూర్తి చేయాలని చిత్తూరు,కడప జిల్లాల కలెక్టర్లను వీడియో సమావేశం ద్వారా ఆదేశించారు. వారం రోజుల్లోగా రైల్వే జియంతో సమాశం ఏర్పాటు చేసి ఈ రైల్వే లైనుకు సంబంధించి పనులను వేగవంతం చేసేలా తగిన చర్యలు తీసుకోవాల్సి ఉందని అన్నారు.అనంతరం ప్రగతికి సంబంధించిన ఇతర అంశాలపై సిఎస్ డా.సమీర్ శర్మ సమీక్షించారు.
సమావేశంలో టి ఆర్ అండ్ బి ముఖ్య కార్యదర్శి యం.టి.కృష్ణబాబు ఇతర అధికారులు పాల్గొన్నారు.
