– సురవరం కుటుంబసభ్యులకు మంత్రి శ్రీనివాసగౌడ్ ఆహ్వానం
రాష్ట్ర అబ్కారీ, క్రీడా, పర్యాటక, సాంస్కృతిక శాఖ మంత్రి శ్రీనివాస్ గౌడ్ హైదరాబాద్ లోని తన క్యాంప్ కార్యాలయంలో గోల్కొండ పత్రిక వ్యవస్థాపకులు, సామాజిక వేత్త, కి. శే. సురవరం ప్రతాప్ రెడ్డి 125వ జయంతి ఉత్సవాల ముగింపు కార్యక్రమం సందర్భంగా నిర్వహిస్తున్న శ్రీ సురవరం కుటుంబ సభ్యులు, వారసులు కలసి ప్రత్యేకంగా ఆహ్వానించారు ఆహ్వానించారు.
ఈ సందర్భంగా మంత్రి శ్రీనివాస్ గౌడ్ మాట్లాడుతూ రాష్ట్రం గర్వించదగ్గ గొప్ప సామాజిక వేత్త సురవరం ప్రతాప్ రెడ్డి అని అభివర్ణించారు. కుల మతాల నిర్ములన తో పాటు సాహితీ వేత్త గా, సామజిక వేత్త గా, పత్రికా సంపాదకులు గా విశేష సేవలను అందించారని కొనియాడారు. ఉమ్మడి మహబూబ్ నగర్ జిల్లా లోని అలంపూర్ వద్ద వారి విగ్రహాన్ని ఏర్పాటు చేయడానికి సన్నాహాలు చేస్తున్నామన్నారు. వారి 125 వ జయంతి ముగింపు కార్యక్రమంలో భాగంగా వారిపై రూపొందిస్తూన్నామన్నారు.
ప్రత్యేక బుక్ ను సీఎం కేసీఆర్ చే విడుదల కు కృషి చేస్తున్నామన్నారు. వారిపై రూపొందించిన నాటకం ను ఇప్పటికే మహబూబ్ నగర్ జిల్లాలో, హైదరాబాద్ లో ని రవీంద్రభారతిలో ప్రదర్శన నిర్వహించామన్నారు. ఢిల్లీలోని తెలంగాణ భవన్ లో ప్రదర్శన చేసేందుకు సాంస్కృతిక శాఖ అధికారులు కృషి చేయాలని మంత్రి ఆదేశించారు. ఈ కార్యక్రమంలో సురవరం ప్రతాప్ రెడ్డి కుమారుడు డా. కృష్ణ వర్ధన్, కుటుంబ సభ్యులు సురవరం కపిల్, నివేదిత, అనిల్ తదితరులు పాల్గొన్నారు.
