-రజకుల చెరువుల్ని ఆక్రమించిన వారిని వదిలిపెట్టను
-జగన్ పాలనలో బీసీల ఆస్తులు, ఆదాయం పెరిగిందా?
-సత్యనాదెళ్ల తండ్రి యుగంధర్ నావద్ద పనిచేశాడు
-ప్రతివ్యక్తిని కోటీశ్వరు డిని చేయాలన్నది నాకల
-మీ ఎమ్మెల్యే ఆంబోతు అడ్డదిడ్డంగా మాట్లాడతాడు
-పల్నాడు జిల్లా సత్తైనపల్లిలో బడుగుబలహీన వర్గాల ఆత్మీయ సమావేశంలో పాల్గొన్న టీడీపీ అధినేత చంద్రబాబునాయుడు
బీసీ లు రాజకీయంగా, సాంస్కృతికంగా వెనుకబడ్డారు. అలాంటి మీకు వెన్నుదన్ను ఇచ్చి, మిమ్మల్ని ముందుకు నడిపించింది స్వర్గీయఎన్టీఆర్ . తెలుగుదేశం పార్టీనే. తెలుగుదేశంపార్టీ పెట్టక ముందు..పెట్టాక బీసీల పరిస్థితి ఏమిటో మీరే ఒకసారి మనస్ఫూర్తిగా బేరీజు వేసుకోవాలి. బీసీలను రాజకీయంగా వృద్ధిలోకి తీసుకొచ్చింది ఎన్టీఆర్ . బీసీలకు 24శాతంరిజర్వేషన్లు ఇచ్చి, వారిని రాజకీయంగా ప్రోత్సహించారు. తెలుగుదేశంపార్టీకి బడుగు, బలహీన వర్గాలే వెన్నెముక అనడంలో ఎలాంటి సందేహంలేదు. ఎంతమంది వచ్చి ఎన్నిమాయమాటలుచెప్పి, కుప్పిగంతులు వేసినా చివరకు బీసీల్ని ఆదుకునేది, వారికి అండగా ఉండేది తెలుగుదేశమే.
కింజరాపు ఎర్రన్నాయుడి నుంచి దేవేందర్ గౌడ్, కే.ఈ.కృష్ణమూర్తి, యనమల రామకృష్ణుడు, అచ్చెన్నాయుడు, అయ్యన్నపాత్రుడు, రామ్మోహన్ నాయుడు, కొల్లు రవీంద్ర లాంటి వందలకొద్దీ నాయకుల్ని తయారుచేసింది తెలుగుదేశంపార్టీనే. సబ్ ప్లాన్ తీసుకొచ్చి వెనుకబడిన వర్గాలకు రూ.36వేలకోట్లు ఖర్చుపెట్టింది తెలుగు దేశం పార్టీ. సబ్ ప్లాన్ కాకుండా, కులవృత్తులు, చేతివృత్తులకు అండగా నిలవడానికి ఆదరణ పథకం తీసుకొచ్చాము. ఆధునికమైన పనిముట్లు, యంత్రాలు అందించాము . వెనుకబడిన వర్గాలు లేకపోతే తెలుగుదేశంపార్టీలేదు. జనాభాలో 50శాతం కంటే ఎక్కువ ఉన్న బీసీలకోసం తెలుగుదేశం అనునిత్యం పనిచేస్తుంది.
కొల్లురవీంద్రను టీడీపీ బీసీసెల్ అధ్యక్షుడిగా నియమించాం. కులాలవారీగా సాధికారకమిటీలు వేశాం. వైసీపీ వేసిన కార్పొరేషన్లు ఎవరికోసమో, ఎందుకు పనికొస్తాయో చెప్పాలని సవాల్ చేస్తున్నా. 5ఏళ్లల్లో ఈ ప్రభుత్వం, ముఖ్యమంత్రి తానువేసిన ఫెడరేషన్లతో ఎంతమంది బీసీల తలసరి ఆదాయం పెంచాడో చెప్పాలని సవాల్ చేస్తున్నా. తెలుగుదేశం ప్రభు త్వం బీసీలకు ఇవ్వడానికి తీసుకొచ్చిన పనిముట్లు, పరికరాలు, యంత్రాలను తుప్పుపట్టేలా చేసిన పార్టీ వైసీపీ. వైసీపీప్రభుత్వం వేసిన ఫెడరేషన్లు ముఖ్యమంత్రి భజనకే పరిమితమయ్యాయి.
