– వారికి డ్రగ్స్ అలవాటు చేసి ఫోన్ ట్యాపింగ్ చేసేవాళ్లు
– అది వాళ్లకు వినిపించి లోబరచుకునేవాళ్లు
– సమంత-చైతన్య విడాకులకు కేటీఆరే కారణం
– కన్వెన్షన్ హాల్ కూల్చకుండా ఉండాలంటే సమంత నాదగ్గర రావాలని కేటీఆర్ కండిషన్ పెట్టాడు
– నాగార్జున, నాగ చైతన్య మాట్లాడి సమంత ను కేటీఆర్ దగ్గరికి వెళ్లాలని ఒత్తిడి చేశారు
– అది భరించలేక సమంత విడాకులు తీసుకుంది
– రకుల్ హడావిడి పెళ్లికీ కేటీఆరే కారణం
– మంత్రి కొండా సురేఖ సంచలన ఆరోపణలు
సినిమా-రాజకీయరంగాలు ఉలిక్కిపడేలా తెలంగాణ మంత్రి కొండా సురేఖ చేసిన ఆరోపణలు సంచలనం సృష్టిస్తున్నాయి. మాజీ మంత్రి, బీఆర్ఎస్ భావి నేత కేటీఆర్‌తో, సినిమా హీరోయిన్లకు ఉన్న లింకు లతోపాటు.. వారిని డ్రగ్స్‌కు అలవాటుచేసి, ఏవిధంగా లోబరచుకునేవారో కొండా సురేఖ వెల్లడించిన వైనం పెను వివాదం సృష్టిస్తోంది. ముఖ్యంగా హీరో అక్కినేని నాగార్జున-కొడుకు చైతన్య తన ఎన్ కన్వెక్షన్‌ను కాపాడుకునేందుకు, కేటీఆర్ వద్దకు వెళ్లాలని ఒత్తిడి చేశారన్న రహస్యాన్ని వెల్లడించిన సురేఖ ఆరోపణ, సినిమా పరిశ్రమలో అలజడి సృష్టిస్తోంది. రకుల్ ప్రీత్‌సింగ్ త్వరగా పెళ్లి చేసుకోవడానికి కారణం కూడా కేటీఆరేనంటూ సురేఖ చేసిన ఆరోపణలు ఇప్పుడు హాట్‌టాపిక్‌గా మారింది.
హైదరాబాద్: ‘‘ హీరోయిన్ల జీవితాలతో ఆడుకోవడం కేటీఆర్ కు అలవాటే. కేటీఆర్ డ్రగ్స్ కు అలవాటు పడ్డారు. హీరోయిన్లకు డ్రగ్స్ అలవాటు చేసింది కూడా ఆయనే. వారికి డ్రగ్స్ అలవాటు చేశాక, వారి ఫోన్లను ట్యాప్ చేశారు. సమంత, నాగచైతన్య విడిపోవడానికి కూడా కేటీఆరే కారణ ’’ మని బీఆర్ఎస్ వర్కింగ్ ప్రెసిడెంట్ కేటీఆర్ పై మంత్రి కొండా సురేఖ సంచలన ఆరోపణలు చేశారు.
కొందరు హీరోయిన్లు హడావిడిగా పెళ్లి చేసుకోవడానికి కేటీఆర్ కారణమని మంత్రి కొండా సురేఖ ఆరోపించారు. రకుల్‌ప్రీత్ సింగ్ తొందరగా పెళ్లి చేసుకోవడానికి కేటీఆరే కారణమని చెప్పారు. కొందరు హీరోయిన్లకు కేటీఆర్ డ్రగ్స్ అలవాటు చేశారని, హీరోయిన్లకు డ్రగ్స్ అలవాటుచేయడంతో పాటు కేటీఆర్ డ్రగ్స్ తీసుకున్నారని ఆరోపించారు.
N కన్వెన్షన్ హాల్ కూల్చకుండా ఉండాలంటే సమంత నాదగ్గర రావాలని కేటీఆర్ కండిషన్ పెట్టాడు. నాగార్జున, నాగ చైతన్య మాట్లాడి సమంతను
కేటీఆర్ దగ్గరికి వెళ్లాలని ఒత్తిడి చేశారు.కేటీఆర్ దగ్గరికి వెళ్ళడానికి సమంత ఒప్పుకోలేదు. కేటీఆర్ దగ్గరకి వెళ్ళకపోతే మా ఇంట్లో ఉంటే ఉండు లేకపోతే వెళ్ళిపో అన్నారు. అది భరించలేక సమంత విడాకులు తీసుకుంది.
కొంతమంది హీరోయిన్ల ప్రయివేట్ సంభాషణను రికార్డు చేసి, వాటిని హీరోయిన్లకు వినిపించి కొందరిని లోబర్చుకున్నారని ఆరోపించారు. తన మాట వినకపోతే రికార్డులు బయటపెడతానంటూ బెదిరించారని తెలిపారు. ఈ విషయం సినీ పరిశ్రమలో చాలామందికి తెలుసన్నారు.
కేటీఆర్ కు తల్లి, అక్క, చెల్లెలు లేరా? అని సురేఖ ప్రశ్నించారు. తనపై బీఆర్ఎస్ వాళ్లు ట్రోలింగ్ చేస్తున్నప్పుడు, కేటీఆర్ ఎందుకు స్పందించలేదని అడిగారు. మంత్రి సీతక్క, హైదరాబాద్ మేయర్ గద్వాల విజయలక్ష్మిపై అసభ్యకర పోస్టులు పెట్టినప్పుడు కూడా కేటీఆర్ మాట్లాడలేదని ఆగ్రహం వ్యక్తం చేశారు. ఒక మనసున్న మనిషిగా ఈ అంశంపై హరీశ్ రావు స్పందించారని అన్నారు.
బీఆర్ఎస్ లో ఐదేళ్లు పని చేశా. తన వ్యక్తిత్వం ఏమిటో ప్రతి ఒక్కరికీ తెలుసు సురేఖ అన్నారు. ప్రభుత్వం తప్పు చేస్తే నిలదీయాలి. అంతేకానీ, వ్యక్తిత్వాలను చంపే ప్రయత్నం చేయకూడదు. బీఆర్ఎస్ లో రాజకీయ విలువలు దిగజారి పోయాయి. దుబాయ్ నుంచి నాలుగు సోషల్ మీడియా అకౌంట్ల ద్వారా నా పై నీచమైన పోస్టులు పెడుతున్నారు. అసభ్యకర పోస్టులు పెట్టిన వారిపై ఫిర్యాదు చేశా అన్నారు.
కేటీఆర్ అన్నట్లు దొంగ ఏడుపులు మాకు అవసరం లేదు. సినీ పరిశ్రమలో చాలా మంది విడాకులకు కేటీఆరే కారణం. ఎంతో మంది జీవితాలతో ఆడుకున్నారు. నాగచైతన్య సమంత విడాకులకు కేటీఆరే కారణం. ఎన్ కన్వెన్షన్ విషయంలోనే ఇది జరిగింది అన్నారు.
