– వైసీపీ పాలనలో వైద్య రంగం భ్రష్టు పట్టింది
– టీడీపీ శాసనసభ్యులు డోలా బాల వీరాంజయనేయస్వామి
ప్రజల ప్రాణాలతో సీఎం జగన్ రెడ్డి చెలగాటమాడుతున్నారు.
గ్రామీణ వైద్యానికి 15వ ఆర్థిక సంఘం విడుదల చేసిన రూ. 514 కోట్ల నిధులు దారి మళ్లించారు. సోషల్ ప్రోగ్రెస్ ఇండెక్స్ ప్రకారం పేదలకు ప్రాధమిక వైద్యం అందించడంలో దేశవ్యాప్తంగా ఏపీని 23వ స్థానానికి దిగజార్చారు. నీతి ఆయోగ్ హెల్త్ ఇండెక్స్ లో వైద్య రంగాన్ని 10వ స్థానానికి పడేశారు. 2019 మార్చి నాటికి ఒక వ్యక్తి ఆరోగ్యం కోసం చేసే ఖర్చు రూ. 950 కాగా ఈ నాలుగున్నరేళ్లలో ఆ ఖర్చు రూ. 4,000 వేలకు పెంచారు.
ప్రభుత్వాసుపత్రులకు సర్జికల్, మందులు సరఫరా చేసే సంస్థలకు కోట్లలో బిల్లులు బకాయి పెట్టడంతో AIMED ఏకంగా ఏపీకి రెడ్ నోటీస్ ఇచ్చింది. విజయవాడ హెల్త్ వర్సిటీ నిధులు రూ. 400 కోట్లు దారిమళ్లించి ఖజానా ఖాళీ చేశారు. వైసీపీ మంత్రులు, ఎంపీలు వైద్యం కోసం పొరుగు రాష్ట్రానికి క్యూ కడుతుండటం రాష్ట్రంలో వైద్య రంగ దుస్థితికి అద్దం పడుతోంది.
ఆరోగ్యశ్రీని అనారోగ్యశ్రీగా మార్చారు. రూ.1000 దాటితే ఉచిత వైద్యం పేదలకు ఎక్కడా అందడం లేదు. నెట్ వర్క్ ఆస్పత్రులకు రూ.1000 కోట్ల బకాయిలు పెట్టారు. ఆరోగ్యశ్రీ చికిత్సలకు ప్యాకేజీలు పెంచడంలేదు. దీంతో ఆరోగ్యశ్రీకార్డుదారులకు వైద్యం చేసేందుకు ఆస్పత్రులు నిరాకరిస్తున్నాయి. పేదలు ప్రైవేటు వైద్యం కోసం భారీగా వెచ్చించి అప్పులపాలవుతున్నారు.
ఐ ప్యాక్ కనుసన్నల్లో పథకాన్ని పబ్లిసిటీ స్టంగ్ గా మార్చేశారు. వైద్య శిబిరాల నిర్వహణకు వైద్యశాఖ నుంచి పైసా కేటాయించకుండా పంచాయితీలపైనే ఆర్థిక భారం మోపుతున్నారు. 104, ఫ్యామిలీ డాక్టర్ కింద చేస్తున్న పరీక్షల ప్రక్రియకే పేరుమార్చి జగనన్న సురక్ష పేరుతో హడావుడి చేస్తున్నారు. 17 మెడికల్ కాలేజీలు వస్తున్నాయని నాలుగున్నరేళ్లుగా ప్రచారార్భాటం చేశారు. కేవలం 5 మెడికల్ కాలేజీలే తీసుకొచ్చి వైద్య విద్యతోనూ నయా వ్యాపారం చేశారు. రాష్ట్ర చరిత్రలోనే తొలిసారిగా సర్కారీ కాలేజీల్లో మెడికల్ సీట్ల అమ్మడం ద్వారా బడుగు, బలహీన వర్గాలకు తీవ్ర అన్యాయం చేశారు.
పేదలకు సంజీవనిగా ఉపయోగపడిన సీఎంఆర్ ఎఫ్ ను ఐసీయూలోకి నెట్టేశారు. ముఖ్యమంత్రి సహాయనిధి కింద ఇచ్చే రీయింబర్స్ నూ కక్షపూరితంగా నిలిపేశారు. ఈ నాలుగున్నరేళ్లలో సీఎంఆర్ ఎఫ్ కింద కేవలం 70 వేలమందికి రూ. 429 కోట్లు మాత్రమే కేటాయించి చేతులు దులుపుకున్నారు.
పేదలకు చంద్రన్న ఆరోగ్య భాగ్యం
పేదల ఆరోగ్య పరిస్థితులు మెరుగు పరిచేందుకు 33 కొత్త పథకాలు నాడు చంద్రబాబు అమలు చేశారు. 2017-18లో నీతి ఆయోగ్ హెల్త్ ఇండెక్స్ ర్యాంకింగ్స్ లో వైద్య రంగం అభివృద్ధిలో ఏపీ 4వ స్థానంలో నిలిచింది. 2014లో నాటికి ఏపీలో ఆరోగ్యం కోసం ఒక వ్యక్తి సగటున చేసే ఖర్చు 5,000 వేలు కాగా చంద్రబాబు గారు తీసుకున్న చర్యల ద్వారా దాన్ని రూ. 950కి తగ్గించారు.
గ్రామీణ ప్రాంతాల్లో మల్టీసూపర్ స్పెషాలిటీ ఆస్పత్రులుగా పీహెచ్ సీలు పనిచేశాయి. పీహెచ్ సీ మొదలు జిల్లా ఆస్పత్రి వరకూ ఎన్టీఆర్ ఉచిత వైద్య పరీక్షలు నిర్వహించి 24 గంటల్లోగా రిపోర్టు అందజేశారు. మదర్ మాస్టర్ హెల్త్ చెకప్ కార్యక్రమం ద్వారా మహిళలకు 70 రకాల పరీక్షలు నిర్వహించారు. ప్రతిష్టాత్మక ఎయిమ్స్ ను మంగళగిరికి తెచ్చి పేదలకు మెరుగైన వైద్యం అందిస్తున్నారు. మాతా,శిశువులకు ఉపయోగకరమైన తల్లీ బిడ్డా ఎక్స్ ప్రెస్, ఎన్టీఆర్ బేబీ కిట్ల వంటి జగన్ రెడ్డి పథకాలను అటకెక్కించారు.
