ఏదో జరగబోతున్నది కాశ్మీర్ లో అంటూ ఊహాగానాలు చేస్తున్నారు నెటిజన్లు !
కొంతమంది POK ని స్వాధీనం చేసుకునే ప్రయత్నం ఎదో చేస్తున్నారు అంటూ ఊహాగానాలు చేస్తున్నారు.
కానీ అలాంటిది ఏమీ లేదు.
లేకుండా ఎలా ఉంటుంది ?అమిత్ షా ! గత వారం రోజులుగా ఒక దాని వెనుక జరుగుతున్న పరిణామాలని పరిశీలిస్తే ఎదో జరగబోతున్నది అనే అనిపిస్తుంది.
అమిత్ షా ఏ పని మొదలుపెట్టినా అది అయ్యేంత వరకు చాల గోప్యంగా ఉంచుతారు. ఆర్టికిల్ 370 రద్దు విషయంలో కూడా చివరి నిముషం వరకు ఎవరికీ తెలియదు. బిల్లు టేబుల్ మీదకి వచ్చిన తరువాత మాత్రమె అందరికీ తెలిసింది.
1. కాశ్మీర్ మహారాజు రాజా హరి సింగ్ మనవడు రాజా విక్రమాదిత్య సింగ్ హఠాత్తుగా కాంగ్రెస్ పార్టీకి రాజానామ చేసారు. తన రాజీనామా లేఖ లో నేరుగా సోనియా ని ఉద్దేశించి కాంగ్రెస్ పార్టీ దిశా నిర్దేశం లేకుండా పనిచేస్తున్నది అంటూ తీవ్రంగా విమర్శించారు.
2. ఫరూక్ ఖాన్[farooq Khan] ! ఫరూక్ ఖాన్ మాజీ IPS అధికారి. జమ్మూ కాశ్మీర్ లో IGP [Inspector General of Police ] పని చేసి పదవీవిరమణ చేసారు. ప్రస్తుతం కాశ్మీర్ లెఫ్టినెంట్ గవర్నర్ మనోజ్ సిన్హా కి చీఫ్ అడ్వైజర్ గా పనిచేస్తున్నారు. ఫరూక్ ఖాన్ తన చీఫ్ అడ్వైజర్ పదవికి రాజీనామా చేసారు. గతంలో ఫరూక్ ఖాన్ BJP మైనారిటీ సెల్ కి జాతీయ అధ్యక్షుడుగా పనిచేసారు. ఫరూక్ ఖాన్ తండ్రి పీర్ మొహమ్మద్ ఖాన్ కాశ్మీర్ మహారాజ హరిసింగ్ సైన్యంలో పనిచేసారు. జమ్మూ కాశ్మీర్ లో జనసంఘ్ వ్యవస్థాపక అధ్యక్షుడు పీర్ మొహమ్మద్ ఖాన్ .
3.కొద్ది రోజుల క్రితం అమిత్ షా జమ్మూ కాశ్మీర్ ని సందర్శించిన తరువాతే విక్రమాదిత్య సింగ్ కాంగ్రెస్ పార్టీకి రాజీనామా చేయడం వెంటనే ఫరూక్ ఖాన్ తన పదవికి రాజీనామా చేయడం వెనుక వీళ్ళ ఇద్దరికీ ఎదో ముఖ్యమయిన అసైన్మెంట్ ఇవ్వబోతున్నారు అమిత్ షా అని అర్ధం చేసుకోవచ్చు. అది జమ్మూ కాశ్మీర్ కి సంబంధించినది అయి ఉండవచ్చు.
4. జమ్మూ కాశ్మీర్ లో నియోజకవర్గ పునర్విభజన ప్రక్రియ [De Limitation ] పూర్తీ అయిపొయింది. వివరాలు ప్రభుత్వ డొమైన్ లో పొందు పరిచారు.
5. ఇక జమ్మూ కాశ్మీర్ మాజీ ముఖ్యమంత్రులు సహజంగానే గగ్గోలు పెడుతున్నారు! పాపం వీళ్ళకి నియోజవర్గ పురర్విభజన అనేది అస్సలు జీర్ణించుకోలేని విషంగా మారింది! ఇంతవరకు దేశ ప్రజల సొమ్ముని తేరగా అనిభవించారు కదా ? ఇక ముందు ముందు ఆ అవకాశం ఉండదు అనే ఆక్రోశం వాళ్ళది. వీళ్ళ ఆస్తులు లండన్ లో ఉన్నాయి ,పిల్లలూ లండన్ లోనే సెటిల్ అయ్యారు కాబట్టి పెద్దగా బాధపడవలిసింది ఏమీ లేదు కానీ ఇంకా దోచుకొని లండన్ వెళ్ళాలనే ఆలోచనకి బ్రేక్ పడ్డది.
