హైదరాబాదు, నవంబర్ 17: ఖైరతాబాద్ నియోజకవర్గంలోని హిమాయత్‌నగర్ డివిజన్‌లో తెలుగుదేశం పార్టీ మెంబర్షిప్ కార్యక్రమం ఘనంగా నిర్వహించబడింది. ఈ కార్యక్రమంలో పార్టీ నాయకులు, కార్యకర్తలు మరియు ప్రత్యేక అతిథులు పెద్ద సంఖ్యలో పాల్గొన్నారు.
ఈ కార్యక్రమానికి ముఖ్య అతిథులుగా తెలుగుదేశం పార్టీ పొలిట్‌బ్యూరో సభ్యులు అరవింద్ కుమార్ గౌడ్, పి. సాయి బాబా హాజరయ్యారు. ఈ సందర్బంగా వారు పార్టీకి కొత్త సభ్యులను ఆహ్వానిస్తూ, పార్టీ సిద్ధాంతాలు, కార్యక్రమాలు ప్రజల్లోకి తీసుకెళ్లాల్సిన అవసరాన్ని ప్రత్యేకంగా తెలియజేశారు.
అనంతరం డివిజన్ అధ్యక్షుడు ప్రదీప్ గౌడ్ మాట్లాడుతూ, పార్టీ అభివృద్ధికి ప్రతి ఒక్కరు కృషి చేయాలని పిలుపునిచ్చారు. ఈ కార్యక్రమంలో నల్లెల్ల కిషోర్, పద్మజ కిషోర్ (మాజీ కార్పొరేటర్ అభ్యర్థి), బాలరాజ్ గౌడ్, బాలాజీ గోస్వామి, వంశీ కృష్ణ, ఎం.నర్సింహ, విజయ్ రాపర్తి, మీర్ అశ్ఫాక్ అలీ, కె.భాను, శ్రీనివాస్ గుప్తా, సత్యనారాయణ తదితర నాయకులు పాల్గొన్నారు.
పార్టీ అభివృద్ధి, ప్రజా సమస్యల పరిష్కారంలో ప్రతి ఒక్క కార్యకర్త భాగస్వామ్యం కావాలని నాయకులు పిలుపునిచ్చారు. ఈ కార్యక్రమం కొత్త కార్యాచరణకు ఊతం కల్పించిందని హాజరైన వారు పేర్కొన్నారు.
