-
పరిసరాలు పరిశుభ్రంగా ఉంచుకోవడం ప్రతి ఒక్కరి సామాజిక బాధ్యత
-
మంత్రి డా. డోలా శ్రీ బాల వీరాంజనేయ స్వామి
-
స్వచ్ఛత హి సేవా కార్యక్రమంలో భాగంగా పాకల బీచ్ లో వ్యర్ధాలు తొలగించిన మంత్రి
మహాత్మా గాంధీ కలలుగన్న స్వచ్ఛ భారతావనిని సాధించేందుకు సమాజంలోని ప్రతి ఒక్కరు కృషి చేయాలని రాష్ట్ర సాంఘిక సంక్షేమ శాఖ మంత్రి డాక్టర్ డోలా శ్రీ బాల వీరాంజనేయ స్వామి పిలుపునిచ్చారు. బుధవారం నాడు ప్రకాశం జిల్లా సింగరాయకొండ మండలం పాకల బీచ్ లో ఈటీవీ, ఈనాడు ఆధ్వర్యంలో నిర్వహించిన స్వచ్ఛత హి సేవా కార్యక్రమంలో మంత్రి పాల్గొన్నారు. ఈ సందర్భంగా గ్రామస్తులు, పలు కళాశాలల విద్యార్థులతో కలిసి మంత్రి బీచ్ లోని వ్యర్ధాలను తొలగించారు.
అనంతరం మంత్రి డా.డోలా శ్రీ బాల వీరాంజనేయస్వామి మాట్లాడుతూ….. పరిసరాలు పరిశుభ్రంగా ఉంచుకుంటేనే మనం ఆరోగ్యంగా ఉండగలం. పరిసరాలు పరిశుభ్రంగా ఉంచుకోవడం మనందరి సామాజిక బాధ్యత. ప్రధాని నరేంద్ర మోడీ, ముఖ్యమంత్రి చంద్రబాబునాయుడు దేశాన్ని రాష్ట్రాన్ని క్లీన్ అండ్ గ్రీన్ గా మార్చేందుకు కృషి చేస్తున్నారు. టిడిపి హయాంలో సాలిడ్ వేస్ట్ మేనేజ్మెంట్ ద్వారా చెత్త నుండి సంపద సృష్టించాం. ప్రతి గ్రామంలోనూ డంపింగ్ యార్డులు నిర్మించాం. గ్రామాల్లో పరిశుభ్రత పచ్చదనాన్ని పెంపొందించాం. మహాత్మా గాంధీ కలలుగన్న స్వచ్ఛభారతావనిని సాధించేందుకు సమాజంలోని ప్రతి ఒక్కరు కృషి చేయాలన్నారు. ఈ సందర్భంగా ఈ కార్యక్రమం నిర్వహించిన ఈనాడు ఈటీవీ సంస్థను, కార్యక్రమంలో పాల్గొన్న గ్రామస్తులు పలు కాలేజీల విద్యార్థులను మంత్రి అభినందించారు.