రాష్ట్రంలోని ఆస్తులన్నీ దోచుకొని తానొక్కడే లక్షలకోట్లు సంపాదించుకోవాలన్నదే జగన్ ఫిలాసఫీ. ఆయన వేసే ఎంగిలిమెతుకులకోసం ప్రజలు ప్రతిరోజు ఎదురు చూడాలి. ఇదెక్కడి న్యాయం? 2004లో జగన్ ఆస్తిఎంత? 2023లో ఆయన ఆస్తి ఎంత? రూ.43 వేల కోట్లు దోచుకుంటే సీబీఐ, ఈడీలు ఛార్జ్ షీట్లు వేశాయి. అంతచేసి కనీసం ఇప్పటికీ మారలేదు. పేదవాళ్ల అవకాశాలు, వారిసంపద దోచుకునే వ్యక్తి జగన్. బీసీల్లో చాలామంది నిర్మాణరంగంపై ఆధారపడి బతుకుతున్నారు. జగన్ కొత్త ఇసుక పాలసీ వల్ల 50లక్షల కుటుంబాలు రోడ్డునపడ్డాయి. సమాధానం చెప్పే ధైర్యం ఈ ముఖ్యమంత్రికి ఉందా? దేవుడిచ్చిన సహజవనరుల్నికూడా దోచేస్తున్న వ్యక్తి జగన్. 5ఏళ్లలో భూదోపిడీ, ఇసుకదోపిడీ, మద్యంపైదోపిడీ. అవిచాలవన్నట్టు ప్రజల ఆస్తులు రాయించుకునే స్థితికి వచ్చాడు. తుపాకీ చూపి బెదిరించి ఆస్తులుకొట్టేస్తున్నారు.
రూ.510కోట్లతో దేశంలోనే అత్యంతధనవంతుడైన ముఖ్యమంత్రిగా జగన్ నిలిచాడు. ఆయన పాలనలో బీసీల ఆస్తులు, ఆదాయం పెరిగిందా? రూ.5లక్షలకోట్లభారాన్ని బాదుడేబాదుడు అంటూ ప్రజలపై వేశాడు. రూ.10లక్షలకోట్లఅప్పులు రాష్ట్రంపై వేశా డు. అమ్మఒడి, వసతిదీవెన, విద్యాదీవెన కంటే మెరుగ్గా నాన్నబుడ్డి అమలు చేస్తున్నాడు. మీ పిల్లల్ని చదువులకోసం ఉద్యోగాలకోసం విదేశాలకుపంపించిన ఘనత తెలుగుదేశా నిదే. సత్యనాదెళ్ల తండ్రి యుగంధర్ నావద్ద పనిచేశాడు. మీ పిల్లలు సత్యనాదెళ్లలా మారాలి అని అంటే సరిపోదు. చేతల్లో చూపించాలి. తెలుగువాడికి నేను ఇచ్చిన ఆయుధం ఐటీ. ఆ ఐటీరంగాన్ని నమ్ముకునే సత్యనాదెళ్ల మైక్రోసాఫ్ట్ సీఈవో అయ్యా డు.
పేదల్ని ధనికుల్నిచేయాలన్న నాఆలోచన నిజం చేస్తాను. దానికోసమే ‘P-4’ విధానం తీసుకొచ్చాను. P-4లోని నాలుగు పీలు ప్రభుత్వం, ప్రైవేట్ సంస్థలు, ప్రైవేట్ వ్యక్తు లు, ప్రజలు. వీరి పార్టనర్ షిప్ తోనే పేదరికనిర్మూలన సాధ్యం. ప్రతివ్యక్తిని కోటీశ్వరు డిని చేయాలన్నది నాకల. తాముకూడా అందరితో సమానంగా పైకిరావాలని పేదలు కలలు కంటారు. ఆ కలలు నిజంకాకూడదా? మీ ఎమ్మెల్యే ఆంబోతు అడ్డదిడ్డంగా మాట్లాడతాడు. ఒక బీసీ యువకుడుచనిపోతే అతనికి ప్రభుత్వమిచ్చిన రూ.5 లక్షల పరిహారంలో రూ.2.50లక్షలు అడగడం శవాల పై మరమరాలు ఏరుకోవడం కాదా? మట్టిపనులుచేసుకునే వ్యక్తిని లంచం అడుగుతా రా? అతని కూతుర్ని ఎన్టీఆర్ ట్రస్ట్ ద్వారా చదివిస్తాం. ఆకుటుంబానికి ఇప్పుడు పార్టీ తరుపున రూ.2లక్షలు ఆర్థికసాయం చేశాం. (అంబటి బాధితురాలు శ్రీమతి తురకా గంగమ్మ).
