• తెలుగు దేశం పార్టీ జాతీయ ప్రధాన కార్యదర్శి నారా లోకేష్ తలపెట్టిన యువగళం పాదయాత్ర రేపు ప్రారంభం కానుంది.
• ఇప్పటికే కుప్పం చేరుకున్న నారా లోకేష్ రేపు ఉదయం సరిగ్గా 11.03 గంటలకు తన పాదయాత్రలో తొలి అడుగు వేయనున్నారు.
• కుప్పం ఆర్ అండ్ బి గెస్ట్ హౌస్ లో బస చేసిన నారా లోకేష్ రేపు ఉదయం 10.15 గంటలకు అక్కడ నుంచి బయలుదేరి స్థానిక వరదరాజుల స్వామి దేవాలయానికి వెళ్లి ప్రత్యేక పూజలు చేయనున్నారు.
• పూజల అనంతరం 4 వేల కిలోమీటర్ల యువగళం పాదయాత్ర కు సరిగ్గా 11.03 గంటలకు తొలి అడుగు వేయనున్నారు.
• అనంతరం కుప్పంలో మధ్యాహ్నం 3.00 గంటలకు జరిగే యువగళం సభలో పాల్గొననున్నారు.
• సభ అనంతరం కుప్పం ప్రభుత్వ ఆసుపత్రి, శెట్టిపల్లె క్రాస్, బెగ్గిలిపల్లె క్రాస్ మీదుగా రాత్రి బస ప్రాంతానికి చేరుకుంటారు.
• తొలి రోజు మొత్తం 8.5 కిలోమీటర్ల దూరం నారా లోకేష్ యువగళం పాదయాత్ర సాగనుంది.
• తన పాదయాత్రలో అడుగడుగునా ప్రజలతో మమేకం అవుతూ…కార్యకర్తలను పలకరిస్తూ…వివిధ వర్గాల నుంచి వినతులు స్వీకరిస్తూ పాదయాత్ర సాగనుంది.
