సీబీఐ డిప్యూటీ ఇన్స్పెక్టర్ జనరల్ (డీఐజీ) గా ఐపీఎస్ వెంకట సుబ్బారెడ్డిని నియమిస్తూ కేంద్ర హోంశాఖ ఉత్తర్వులు ఇచ్చింది. ఆయన ఈ పదవిలో బాధ్యతలు చేపట్టిన నాటి నుంచి ఐదేళ్లు లేదా తదుపరి ఉత్తర్వుల వరకు కొనసాగుతారని పేర్కొంది. వెంకట సుబ్బారెడ్డి 2007 బ్యాచ్ ఐపీఎస్ అధికారిగా అస్సాం-మేఘాలయ క్యాడర్‌ కు చెందినవారు. ఆంధ్రప్రదేశ్ రాష్ట్రానికి చెందిన సుబ్బారెడ్డి ప్రస్తుతం షిల్లాంగ్‌లో సీఐడీ డీఐజీగా విధులు నిర్వహిస్తున్నారు. కేంద్రం ఆయనను సీబీఐ డీఐజీగా నియమించటంతో, వెంటనే రాష్ట్ర సర్వీసు నుంచి రిలీవ్ చేయాలని ఆదేశాలు జారీ చేసింది.
