నింగిని ముద్దాడు సగర్వంగా..
ఇదే స్ఫూర్తితో
ఉద్భవించిన మహాశక్తి..
భారత సైనిక అఖండకీర్తి..
వాయుసేన
నేలపై కదం తొక్కే సైన్యానికి
నింగిలో దన్ను..
దేశానికి వెన్ను..
గగనతలం నుంచి
జాతిని కాచే గన్ను..!
అమెరికా..చైనా..రష్యా
వీటితో సమానమైన పవర్
భారత వాయుదళం..
ఈ పేరు చెబితేనే
శత్రుదేశాలకు ఫీవర్..
సువిశాల భూమికి
నింగిలో కవర్..
పదునాలుగు వందల
విమానాల సూపర్ ఫైటర్!
ఎన్ని యుద్ధాలు..
ఇంకెన్ని విజయాలు..
రెండో ప్రపంచ
యుద్ధం మొదలు..
సినో ఇండియన్ వార్..
ఆపరేషన్ కాక్టస్..
ఆపరేషన్ విజయ్..
కాంగో క్రైసిస్..
ఆపరేషన్ పూమలై..
ఆపరేషన్ పవన్..
అన్నిటినీ మించి
బంగ్లా విముక్తి..కార్గిల్ సహా
దాయాది పాకిస్తానుపై
ఎన్ని యుద్ధాలో..
అన్ని విజయాలు..!
సాక్షాత్తు రాష్ట్రపతి అధిపతిగా ఎగిరే దళం..
విజయయాత్రలు సాగించింది
తలఎత్తి చూసేలా భూగోళం..
యుద్ధ సమయంలోనే గాక
ప్రతి విపత్తులో కాచే
మన వాయుసేన
మహావిజయాలకు
శిరసు వంచి మొక్కుదాం..
అద్భుత విన్యాసాలను
తల ఎత్తి చూద్దాం..!
ఎలిశెట్టి సురేష్ కుమార్
9948546286
