ప్రముఖ నటుడు, రెబల్ స్టార్, కేంద్ర మాజీ మంత్రి ఉప్పలపాటి వెంకట కృష్ణంరాజు మరణం పట్ల రాష్ట్ర ఆబ్కారీ, క్రీడా , పర్యాటక, సాంస్కృతిక శాఖ మంత్రి V. శ్రీనివాస్ గౌడ్ తీవ్ర సంతాపం వ్యక్తం చేశారు. వారి మరణం తెలుగు సినీ పరిశ్రమకు, రాజకీయ రంగానికి తీరని లోటన్నారు. NTR, ANR, కృష్ణ, శోభన్ బాబు ల సమకాలికులన్నారు. విభిన్న, విలక్షణ పాత్రల ద్వారా తెలుగు చిత్ర సీమలో రెబల్ స్టార్ గా ఎంతోమంది అభిమానుల్ని సంపాదించుకున్నారన్నారు. మంచి అభిరుచి కలిగిన నిర్మాత గా పలు విజయవంతమైన చిత్రాలను నిర్మించారన్నారు. వారి కుటుంబ సభ్యులకు తన ప్రగాఢ సానుభూతిని తెలియ చేశారు మంత్రి V. శ్రీనివాస్ గౌడ్.
