రాజంటే రాజురా
రాజులకే రాజురా
భారత మాత కన్న
మనసున్న మహారాజురా
సర్దార్ సర్వాయి పాపన్న రా
పీడిత ప్రజల విముక్తి కోసం
తెలుగు నేలపై వెలిగిన
మరో సూర్యుడు మహావీరుడు
దొర లనే మానవ మృగాలను
వేటాడిన మహాసేయుడు
మన తరానికి ఆదర్శ పురుషుడు
“రాజంటే రాజురా”
ప్రతి మనిషిని సైనికుడిగా మలచి
దుస్టుల తలలు తుంచి
మొగలుల మెడలు వంచి
పేదల కడుపు నింపిన
కరుణామయుడు,
కలియుగ కర్ణుడు
“రాజంటే రాజురా”
సైన్యాన్ని స్థాపించి
కోటలను కట్టించి
రాజ్యాన్ని నిర్మించి
సమ సమాజ నిర్మాణం సాగించాడు
ప్రజల హృదయాలను గెలిచి
ధ్రువ తారై నిలిచాడు
జోహార్ జోహార్ పాపన్న
జోహార్ జోహార్ పాపన్న
నువు కలలు కన్న సమ సమాజం
సాధించే సమరంలో
ప్రతి మనిషి ఒక అగ్గిపిడుగై
ప్రాణార్పణ చేస్తాం
ప్రాణార్పణ చేస్తాం
రాజంటే రాజురా
రాజులకే రాజురా
భారత మాత కన్న
మనసున్న మహారాజురా
సర్దార్ సర్వాయి పాపన్న రా
-నారగొని,ప్రవీణ్ కుమాసర్