6. ఇన్ని సంవత్సరాలూ చాలా పద్దతిగా తమకి ఇష్టం వచ్చినట్లు ఎన్నికలు నడిపించుకొని గెలుస్తూ వచ్చిన ముఫ్టీ గాంగ్, అబ్దుల్లా గాంగ్ లకి కొత్త నియోజకవర్గాలు కోరుకుడుపడేవి కావు. చాల పకడ్బందీగా వీళ్ళ డామినేషన్ ని తగ్గించే విధంగా విభజన జరిగింది. దీని కోసం రెండేళ్ళ పాటు పెద్ద కసరత్తే చేసారు అమిత్ షా .
7.ఇన్నాళ్ళూ కాశ్మీర్ ముస్లిమ్స్ తో పాటు కాశ్మీర్ వేర్పాటు వాదులు వీళ్ళకి సహకరించే పాకిస్థాన్ నుండి నిధులు తీసుకునే టెర్రరిస్టులు సహకరిస్తూ వచ్చారు ముఫ్తీ ,అబ్దుల్లా గాంగ్ లకి. మరి ఇప్పుడు ?
**జహీర్ అహ్మద్ – కాశ్మీర్ సేపరేటిస్ట్- జైల్లో ఉన్నాడు.
**ఆల్ జమ్మూ& కాశ్మీర్ ప్లెబిసైట్ ఫ్రంట్ – ప్రస్తుతం ఉనికి లో లేదు. చెల్లా చెదురు అయ్యారు. ఈ సంస్థలోని కొంతమంది పారిపోగా కొద్ది మంది జైల్లో ఉన్నారు.
*ఆల్ పార్టీస్ హురియత్ కాన్ఫరెన్స్ – ఈ సంస్థ కూడా నిధుల లేమితో విలవిలలాడుతూ చాల మంది జైల్లో ఉన్నారు. *ఆసియా అంద్రాబీ – అడ్రస్ లేదు.
**అన్సార్ –ఘజ్వత్ –ఉల్ – హింద్ – గత ఏడేళ్ళుగా సోయిలో లేదు.
**మొహమ్మద్ అబ్బాస్ అన్సారి – జైల్లో ఉన్నాడు.
**ఆజాద్ కాశ్మీర్ ప్లెబిసైట్ ఫ్రంట్ – ఉనికి లో లేదు.
**షేక్ అబ్దుల్ అజీజ్ – జైల్లో ఉన్నాడు.
పైన పేర్కొన్న సంస్థలు లేదా వ్యక్తులు చాలా మంది జైళ్ళలో ఉన్నారు. 2014 వరకు వీళ్ళకి పాకిస్థాన్ ISI నుండి ఆజ్ఞలు వచ్చేవి. జమ్మూ కాశ్మీర్ లో ఎవరు అధికారంలో ఉండాలో కూడా ISI నిర్ణయించేది దానిని అమలు చేసే పని టెర్రర్ గ్రూపులు చేసేవి. ఇప్పుడు ? కనెక్షన్ కట్ అవడమే కాదు నెంబర్లు శాశ్వతంగా పనిచేయటానికి వీలులేకుండా చేసారు. దొంగ నోట్లు రావడం ఆగిపోయింది. అఫ్కోర్స్ వాటిని ప్రింట్ చేయడానికి కూడా డబ్బులు కావాలి కదా ? కరెంట్ ఖర్చు కూడా రాదు పాకిస్థాన్ కి ఇప్పుడు పైగా విద్యుత్ సరఫరా లేదు చేస్తే గీస్తే జేనరేటర్స్ తో పనిచేయించాలి పోనీ అలా చూసినా డీజిల్ కొనే స్థితిలో లేదు.
రాళ్ళు రువ్వే వాళ్లకి ఎవరు డబ్బులు ఇస్తున్నారో అజిత్ దోవల్ లిస్టు లో ఉన్నారు అందరూ. ఒక రాయికి రెండు వేల జరిమానా పడిపోతుంది ఆటోమాటిక్ గా ఇప్పుడు !
