చిరునవ్వు – ఒక నిరంతర ప్రయాణం. చిరునవ్వు అనేది మనం ధరించగలిగే అతి తక్కువ ధర కలిగిన, కానీ అత్యంత విలువైన ఆభరణం. చిరునవ్వులు చిందించే మోము కనబడితే మన మనసు కూడా చిందులు వేస్తుంది. కల్మషమెరుగని చిరునవ్వు మనలోని ఎంతటి ఒత్తిడినైనా ఇట్టే తరిమేస్తుంది.
నవ్వు: ఒక సామాజిక శక్తి
చిరునవ్వు మనసుకి ఇచ్చే ఒక గొప్ప ఔషధం. అది మనల్ని మాత్రమే కాదు, మన చుట్టూ ఉన్న వారిని కూడా ఉత్సాహపరుస్తుంది. నవ్వుతూ ఉండేవారి వైపు ప్రజలు త్వరగా ఆకర్షితులవుతారు. అది ఒక అయస్కాంతంలా పనిచేసి సామాజిక సంబంధాలను బలపరుస్తుంది. ఎప్పుడూ నవ్వుతూ నవ్విస్తూ ఉండే
వారి చుట్టూనే జనం చేరతారు. చిర్రుబుర్రులాడుతూ మొహం చిట్లించే వారి వద్దకు వెళ్ళడానికి ఎవ్వరూ ఇష్టపడరు.
“నవ్వు నాలుగు విధాల చేటు” అనే పాత సామెత నుంచి “నవ్వు నలభై విధాల గ్రేటు” అనే ఆధునిక దృక్పథం వైపు మళ్లడం సమాజంలో వచ్చిన సానుకూల మార్పును సూచిస్తుంది. చిరునవ్వును వాయిదా వేయకండి.
ఈ క్షణాన్ని నిండుగా ఆస్వాదించండి!అంతర్గత తృప్తి (Self-satisfaction) సముద్రంలా స్థిరంగా ఉంటుంది.
సంతోషం ఒక ప్రయాణం, గమ్యం కాదు.
మనం ఆనందంగా ఉండాలంటే ఆరోగ్యం కూడా చాలా ముఖ్యం. అందుకే చాలా మంది తమ జీవన విధానంలో ఎన్నో మార్పులు చేసుకుంటుంటారు. మనసు ప్రశాంతంగా ఉండాలంటే సంతోషం చాలా ముఖ్యం. నిజానికి మనం మంచి దారిలో నడిచినప్పుడు, మంచి నియమాలకు అనుగుణంగా జీవించినప్పుడు వచ్చే ఫలితమే సంతోషం.
సంతోషం అంటే ఏమిటి?: సంతోషం అనేది కేవలం ఒక వస్తువు దొరికినప్పుడో, లక్ష్యం చేరినప్పుడో వచ్చే తాత్కాలిక అనుభూతి కాదు. అది మనం క్షేమంగా ఉన్నామనే ఒక అంతర్గత స్థితి.
సంతోషం ఒక ప్రయాణం: “ఇది జరిగితేనే నేను సంతోషిస్తాను”
అని కండిషన్లు పెట్టుకోవడం అంటే సంతోషాన్ని వాయిదా వేయడమే.
కోరికలు తీరినప్పుడు వచ్చేది
‘అల’ వంటి సంతోషం. మనసు తృప్తి చెందినప్పుడు కలిగేది ‘సముద్రమంత’ ఆనందం!
నిత్య ప్రయాణం: సంతోషం అనేది మనం చేరుకోవాల్సిన చోటు కాదు, మనం ప్రయాణించే పద్ధతి.
సాయం మరియు త్యాగంలో ఆనందం
* స్వార్థంతో కూడిన ఆనందం కంటే, ఇతరులకు సాయం చేయడంలో లభించే తృప్తి ఎక్కువ కాలం నిలిచి ఉంటుంది.
* దేశం కోసం ప్రాణాలర్పించే వీరుల చిరునవ్వు అమరత్వాన్ని పొందుతుంది. అది కేవలం వ్యక్తిగత సంతోషం కాదు, ఒక జాతికి స్ఫూర్తి.
మానసిక ఆరోగ్యం – నిర్ణయ సామర్థ్యం
* బాధలో లేదా కోపంలో ఉన్నప్పుడు మన మెదడు సరిగ్గా ఆలోచించలేదు.
* ప్రశాంతంగా, సంతోషంగా ఉన్నప్పుడు తీసుకునే నిర్ణయాలు సముచితంగా ఉండి, జీవితంలో మంచి ఫలితాలను ఇస్తాయి.
నిర్ణయ సామర్థ్యం: ఒత్తిడి లేదా
బాధలో ఉన్నప్పుడు సరైన నిర్ణయాలు తీసుకోలేము. మనసు ప్రశాంతంగా, సంతోషంగా ఉన్నప్పుడే ఆలోచనలు స్పష్టంగా ఉండి, మంచి ఫలితాలను ఇస్తాయి.
అందుకే సంతోషం అనేది బయట ఎక్కడో దొరికేది కాదు; అది మన ప్రశాంతతలో, ఇతరులకు చేసే సాయంలో మరియు మన జీవన విధానంలో ఉండే నిరంతర ప్రక్రియ.
“నవ్వు నాలుగు విధాల చేటు కాదు… నవ్వు నలభై విధాల గ్రేటు!
సంతోషం అనేది మనం చేరుకోవాల్సిన గమ్యం కాదు, అది మనం సాగించే ప్రయాణం. ఎప్పుడూ నవ్వుతూ.. నవ్విస్తూ ఉందాం!”
– డాక్టర్ వెలగపూడి ఉమామహేశ్వర రావు
మేనేజింగ్ ట్రస్టీ, లయన్స్ మల్టీస్పెషాలిటీ హాస్పిటల్, విశాఖపట్నం
మాజీ రిజిస్ట్రార్, ఆంధ్ర విశ్వవిద్యాలయం.
About the Author
