– ఆకట్టుకున్న సింగపూర్ తెలుగువాసుల పాదయాత్ర
శ్రీవెంకటేశ్వరస్వామి దీవెనలతోనే టీడీపీ అధినేత చంద్రబాబునాయుడు జైలు నుంచి బయటకు వచ్చారని సింగపూర్‌లోని తెలుగువారు అన్నారు. చంద్రబాబు జైలు నుంచి బయటకు వచ్చిన సందర్భంగా, ఆయన ఆరోగ్యం బాగుండాలంటూ సింగపూర్ తెలుగువారు, పెరుమాళ్ శ్రీనివాసన్ దేవాలయం వరకూ నిర్వహించిన పాదయాత్ర సింగపూర్ వాసులను ఆకట్టుకుంది. ఈ సందర్భంగా చంద్రబాబు కుటుంబం క్షేమంగా ఉండాలంటూ వారిపేరిట అర్చనలు చేశారు. చంద్రబాబు ఐటీని ప్రోత్సహించినందుకే తామంతా ఇంత దూరం వచ్చామన్నారు.
నారా చంద్రబాబునాయుడు కేసు నుంచి బయటపడి ఆయురారోగ్యాలతో ఉండాలని కోరుకుంటూ సింగపూర్ తెలుగుదేశం ఫోరం సభ్యులు, సీన్గాకాంగ్ వెల్మురుగన్ దేవాలయం నుంచి.. లిటిల్ ఇండియా లోని పెరుమాళ్ శ్రీనివాసన్ దేవాలయం వరకు 13 కిలో మీటర్లు పాదయాత్రగా వెళ్లి, నారా చంద్రబాబు కుటుంబం పేరుతో అర్చనలు చేయించి , 300 మందికి అన్నదానం చేయడం జరిగింది. ఈ కార్యక్రమానికి తెలుగుదేశం ఫోరం సభ్యులంతా పాల్గొని చంద్రబాబుకు అంతా మంచే జరగాలని దేవదేవుడు వెంకటేశ్వర స్వామికి కోరుకున్నారు .
