-నీ లా కుసంస్కారంతో నేను మాట్లాడను
-తెర వెనుక బాగోతాలు నడుపను
-జగన్ పై రిటైర్డ్ డీజీ ఏబీ ఎదురుదాడి
అమరావతి: వైసీపీ అధినేత, మాజీ ముఖ్యమంత్రి వైఎస్ జగన్ పై రిటైర్డ్ డీజీ ఏబీ వెంకటేశ్వరరావు తొలిసారి నేరుగా విరుచుకుపడ్డారు. సీఎం చంద్రబాబుకు సలహాలిస్తున్నారంటూ, తన పేరు ప్రస్తావించిన జగన్‌పై ఏబీవీ అగ్గిరాముడయ్యారు. బుధవారం ప్రెస్‌మీట్‌లో జగన్ చేసిన వ్యాఖ్యలపై ఎక్స్‌ వేదికగా ఏబీ వెంకటేశ్వరరావు స్పందిస్తూ జగన్ పై విరుచుకుపడ్డారు.
‘‘మిస్టర్ జగన్ రెడ్డి…నోరు అదుపులో పెట్టుకో… మాట సరి చేసుకో… భాష సరి చూసుకో. ఒకసారి ప్రజల విశ్వాసం కోల్పోయినా… ఒకసారి నోరు జారినా… వాటిని తిరిగి ఎన్నటికీ పొందలేరు. నీ లా కుసంస్కారంతో నేను మాట్లాడను.. తెర వెనుక బాగోతాలు నడుపను. నేనేంటో.. నా తలవంచని నైజం ఏమిటో గడచిన ఐదు ఏళ్లలో నువ్వే చూశావ్… బి కేర్ ఫుల్’’ అని ఏబీవీ హెచ్చరించారు. ‘‘ఫర్ ది రికార్డ్ అంటూ నిన్న నువ్వు నా గురించి చెప్పింది పచ్చి అబద్ధం’’ అంటూ ఏబీ ఎక్స్‌లో పోస్టు చేశారు.
