తెలుగుదేశం పార్టీ తెలంగాణ రాష్ట్ర మీడియా కమిటీ చైర్మన్‌గా టి.ప్రకాష్‌రెడ్డిని పార్టీ నాయకత్వం నియమించింది. ఉమ్మడి రాష్ట్రం నుంచి పార్టీ ఆఫీసులో మీడియా వ్యవహారాలను విజయవంతంగా నిర్వహిస్తున్న ప్రకాష్‌రెడ్డి .. పార్టీ ప్రతిష్ఠాత్మకం నిర్వహించే మహానాడు, మీకోసం యాత్రలతోపాటు.. చంద్రబాబునాయుడు పర్యటనలు, పార్టీ వివిధ ప్రాంతాలకు మీడియా బృందాన్ని తీసుకు వెళ్లే సందర్భంలో ప్రకాష్‌రెడ్డి చేసే సమన్వయం అందరినీ మెప్పిస్తుంటుంది.
పార్టీ కార్యక్రమాలు మీడియాకు చేరవేసే బాధ్యతలను విజయవంతంగా నిర్వహిస్తు, అనుసంధానం చేస్తున్న ప్రకాష్‌రెడ్డికి, పార్టీ నాయకత్వం తాజాగా మీడియా కమిటీ చైర్మన్ బాధ్యతలు అప్పగించింది.
కాగా తనను మీడియా కమిటీ చైర్మన్‌గా నియమించిన పార్టీ అధినేత చంద్రబాబునాయుడు, యువనేత-జాతీయ ప్రధాన కార్యదర్శి లోకేష్, తెలంగాణ పార్టీ అధ్యక్షుడు కాసాని జ్ఞానేశ్వర్, తెలంగాణ ఇన్చార్జి కంభంపాటి రామ్మోహన్‌రావు, మాజీ ఎంపి రావుల చంద్రశేఖర్‌రెడ్డికి ప్రకాష్‌రెడ్డి కృతజ్ఞతలు తెలిపారు.