కాశ్మీర్ అంటే ఉగ్రవాదులు ఉండే ప్రదేశంగా ముద్ర వేసారు కానీ ఇప్పటికీ తమకి రోజువారీ ఆదాయం వస్తే చాలు బ్రతకడానికి అనుకునే వాళ్ళు కూడా ఉన్నారు అక్కడ. కాశ్మీర్ లోయ ప్రశాంతం గా ఉంటె చాలు అనుకునే వాళ్ళ సంఖ్య ఎక్కువగానే ఉంది అక్కడ. ఇప్పుడు వీళ్ళు ముఫ్తీ,అబ్దుల్లా లకి వోటు వేస్తారా అన్నదే ప్రశ్న.
ముఫ్తీ తెలివితేటలు !
జమ్మూ కాశ్మీర్ లోని నియోజకవర్గ పునర్విభజన మీద ముఫ్తీ పాకిస్తాన్ ప్రధాని ఇమ్రాన్ ఖాన్ సహాయం అర్ధించింది తాజాగా. ఇమ్రాన్ ,మోడీలు కూర్చొని చర్చించాక డీ లిమిటేషన్ చర్య తీసుకోవాలి అని డిమాండ్ చేసింది ముఫ్టీ ! అసలు పాకిస్తాన్ లో ఏం జరుగుతున్నదో తెలుసా ఈ అక్కు పక్షికి ? అవిశ్వాస తీర్మానం నుండి తప్పించుకొని నేరుగా లండన్ పారిపోయే ప్రయత్నాలలో ఉన్నాడు ఇమ్రాన్ ! తాజాగా సైన్యం CPEC లో అవినీతికి ఇమ్రాన్ బాధ్యుడు అని ఆరోపిస్తున్నది. అంటే ఇమ్రాన్ కి దృశ్యం ఏమిటో అర్ధం అయిపొయింది.
అవినీతి ఆరోపణల మీద ఇమ్రాన్ ని జైల్లో పెట్టడానికి సైన్యం సన్నాహాలు చేస్తున్నది అదే జరిగితే ఇప్పట్లో ఇమ్రాన్ జైల్లో నుండి బయటికి రాలేడు! సహజంగా తనకి ఎదురు తిరిగిన ప్రధానులని ,అధ్యక్షులని ఉరి తీయడమో లేదా విమాన ప్రమాదం ద్వారా చంపడమో ఆనవాయితీ సైన్యానికి . ఈ విషయం ఇమ్రాన్ కి తెలియంది కాదు. అందుకే లండన్ పారిపోయే ప్రయత్నాలలో ఉన్నట్లు వార్తలు వస్తున్నాయి గత రెండు రోజులుగా. అలాంటిది ఇమ్రాన్ మోదీజీ తో కూర్చొని సమస్యని పరిష్కరించమని అడుగుతున్నది అంటే ఈవిడ ప్రపంచ జ్ఞానం ఏ స్థాయిలో ఉందొ అర్ధం చేసుకోవచ్చు.
ఈ పోస్ట్ ప్రిపేర్ చేస్తున్నప్పటి వార్త ఏమిటంటే ఇమ్రాన్ కి మద్దతు ఇస్తున్న MQM పార్టీ ప్రతిపక్షం తో చేతులు కలిపింది అని. ఇమ్రాన్ అవిశ్వాస తీర్మానం నేగ్గలేడు. సైన్యం తో సంధి చేసుకొని లండన్ వెళ్లిపోతాడు. ముఫ్తీ కూడా లండన్ వెళ్లి అక్కడ ఇద్దరూ చెరో కుర్చీ వేసుకొని మాట్లాడుకొని ఒక తీర్మానం చేసి దానిని అమలు చేయాలనే డిమాండ్ చేయవచ్చు మోదీజీ ని !
వీళ్ళా పాలకులు ?
ఇంతా చేస్తే గత 70 ఏళ్ళుగా పాతుకుపోయిన ముదనష్టం అంత త్వరగా వదిలిపోతుందా ? పోదు. సామెత చెప్పినట్లు ‘’పిల్ల పోయినా పీతి కంపు పోలేదన్నట్లు ‘’ వీళ్ళు బ్రతికి ఉన్నంతకాలం ఎదో ఒక సమస్య తెస్తూనే ఉంటారు.
ఇంతకీ జమ్మూ కాశ్మీర్ ఎన్నికలకి సిద్ధం అవుతున్నట్లు అనుకోవాలా ?
నోటిఫికేషన్ వచ్చే వరకు చెప్పరు మోడీ అమిత్ షాలు ! చేసేడి వారు అమిత్ షా ! చేయించేది మోదీజీ ! చెప్పరు, చేసేస్తారు అంతే !
– పార్ధసారధి పోట్లూరి