ఎవరు ఔనన్నా…కాదన్నా సైబరాబాద్ నిర్మించి, హైదరాబాద్ ను ప్రపంచపటంలో నిలిపింది తెలుగుదేశంపార్టీనే. దానికంటే మంచి విజన్ తో ఇక్కడి వనరుల్ని ఉప యోగించుకొని అభివృద్ధిచేయాలని చూశాను. అమరావతి, పోలవరంతో పాటు ప్రపం చమంతా తిరిగి పరిశ్రమలు తీసుకొచ్చాను. కానీ మీరు కసాయివాడిని నమ్మి, రాష్ట్రా న్ని దుర్మార్గుడికి అప్పగించారు. తలసరి ఆదాయంలో తెలంగాణ నంబర్ 1 గా ఉంటే, ఏపీ ఆఖరిస్థానంలోఉంది. మీరు ఎవరూ అధైర్యపడవద్దు. తెలుగుదేశంపార్టీ మీకుఎప్పుడూ అండగా ఉంటుంది. సమిష్టిగా పనిచేసి మనరాష్ట్రాన్ని నంబర్-1గా నిలుపుదాం. పేదల్ని ధనికుల్ని చేయా లన్న నాఆలోచనలో నా మొదటిప్రాధాన్యత వెనుకబడినవర్గాలకే.
54 సాధికారకమిటీలు, 144కులాలు, కులసంఘాలు,కులసంఘాల నేతలు అందరూ ఆలోచించాలి. ఎక్కడికి వెళ్లినా ఈ ప్రభుత్వవైఫల్యాలను ఎత్తిచూపుతూనే, నాఆలోచ నల్ని అందరితో పంచుకోండి. మీ ఆలోచనలు నాతో పంచుకోండి. రాష్ట్రానికి, ప్రజలకు సంపదసృష్టించి, అభివృద్ధిచేయడమే నాకు తృప్తినిస్తుంది. జగన్మోహన్ రెడ్డి మిమ్మ ల్ని దోచుకొని ధనవంతుడు కావాలి అనుకుంటున్నాడు. మిమ్మల్ని ధనవంతుల్ని చేయాలని నేను అనుకుంటున్నాను. ప్రజలు బాగుండాలనే తపన నాయకుడికి ఉం టేనే మీరు బాగుపడతారు. బీసీల్లోని 140 కమిటీలకు రాజకీయంగా, ఆర్థికంగా ప్రాధాన్యత ఇచ్చేబాధ్యత నాది.
చెరువుల్లో బట్టలుఉతుక్కునేలా చేయడమేగాక, ప్రత్యేకంగా దోబీఘాట్ లు ఏర్పాటు చేసింది తెలుగుదేశంపార్టీ. మంచి ఆధునికమైన లాండ్రీలు ఇచ్చి, ఉచిత విద్యుత్ అం దించాము. రజకుల చెరువుల్ని ఆక్రమించిన వారిని వదిలిపెట్టను. వాటిని తిరిగి వారికే అప్పగిస్తాం. బట్టలమురికి ఎలాగైతేతొలగిస్తారో, వైసీపీని..జగన్ ని ఇంటింటికీ తిరిగి ఉతికి ఆరేయండి. ఆడబిడ్డలపై దాడులు, అత్యాచారాలు జరక్కుండా కఠినంగా వ్యవ హరిస్తాను.
తెలుగుదేశం ప్రభుత్వం 36,90,412 మందికి బీసీ విద్యార్థులకు, రూ.5,842కోట్ల స్కాల ర్ షిప్పులు ఇచ్చింది. 2,816 మంది యువతకు సివిల్ కోచింగ్ కోసం రూ.33 కోట్ల ఆర్థికసాయం చేశాము. ఆదరణ పథకంకింద 4,02,500 మందికి రూ.964కోట్లు ఖర్చుపెట్టాము. విదేశీవిద్యకింద 1975మందికి రూ.195కోట్లు అందించాము. 4,24, 432 మందికి రూ.2,074కోట్ల స్వయంఉపాధి రుణాలు అందించాము.
1,11,142 మందికి పెళ్లికానుక పథకం కింద రూ.39కోట్లు, స్కిల్ డెవలప్ మెంట్ కింద 31 వేలమంది యువతీ,యువకులకు రూ.45కోట్లు, విదేశీవిద్య పథకం కింద 470 మందికి రూ.47కోట్లు అందించాము. సివిల్ కోచింగ్ కింద 1443మందికి రూ.12కోట్లు, 8,30,000 మందికి రూ.2,068కోట్ల స్కాలర్ షిప్పులు అందించాము. ఇదీ తెలుగుదేశం ప్రభుత్వం వెనుకబడిన వర్గాలకు అందించిన ఆర్థికసాయం.
మీరు ఈ సమావేశంలో చెప్పినవాటిని నేను రికార్డ్ చేసుకున్నాను. మీరు ఇప్పుడు చెప్పినవాటినే సాధికారకమిటీల్లో చర్చించండి. సాధికారకమిటీలు ఇచ్చిన రికమండే షన్లు అమలుచేసే బాధ్యత తెలుగుదేశానిది. జనాభాదామాషా ప్రకారం వెనుకబడిన వర్గాలను ఆర్థికంగా, రాజకీయంగా న్యాయంచేసే బాధ్యత తీసుకుంటాను.”
